حفل زواج الملازم تركي بن سعد ال خاطر | كلمات الشاعر عبدالهادي ابوديه | اداء جفران بن هضبان

الحماس الشاعري والطواريق الجزال
يحترفها الشاعر المبدع بذوق وطرب
شاعرً تكتيكي افكار واهدافي خيال
ماتعصّب بس راسي من الفكر اعتصب
كل حبكة بيت اتوّج هدفها باحتفال
وتحتفل بابداعي رموز شعار العرب
صاح جمهور النصر ضد جمهور الهلال
لكن الموج التطم وان لعب ياسر لعب
لاحتمى شوط التحدي ورتم اللعب عال
اتصدر واتبجح واتل اطلق شنب
حبكةً برعاية اطيب زحازيح الرجال
ابلجً لصفوف ربعه نظر عين وعجب
والله ان مدحة سعد تاج راس وراس مال
وصفقة الجمهور عندي مثل كاس الذهب
ابن خاطر كفه ارهى من العد الزلال
كفه اللي يلطم الخصم في يوم الغضب
ابو فيصل منهل العرف حلال المحال
كل ماحلت صدوف الزمن حل النشب
له قدر واجلال عند المهمات الجلال
مايحنّ المال والحال لاحان الطلب
خيرة العقال مدحه على راسي اعقال
احذفه فاوجيه الايام ويجلّي الكرب
عن كرمه يسولف الغيم للشمّ الطوال
وعن وفاه الراوي ايقص والشاعر كتب
مجلسه مايختصر بين عم وبين خال
مزدحم با ماجد القوم واكبار النسب
جده اشجع لابته لاحتمى ضرب السلال
ضربة يمينه مثل ضربةًالسيف الحدب
ان وقف طم القمم وان برك شل الثقال
وان عطا الذمه وفا وان تكلم ماكذب
من بيوت الجود واهل التراحيب الشلال
ال خاطر خيرة القوم واشجع من حرب
راس مال الربع لامنّ حمل الوقت مال
يحسبون ان عدو اهل النسب واهل الحسب
الجرابيع اهل مجدً شموخه مايطال
في نباهم رحّب المدح بالصدر الرحب
من عبيدة مارد الموت شرسين القتال
عزوةً ماتقلط الا على عز وشبب
وتركي الليله يغني الفرح من وسع بال
قرم ومجمل ومن خيرة اصحاب الرتب
في مقامه مال الاعذار درب ولا مجال
جيت وظروف الزمان تخسى ثم تعقب
راسي من العز ناش البروق ام الخيال
كيف مافخر واتباها وانا ولد حزب
عبدالهاي ابوديه