الرحلة من الرياض إلى نويبع 1. مشوار الى المرور لعمل تصدير للسيارة الرسوم ١٠٠ ريال تدفع عن طريق تطبيق البنك وتروح مصور جواز السفر والهوية والرخصة والاستمارة وتعمل فحص وتأمين ساري ولو سيارتك لسه جديدة فطبعا الفحص والتأمين ساري فتطبع بيانات المركبة من أبشر الموقع وليس التطبيق. 2. السفر من الرياض الى تبوك ودي كانت اكبر غلطة لان المسافة كبيرة جدا ولازم تكون موجود على الحدود منفذ الدرة قبل الساعة ١٢ ظهرا 3. هتوصل المنفذ قبل ١٢ ظهرا وتروح تنهى الاجراءات وتدفع لهم الرسوم ٢٥٠ ريال. 4. بعدها تتحرك على المنفذ والجمارك هتوجهك عشان تعدي العربية على جهاز الأشعة وبعدين تفتيش خفيف ويخلصلك البيان الجمركي وتاخده وتطلع على الأردن. 5. في الأردن هيطلع عينك تفتيش خصوصاً لو معاك حاجات كتير وانت وحظك مع العمال وظابط التفتيش 6. هتتحرك بعدها للمخلص الأردني وأفضلك جهز ١٧٠ دينار أردني من السعودية عشان الصرافة الموجودة على الحدود فشخ في اسعارها 😑. 7. تتحرك وتطلع على الميناء موقع العبارة ويفضل تكون مرتب مع اي شركة سياحة لحجز التزاكر ليك وللعربية وتأكد عليه انها ذهاب فقط. ابو ايهم من افضل الناس اللي عرفتهم من الاردن واتعاملت معاهم. تزكرة الفرد ٨٠ دولار والعربية ٢٠٠ دولار وتاني جهز دولارات من السعودية افضلك كسعر. رقمه في نهاية المنشور. 8. التجمع في المينا من بدري وطبعا ابو ايهم هيعرفك التفاصيل ويتابع معاك ده لو انت لحقت اصلا يكون عندك وقت تعمل اي حاجة غير المشوار للعبارة . 9. خلي معاك كراتين مياه شرب وموؤن للرحلة عشان الاسعار في كل حتة نفخ 😂. والرحلة طويلة بس تستاهل. 10. العبارة نظريا هتطلع الساعة ١٠ بالليل عمليا انت وحظك وطبعا هتوصل امتى الله اعلم بس هى بتاخد حوالي ٣ ساعات وتخرج من العبارة امتى انت وحظك. 11. قبل ما تطلع من الرياض ترتب مع مخلص في نويبع عشان يعملك التسجيل المسبق وافضل مخلص يمكن افضل انسان تعاملت معاه في شغل كان السيد كمال النجار. رقمه في نهاية المنشور. 12. السيد من ٩ الصبح هياخد منك الورق اللي انت كنت بعته ليه عشان التسجيل المسبق ويبدأ الاجراءات وان شاء الله قبل العصر يكون مسلمك اللوح والتصريح(الرخصة المؤقتة) مدتها شهر. 13. بالنسبة للطريق للقاهرة في جزء كبير جبال ورايح جاي وخطر جدا تاخده بالليل خصوصاً لو اول مرة تاخده ولوحدك. لازم تفحص عربيتك كويس واتاكد من ضغط العجل تحديداً بعد ما تطلع العربية من العبارة او اي وقت المهم قبل السفر للقاهرة. يفضل حد تاني يكون معاك ع الطريق محدش يسافر لوحده في الرحلة الشاقة الطويلة لكن ممتعة ومستاهلة. ابو ايهم تزاكر العبارة +962 7 9594 8494 السيد كمال النجار مخلص نويبع +20 127 7024506 ودا كل حاجة اتمنى اكون افدتك وتوصل بالسلامة
مبدع لاكن ممكن تقولنا ايه هيه الاجراءات كلها
الرحلة من الرياض إلى نويبع
1. مشوار الى المرور لعمل تصدير للسيارة الرسوم ١٠٠ ريال تدفع عن طريق تطبيق البنك وتروح مصور جواز السفر والهوية والرخصة والاستمارة وتعمل فحص وتأمين ساري ولو سيارتك لسه جديدة فطبعا الفحص والتأمين ساري فتطبع بيانات المركبة من أبشر الموقع وليس التطبيق.
