ДАР БОҒҲО МАҶАЛЛАИ ГУЛ НАШР МЕШАВАД!
HTML-код
- Опубликовано: 1 окт 2024
- МАҶАЛЛАИ ГУЛ
шеъри Орзу Исоев
тақдими Фарзон Машарипов
Дар боғҳо маҷаллаи гул нашр мешавад,
Мерезад ашки абр ба домони рӯзгор,
Эй дӯст, эй шукуфаи умедҳои ман,
Аз дурдасти замзама хуш мерасад баҳор!
Дар боғҳо маҷаллаи гул нашр мешавад,
Ҳарчанд ҳафтавори дили ман пур аз ғам аст,
Эй дӯст, эй натиҷаи сабзи дуои ман,
Бобунаи сапед мусоҳиби шабнам аст.
Дар боғҳо маҷаллаи гул нашр мешавад,
Ҳошо, ки сабки хандаи гулро ба лаб кунам.
Аз дафтари маҷаллаи хушсабзи боғҳо
Такрори нашри қиссаи гулро талаб кунам.
