Күн жүйесінің планеталары ¦ Балдырғандарға арналған бейнеролик

Біздің бүгінгі тақырыбымыз - Күн жүйесінің планеталары.
Сегіз планетаны Күннен қашықтығының артуы бойынша атайық - Меркурий, Шолпан, Жер, Марс, Юпитер, Сатурн, Уран және Нептун.
Олар Күнді белгілі бір орбиталармен айналады.
Меркурий - Күн жүйесіндегі ең кішкентай планета.
Меркурий Күнге жақын болғандықтан, онда күндіз өте ыстық, ал түнде өте суық.
Екінші ғаламшар Шолпан - планеталар ішіндегі ең ыстығы және ең жарығы.
Таңда және кешке көрінетіндіктен, оны таңғы жұлдыз немесе кешкі жұлдыз деп атайды.
Күн жүйесіндегі үшінші ғаламшар - біздің планетамыз Жер.
Жер бетінің 70 проценттейін су алып жатыр, сондықтан Жерді көгілдір планета деп те атайды.
Ол - тіршілік бар екені белгілі жалғыз планета.
Төртінші планета - Марс.
Ол Қызыл планета ретінде де белгілі, өйткені онда қызыл түсті топырақ пен тау жыныстары бар.
Бесінші және Күн жүйесіндегі ең үлкен планета - Юпитер.
Оның алыптығы сонша, оның ішіне 1300 Жер сыйып кетеді.
Алтыншы ғаламшар, яғни Сатурн - Күн жүйесіндегі үлкендігі екінші планета.
Ол сарғыш түсті.
Оның айналасында мұз бен тозаңнан тұратын әдемі сақиналар бар.
Жетінші планета - Уран.
Бұл ғаламшарды қалың газ қабаты жауып жатыр.
Сегізінші планета - Нептун.
Бұл планета Күннен ең қашық орналасқандықтан, ондағы суық желдер өте күшті.
Түпнұсқа: • Planets of the Solar S...
Қазақшалаған "Физика және Ғарыш" арнасы
Мәтінді оқыған Томирис Отарбаева