134 العودة من السبي وأسفار أخبار الأيام - حق وحقيقي
HTML-код
- Опубликовано: 14 окт 2024
- امتد السبي البابلي 70 سنة انتهت فيهم الإمبراطورية البابلية وقامت إمبراطورية مادي وفارس.. ونبه الله روح كورش الملك الفارسي عشان يرجع اليهود لأرضهم .. كمل معانا الحلقة دي عشان نناقش أول مراحل العودة وتأثير الإصلاح الديني اللي عمله عزرا
رسالة حلقة النهاردة هي: الله بيجرح ويعصب .. يسحق ويداه تشفيان .. في السبي الله خلخل شعبه وغربله من فساده ده .. عشان يرجع البقية من شعبه وييجي منهم المسيح ..
خلال فترة السبي ازدادت النبوات عن مجئ القائد اللي هايرد قلب الشعب لله .. وهنشوف في تاريخ ما بعد السبي ده ان الشعب لسة قلبه مرتد عن الله .. وفي اشتياق لمجئ المسيا .. وده اللي اتحقق في الرب يسوع..
كمان الله عمره مايفشل في شئ.. حتى لو بدا لينا انه دي النهاية فالله ليه طرق عجيبة.. زي ما الشعب حس انه خلاص احنا اتدمرنا وانتهينا والله تركنا .. كان الله من ورا المشهد بيبقي لنفسه بقية أمينة بحسب نعمته عشان يتم فيهم أقواله ..
صلى حبقوق انه في وسط سنين السبي اللي فيها غضب الله ودينونته على الشعب ان الله يذكر الرحمة ليهم .. وانه الله يبقي شعبه في عنايته هناك ويفضل يعرفهم اسمه .. وبالفعل الله عمل كده .. وتنبأ ارميا للمسبيين ان افكار الله عنهم هي افكار سلام لا شر ليعطيهم آخرة ورجاء .. وبالفعل الله عمل كده ..
وانت النهاردة ممكن تحس انك فقدت الأمل في كل شئ وبعدت عن الله جدًا والله باعتلك صوته انه لسة في أمل .. لأني إله الرجاء .. ارجع إلي من تاني ..
وواحد ممكن يكون فقد الأمل من الكنيسة وحاسس انها في سبي روحي وانها دخلتها التعاليم العالمية زي ما الشعب كان في بابل.. لكن الخبر السار ليه ان الله أبقى لنفسه في السبي دانيآل وحزقيال وعزرا وغيرهم .. اللي استخدمهم للحفاظ على شعبه وردهم تاني بيهم وحفظهم ..
الله هو إله الرجاء .. ثق فيه وأرفض احباطك وألمك .. اتكل عليه وصدق انه عمره ما بيفشل.. حتى لو ماشفتش تتميم وعوده بعينك .. خليك زي أبطال الايمان اللي شافوا الوعود من بعيد بالإيمان وصدقوها وحيّوها .. يعني صارت ليهم مصدر تعذية وثقة في الله .. لأن الله هو المركز وهو الراعي الأيمان وضابط الكل.. آمين
ماتنساش تشترك في صفحتنا على الفيسبوك:
/ livingbreadlearning
وكمان تزور موقعنا الالكتروني:
www.livingbrea...
أضغط على الرابط دة للاشتراك في القناة وعشان تشوف باقي الفيديوهات
/ @livingbreadeg
وممكن كمان تتابعنا على الانستجرام من هنا:
/ livingbreadlearning
اهلا بيك في خدمة الخبز الحي
#حق_وحقيقي #الكتاب_المقدس #سفر_أخبار_الأيام
music from: bensound.com
❤❤❤🙏
شيشبصر هوه نفسه رزوبابل ده للعلم