الابيات يالله بدعوه في غيابي تجعل امالي منال اللي بما اوتيت من قوة طموح اسعالها اشوفها مثل الخيال وجعلها مثل الخيال اللي ليا اشتد البدو صوبه تشد ارحالها من دونها متحلّي بفسحة صدور اهل الشمال مع اني امن الديره اللي ماتهاز اجبالها عهدً علي ماقصر عن اهدافي لو ان الصبر طال يعيضني عن حرّ كنّتها براد اظلالها بسيط اعيش بدون مال وصعب اعيش بدون امال من خلقة الدنيا وامال الناس روس اموالها الله لايبلانا بجور وقلّ حيل وضعف حال من دون لطفه دورة الايام مانحتالها انزول فالدنيا وتالينا من الدنيا زوال سنينها ماكنها الا ليله من اليالها خداعةً نطرد وراها من طمع مدري هبال نهم في قفّايها ونهيم في مقبالها احيان تبخل لاجعلناها محطّ الانشغال واحيان مانفضالها وتعمّنا بافضالها والرابحين العايشين بوسع صدر وطول بال وانفوسهم زمة عيال ابليس ماتختالها العمر يمشي والقدر يجري والاحلام احتمال واهم من زود الفرص كيفيّة استغلالها وانا نذر ماتنزل عيوني عن سفوح الجبال ولا يطاول راسي الا غترته واعقالها لامال راس المنخذل عفة مقامي راس مال املك بها حب الرجال وقدرها واجلالها عن المبادي والشيم ماتيّه عيوني جمال اللي نحرها شع نوره واظلمه سلسالها من الطبيعي تزعم انها صفوة البيض الثقال وان شالها كف الوضيع اخف له من شالها مالي بمنسبها لو انها من وسيعين الحلال ولا بمنسب خالها ولا بحبة خالها اخذت من بنات حوّى بنت داهية الرجال اللي عريبً جدها واللي عريبً خالها احبها حبً قوي حبً نقي حبً حلال واحب ابوها وامها واخوانها واعيالها خذابي الفكر انهوة واقع بعيد من الخيال سجة شعر تسبي من اعماق الهجوس اجزالها بين الاماني والتفاني والهدو والانفعال وحبك البيوت وقوة الافكار واسترسالها اثّرت واثريت الذوايق شعر واثرت الجدال النار انا شبابها والخيل انا خيالها هيضني المضياف جهّار التراحيب الشلال شيخً يقدّم للنشاما فالها واعقالها ترحيبته ماعقبها الا ياعشا ولّا قيال مابه مفرً من حدا الثنتين لامن قالها فهد يمينه مزنةً غرّا ومدتها زلال تقطع ضما ورّادها ولا انقطع همالها والله لو انه يملك اموال الوليد بن طلال ان يستوي مليونها عنده بسعر اريالها ابن حمود يقلّطونه للمهمات العضال عنده مفاتيح الحلول اللي تفك اقفالها ركن البقوم مقدي العراف محمود الخصال عزوة بني عمه ومقدمها وذخر ابطالها راعي البويضا بيض الله وجهه اللي لايزال يمنع مثل منع الجبال اللي يذرّي جالها من وقع يده تصهل الامهار وتهدر الجمال وبنت الشيوخ تصك بالصايح على رجالها نوايب الاقدار لافاحت مثل فوح الدلال قلط عليها من ثقة نفس وشرب فنجالها دون الخوي ميقافه يتعب مداغيش العيال في رملةً كن فوهة البركان تحت ارمالها في خاطره كثبانها واحه وحرّتها ظلال ويشوفها حذفة عصا لو ماتعد اميالها من دون ربعه فزعته سباقه وعذره محال منصاه عيطاً يقصرون القوم عن ميصالها ابو بدر لارددو بسمه جهر صوته وقال الكايده دون الرفيق انا لها وانا لها راعي البكار مصندقات الروس ضافية السبال وضحً يشوف انها سعادة عمر لو يشقالها سليل قومً ينطلون الروس بخشوم السلال العزوه اللي فالوغا عقالها جهالها ذكر القروف يتوج الامجاد الامداح الجلال تقبلهم الامداح والامجاد فاستقبالها
ماشاءلله صح الله لسانك يا ابو ديه شاعر مبدع وصح صوت المنشد المبدع خالد ال بريك عمل مبدع جداً
صح الله لسانك وصوت المنشد إبداع منقطع النضير ويستاهل فهدبن بدربن حمودالبقمي
ابداععع يالشاعر عبدالهادي ابو ديه السنحاني الى الامام ودايماً متفوق شعرياً كثر الله من امثالك ❤.
كفوو يبو ديه
صح اللسان الشاعر وابو بدر يستاهل ❤
ابداع ابداع يسلام صح الله لسان شاعرها ومنشدها
ماشاء الله تبارك الله صح لسانه وعزالله كلام يفت الصخر 👌🏻
صح لسانك ي عبدالهادي وصح صوتك ي خالد
الله الله ياسلام
اذكروا الله كثيرا : استغفرالله العظيم وأتوب إليه سبحان الله العظيم اللهم صل وسلم وبارك على نبينا محمد ..
