طريقة تحضير الباشا وعساكره

الباشا وعساكره
ياويل قلبي شو طيبة 😋😋
بتتكون من الكبة والششبرك
حضرت الششبرك قبل بيومين وحطيته بالفريز .
العجينة عبارة عن :
طحين ورشة ملح وماء فاتر
اسهل من هيك مافي 😅
الحشوة :
قليت بصل مقطع ناعم بزيت نباتي وبس ذبلت معي حطيت فوقها لحمة مفرومة ناعم و بس استوت ضفت الملح وفلفل اسود وبهارات مشكلة وبعدين ضفت فوقهم ثوم مهروس وبقليهم شوي وبعدين بضيف الكزبرة الخضراء مفرومة ناعم وبقلبهم شوي وبتركهم بمصفاة حتى صفي اي زيت وسوائل وبس تبرد برق العجينة وبقطعها وبحشيها بحشوة اللحم
وبسكرها بالطريقة المعروفة( وبخزءها بعود الاسنان )حتى يدخل اللبن لداخلها
عجينة الكبة :
كيلو برغل
نص كيلو لحمة مفرومة ناعم
٢حبة بطاطا مسلوقة
حبة بصل حجم وسط
ملح /فلفل اسود/٢م ص كمون /١م ص بهارات مشكلة
الحشوة :
زيت نباتي
بصل مفروم ناعم
لحمة مفرومة
جوز مفروم
ملح /فلفل اسود /بهارات مشكلة /بابريكا /رشة جوزة الطيب /
(دهنة نية بضيفها لللحشوة قبل مااحشي الكبة )
بنقع البرغل بماء بحرارة الغرفة
وبس يتشرب المي بضيف البهارات والملح واللحمة المفرومة وبدعكهم منيح بإيدي بعدين بطحنهم بمكنة اللحمة مع البطاطا والبصل
وبس اطحنهم بدعكهم منيح واذا حسيتوا البرغل ناشف كثير منقدر نرشه بشوية مي (انا ماضفت ابداً طلعت العجينة بتجنن)
بتركهم يرتاحوا بعدين برق عجينة الكبة (مو لازم تكون رقيقة ) وبس احشيهم بخزقهم بعود الاسنان منشان يدخل اللبن لداخلها
ملاحظة 📢📢:
التحريك بملقعة خشب او سيلكون
اذا ثقل اللبن معنا نخففه بالماء
اللبن :
كل كيلو لبن( بيحتاج لملعقة كبيرة نشا)
ملح /فلفل ابيض /فلفل اسود
حبة بيض بخفقهم بالمضرب منيح وحطتيهم على النار مع التحريك المستمر وبس غلي اللبن بضيف حبات الششبرك وبتركهم ربع ساعة.
بعدين بضيف حبات الكبة (اول شي مابحركهم بتركهم شوي بعدين بحركهم بملعقة خشب او سيلكون منشان ما ضربهم )
بس يستو بضيف تقلاية الكزبرة والثوم مع السمنة وبحركهم منيح وبسكبهم وبزينهم بالتقلاية والصنوبر اختياري .
وصحة وألف عافية يارب ♥️