الشاعر طه العكيلي الماله داعي

الزرعتلهم گبل بدروبهم شوف
ليش بروحي زرعو صوت ناعي
وبيهم من چفت عل لا يغرگون
شكثر لوله لسفينتهم شراعي
واعذرهم واكول الصوچ مرات
بأحساسي الخلل ماچان واعي
ماخذني الفراگ وكلبي متروس
رسايل شيبت مامرهه ساعي
أنه چنت استحي لمن يعبرون
على ظهري بثگل مشيي الأفاعي
وادنگ راسي لكن صيتي مرفوع
وابد ماحسستهم ب رتفاعي
وكسرو خاطري وگلبي الحجر ذاك
الگبل چان بمشاعرهم يراعي
وياهو الچان مَيمُر چان عالبال
هسه احتاج وين الماله داعي
اسافر ريح شرجي بظهر تموز
اولا فكرت فد يوم بضياعي
وادري انعاف فد يوم من الايام
گمت عالذيب اشد صبري ومتاعي
.
.
طه العكيلي