صح الله لسانك ياشاعر المليون عبدالهادي ابوديه و صح صوت المنشد خالد ال بريك
عزالله شيلة كفو وصح لسان الشاعر وصح صوت ال بريك
ياسلام صح الله لسانك
الله الله
فصيدة حكمة الشاعر جزل والملحن ابدع
الله الله ✨
اشهد بالله ابداع والشيخ فهد يستتتتاهل
ي مبدع❤❤.
ياسلام جزل ابو سعد
ياستار مثل الريح
هالله هالله 👏👏✨
صح لسانك
ثقال بقال ... بث نهار بث ليل ...
... صح لسانك ...
الكتب اليمنى الكتب اليسرى ضع بصمتك ٩١١
👍👍
اتحداكم اذا وصلت ٥٠ ألف اذا وصلت رجعوني
علي الحرام انها قصيدة خل عني
مين انت عشان تتحدى الله المستعان
وصلت هههههههههه غشيم
وصلت خمسين وين تبينا نرجعك ي غليم 🤣
وصلت ي ضعيف
ابو سعيد شاعر جزل
الابيات
يالله بدعوه في غيابي تجعل امالي منال
اللي بما اوتيت من قوة طموح اسعالها
اشوفها مثل الخيال وجعلها مثل الخيال
اللي ليا اشتد البدو صوبه تشد ارحالها
من دونها متحلّي بفسحة صدور اهل الشمال
مع اني امن الديره اللي ماتهاز اجبالها
عهدً علي ماقصر عن اهدافي لو ان الصبر طال
يعيضني عن حرّ كنّتها براد اظلالها
بسيط اعيش بدون مال وصعب اعيش بدون امال
من خلقة الدنيا وامال الناس روس اموالها
الله لايبلانا بجور وقلّ حيل وضعف حال
من دون لطفه دورة الايام مانحتالها
انزول فالدنيا وتالينا من الدنيا زوال
سنينها ماكنها الا ليله من اليالها
خداعةً نطرد وراها من طمع مدري هبال
نهم في قفّايها ونهيم في مقبالها
احيان تبخل لاجعلناها محطّ الانشغال
واحيان مانفضالها وتعمّنا بافضالها
والرابحين العايشين بوسع صدر وطول بال
وانفوسهم زمة عيال ابليس ماتختالها
العمر يمشي والقدر يجري والاحلام احتمال
واهم من زود الفرص كيفيّة استغلالها
وانا نذر ماتنزل عيوني عن سفوح الجبال
ولا يطاول راسي الا غترته واعقالها
لامال راس المنخذل عفة مقامي راس مال
املك بها حب الرجال وقدرها واجلالها
عن المبادي والشيم ماتيّه عيوني جمال
اللي نحرها شع نوره واظلمه سلسالها
من الطبيعي تزعم انها صفوة البيض الثقال
وان شالها كف الوضيع اخف له من شالها
مالي بمنسبها لو انها من وسيعين الحلال
ولا بمنسب خالها ولا بحبة خالها
اخذت من بنات حوّى بنت داهية الرجال
اللي عريبً جدها واللي عريبً خالها
احبها حبً قوي حبً نقي حبً حلال
واحب ابوها وامها واخوانها واعيالها
خذابي الفكر انهوة واقع بعيد من الخيال
سجة شعر تسبي من اعماق الهجوس اجزالها
بين الاماني والتفاني والهدو والانفعال
وحبك البيوت وقوة الافكار واسترسالها
اثّرت واثريت الذوايق شعر واثرت الجدال
النار انا شبابها والخيل انا خيالها
هيضني المضياف جهّار التراحيب الشلال
شيخً يقدّم للنشاما فالها واعقالها
ترحيبته ماعقبها الا ياعشا ولّا قيال
مابه مفرً من حدا الثنتين لامن قالها
فهد يمينه مزنةً غرّا ومدتها زلال
تقطع ضما ورّادها ولا انقطع همالها
والله لو انه يملك اموال الوليد بن طلال
ان يستوي مليونها عنده بسعر اريالها
ابن حمود يقلّطونه للمهمات العضال
عنده مفاتيح الحلول اللي تفك اقفالها
ركن البقوم مقدي العراف محمود الخصال
عزوة بني عمه ومقدمها وذخر ابطالها
راعي البويضا بيض الله وجهه اللي لايزال
يمنع مثل منع الجبال اللي يذرّي جالها
من وقع يده تصهل الامهار وتهدر الجمال
وبنت الشيوخ تصك بالصايح على رجالها
نوايب الاقدار لافاحت مثل فوح الدلال
قلط عليها من ثقة نفس وشرب فنجالها
دون الخوي ميقافه يتعب مداغيش العيال
في رملةً كن فوهة البركان تحت ارمالها
في خاطره كثبانها واحه وحرّتها ظلال
ويشوفها حذفة عصا لو ماتعد اميالها
من دون ربعه فزعته سباقه وعذره محال
منصاه عيطاً يقصرون القوم عن ميصالها
ابو بدر لارددو بسمه جهر صوته وقال
الكايده دون الرفيق انا لها وانا لها
راعي البكار مصندقات الروس ضافية السبال
وضحً يشوف انها سعادة عمر لو يشقالها
سليل قومً ينطلون الروس بخشوم السلال
العزوه اللي فالوغا عقالها جهالها
ذكر القروف يتوج الامجاد الامداح الجلال
تقبلهم الامداح والامجاد فاستقبالها
ياسلام صح الله لسانك