Pedagogikalıq klasstıń oqıwshı-jasları institutta jaratılǵan sharayatlar menen tanıstı
HTML-код
- Опубликовано: 8 фев 2025
- #ǴXQ_NMPI_haqqında
#Qaraqalpaqstan_TV
#Xabar
📹Pedagogikalıq klasstıń oqıwshı-jasları institutta jaratılǵan sharayatlar menen tanıstı
Ózbekstan Respublikası Ministrler Kabinetiniń qararı tiykarında 2024-2025-oqıw jılınan baslap ulıwma orta bilim beriw mákemeleriniń oqıwshıların pedagog kásibine maqsetli hám úzliksiz tayarlawdıń jańa sistemasın jaratıw arqalı pedagog kadrlar tayarlaw sapasın arttırıw maqsetinde pedagogikalıq joqarı oqıw orınların mekteplerge biriktiriw, pedagogikalıq klasslarda sabaq ótetuǵın professor-oqıtıwshılar quramın qáliplestiriw, sonday-aq, olardıń sırt ellerde qánigeligin arttırıp qaytıwın shólkemlestiriw wazıypaları belgilengen edi.
Usı tiykarda ótken jıldıń sentyabr ayınan baslap Nókis qalasındaǵı 19-sanlı ulıwma bilim beriw mektebiniń 10-A klası pedagogikalıq klass etip belgilenip, bul klass ushın Ájiniyaz atındaǵı Nókis mámleketlik pedagogikalıq institutınan professorlar Arzı Pazılov hám Ayjan Nawrızbaevalar ustaz etip biriktirildi.
Ekinshi sherek dawamında bul oqıwshılar instituttıń lekciya auditoriyalarına kelip, ustazlarınıń lekciya sabaqlarına qatnasıp, óz bilimlerin arttırǵan bolsa, endi olar usı jerde jaratılǵan sharayatlar hám imkaniyatlar menen tanısıw maqsetinde institutqa keldi.
«Qaraqalpaqstan» telekanalı «Xabar» informaciyalıq baǵdarlaması
