#بوراك__الأعراس_مشروع_ناجح_للنساء_الماكثات_في_البيت
HTML-код
- Опубликовано: 8 сен 2024
- لكل من طلبت بوراك الأعراس أعيد لكم الطريقة و الشرح بالتفسير الممل
و اللي راكم تضربوا و تهربوا ياو غير أخدموا بأمانة و نظافة و أجركم على الله ( الرزق على ربي سبحانو)
بوراك الأعراس
لكل 100 شخص يلزمنا 3 كلغ من اللحم المفروم
3 كلغ من البصل المقطع قطع متوسطة (البوراك يجب أن لا نضع له البصل المفروم )
ملعقة أكل ملح
نصف ملعقة كبيرة فلفل أسود
نصف ملعقة صغيرة قرفة
كوب من الزيت للحشو
2 لتر من الزيت للقلي
3 باقات من البقدنوس (المعدنوس )
1 كلغ من جبن le berbère
10 أكياس من ديول ملسوقة أو ديول هدى أو ديول السويقة أو المصنوع يدويا
طريقة التحضير
داخل طنجرة كبيرة نضع البصل المقطع يتقلى في نصف كوب من الزيت نتركه فوق نار هادئة حتى يذبل البصل نضيف اللحم المفروم مع مراعاة الإستمرار في التحريك و التقليب حتى لا يتكتل اللحم.
بعد أن نتأكد من أن اللحم قد نضج نضيف له الملح و التوابل و المعدنوس نحركه قليلا ثم نضيف البيض إلى الخليط و نتركه حتى ينضج جيدا و نطفيء الفرن ( هناك من يقوم بقلي البيض هاته الطريقة لا أحبها لأنها ستجعل البوراك ثقيلا )
نقوم بتفريغ هذا الحشو داخل كسكسي (كسكاس ) للتخلص من السوائل الزائدة و ندعه حتى يبرد جيدا عندها نقوم بملء أوراق الديول بالحشو البارد مع إضافة قطعة من الجبن كل مرة
نلسق الجوانب بالبيض أو فرينة ثم نقوم بقلي البوراك في زيت غزيرة على نار متوسطة هذا مهم للحصول على بوراك مقرمش و لذيذ
فور نزع البوراك من النار نضعه بشكل طولي داخل كسكاس مزود بأوراق ماصة (papier absorbant )
يعطيك الصحة سهام ربي يخليلك صحيحتك .....طيبتيلي فعرس خويا عندها عامين ليومنا هدا الناس يحكو على البوراك ديالك ويشكرو فالشريبة والمتوم والطاجين الحلو طباخة في المستوى والقمة بنة ونضافة وديكوغ 👌👌ماشاء الله ربي يسجيلك وليداتك ويحفظهملك وتشوفيهم فالمراتب الاعلى....مزيدا من التألق والنجاح ختيتي 😍😍😍😘
الله يسلمك حبيبتي و الحمد لله اللي قدرنا ربي و ساهمنا في نجاح فرحكم و ما خيبناكمش 😍😀😀😀
نقدر نعرف شكون من فضلك 🤗
@@الشافبربوشةسهامطبخأعراسالجزائر يعطيك الصحة حبيت نسقسيك هل انتي من الجزاءر العاصمة ومن اي بلدية ممكن رقم الهاتف نتاعك نسحقك شكرا
@@zahiabouguerra7497 أنا من خميس الخشنة ولاية بومرداس نخدموا الجزائر العاصمة و البليدة و تيبازة و بومرداس 0540371352
@@الشافبربوشةسهامطبخأعراسالجزائر تخدمي في قاعة الحفلات
@@zahiabouguerra7497 وين جات الخبزة نروح
قاعة حفلات أو دار المهم نخدموا
ماما مهيش معنا في البيت انا وبابا مريض وخوتي رجعت نطيب قول هو الله وحدا بفضل الله وثم انتى ربي يغنيك
لعروسة وسمها مروى أنا حضرت للعرس وأنا من موالين راجلها نقولك يعطيك الصحة الماكلة بزاف بنينة سبحان الله
الله يعطيك الصحة ارجوكم من تقراء تعليقي تدعو لبنتي تجيب الباك تفرحني انا وبوها وربي يفرحكم ويعطيكم ماتتمناو