2. السفر من الرياض الى تبوك ودي كانت اكبر غلطة لان المسافة كبيرة جدا ولازم تكون موجود على الحدود منفذ الدرة قبل الساعة ١٢ ظهرا
3. هتوصل المنفذ قبل ١٢ ظهرا وتروح تنهى الاجراءات وتدفع لهم الرسوم ٢٥٠ ريال.
4. بعدها تتحرك على المنفذ والجمارك هتوجهك عشان تعدي العربية على جهاز الأشعة وبعدين تفتيش خفيف ويخلصلك البيان الجمركي وتاخده وتطلع على الأردن.
5. في الأردن هيطلع عينك تفتيش خصوصاً لو معاك حاجات كتير وانت وحظك مع العمال وظابط التفتيش
6. هتتحرك بعدها للمخلص الأردني وأفضلك جهز ١٧٠ دينار أردني من السعودية عشان الصرافة الموجودة على الحدود فشخ في اسعارها 😑.
7. تتحرك وتطلع على الميناء موقع العبارة ويفضل تكون مرتب مع اي شركة سياحة لحجز التزاكر ليك وللعربية وتأكد عليه انها ذهاب فقط. ابو ايهم من افضل الناس اللي عرفتهم من الاردن واتعاملت معاهم. تزكرة الفرد ٨٠ دولار والعربية ٢٠٠ دولار وتاني جهز دولارات من السعودية افضلك كسعر. رقمه في نهاية المنشور.
8. التجمع في المينا من بدري وطبعا ابو ايهم هيعرفك التفاصيل ويتابع معاك ده لو انت لحقت اصلا يكون عندك وقت تعمل اي حاجة غير المشوار للعبارة .
9. خلي معاك كراتين مياه شرب وموؤن للرحلة عشان الاسعار في كل حتة نفخ 😂. والرحلة طويلة بس تستاهل.
10. العبارة نظريا هتطلع الساعة ١٠ بالليل عمليا انت وحظك وطبعا هتوصل امتى الله اعلم بس هى بتاخد حوالي ٣ ساعات وتخرج من العبارة امتى انت وحظك.
11. قبل ما تطلع من الرياض ترتب مع مخلص في نويبع عشان يعملك التسجيل المسبق وافضل مخلص يمكن افضل انسان تعاملت معاه في شغل كان السيد كمال النجار. رقمه في نهاية المنشور.
12. السيد من ٩ الصبح هياخد منك الورق اللي انت كنت بعته ليه عشان التسجيل المسبق ويبدأ الاجراءات وان شاء الله قبل العصر يكون مسلمك اللوح والتصريح(الرخصة المؤقتة) مدتها شهر.
13. بالنسبة للطريق للقاهرة في جزء كبير جبال ورايح جاي وخطر جدا تاخده بالليل خصوصاً لو اول مرة تاخده ولوحدك. لازم تفحص عربيتك كويس واتاكد من ضغط العجل تحديداً بعد ما تطلع العربية من العبارة او اي وقت المهم قبل السفر للقاهرة. يفضل حد تاني يكون معاك ع الطريق محدش يسافر لوحده في الرحلة الشاقة الطويلة لكن ممتعة ومستاهلة.
ابو ايهم تزاكر العبارة
+962 7 9594 8494
السيد كمال النجار مخلص نويبع
+20 127 7024506
ودا كل حاجة اتمنى اكون افدتك وتوصل بالسلامة
احسنت
ابدعت يا صديقي،نورت مصر
منورة بيك يا صاح
مشكلة الفيديو انه بيخلص ♥️
الرحلة القادمة تبق لايف بقا
ياريت 😂♥️@@Joethink