"Ақ мама" Қайнар Алагөзовтың туындысы

Аппақ қылып тудың мені ақ мама,
Ақ бесікке бөлеп едің шаттана.
Ақ сүтіңмен салып едің ақ жолға,
Ақ балаңды ертіп кетті топ бала.
Өкпелетсем кешір мені ақ мама,
Ұрыс маған, ұршы мені мақтама.
Әлде біреу қараласа балаңды,
Шындығында балаң қазір қап-қара.
Өстім мама-ау мен енді,айтыңызшы не істейін?
Жүзге толдым дегенді,өз аузыңнан естейін.
Бақтың мама-ау ұлыңды, қуанышқа бөлейін,
Жүзге келген түріңді өз көзіммен көрейін.