ربي يوفقها وتكون من الناجحات أنا ثاني بنتي راحت تجوز ربي ينجحها وجميع الممتحنين
ربي يوفقها
ان شاء الله تجيبو
ان شاء الله تجيبو
@@houdabeauty6673 ربي نجح صحاب الباك كامل وانا وبتك من بيناتهم
الله يبارك انا تان نخدم البوراك هكدا يجي يهبل ووضرك و ليت نزيد معاه بيشاميل ثقيلة يجي يهبل
و اول مرة نسمع بلي البوراك يديرو بيه القرفة
يا اختي ربي يعاونك ويعطيك صحة
ادعولي لابني يخرج سالم متعافا من كل العاهات يارب
ربي يحفض من كل سوء ان شا الله
ربي يشفيه ويعافيه وتشوفيه في أعلى المراتب العليا
يا رب 🤲🤲
امين يا رب العلمين
أمين يا رب العالمين
اول ومره نشوف قناتك عجبتني بزاف وخاصه طريقه الشرح المفصله مع النصائح لتمدها بركه الله فيك اختي نتمنالك النجاح واصلي
عجبتيني ماشاء الله عليك علابالك انا عاشقة القهوة ههه اليوم أول رمضان صح رمضانكم
عجبنتني بزاف الوصفة راني تبعتك بتدقيق اليوم راجلي يعجبو يعطيك الصحة
صح فطوركم انا من بجاية
يعطيك الصحة والعافية
ليوم وين شغت قناتك ما شاء الله
كون. جيتي في سطيف نجي نخدم. معاك
نموت على خدمة لعراس
لتقرى تعليقي تدعيلي لابني يجيب الباك
بارك_الله_فيك ويسر لك كل امورك
اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد وبارك على محمد وعلى آل محمد كما باركت على إبراهيم وعلى آل إبراهيم في العالمين إنك حميد مجيد
روعة بوراك ولا أروع بالتوفيق🥰🤩😍🥰🤩😍🏵️🏵️🏵️
راءع البوراك ما شاء الله تبارك الله يعطيك الصحة🌺🌺🌺🌺🌹🌹🌹🌹🥀🥀🥀🥀🌼🌼🌼
شكرا ام ريان لستجابة لطاببي
يعطيك الصحة بالطبع
اختي انا نخدم الديول فالدار حاجة شابة الله يبارك نخدم ونبيع لي يحب يكموندي يتواصل معايا ويعطيك الصحة اختي وربي يعاونك ويكملك بالخير
اختي ربي يفرحك لوكان تعلميني فيهم ونخلصك ربي يعطيك ماتتمناي
@@bibakouidri7809 كاين بزاف وصفات فالأنترنت ، حاولي حتى تنجحي ،بالتوفيق
مديلنا رقم الهاتف
مدي لنا معلوماتك رقم الهاتف ولا العنوان ولا الفايسبوك بلاك نحبو نخدمو عندك
العنوان هو حي الشاليهات بلدية قورصو ولاية بومرداس
شوفي التعليقات الممتااااازة واش راهم يقولو عليك الله يبااارك اكل يشهدلك يا ام ريااااان على البنة والهمة بسم الله ماشاء الله عليك ممتاازة في كل ش طبخا وخلقاااا ومعاملة مع النااس الله يحفزك ياارب
حتى انتي حبيبتي نعم الناس
ربي يحفظك عزيزتي و يحفظلك نورهان و عماد 🥰🥰💐💐💐
نورتيني 🥰
شمرا طريقتك في لبوراك رووووووعة شكرا تبعتك خطوة بخطوة شكرا 😍😍👍👍😘😘😘
العفو أختي لعزيزة 🌹
عندي عامين و نص ماللي حطيتها
بارك الله فيك اختي ربي يعطيك كل الخير على هذه التفاصيل ، احنا ناس المدية نديرو في البوراك بصل مقطع شرائح رقيقة و طويلة حتى يبان داخل الحبة و نديرو كذلك البيض مقلي ، شكرا
كل حااجة خدمتيها رااااااااائعة يعطيك الصحة ختي ربي يجعلهالك في ميزان الحسنات
سلام عليكم شفت لفديو في 13أوت 2024 مشاء الله ربي يبارك ❤
زوجي تونسي واهلو يموتو على اابوراك الجزائري خاطر في.دزاير نديروه بالشان والطبع
اللهم.احفظ النعمة يارب
ربي يعطيك ما تتمناي.....توري وتنصحي من قلبك ....وهاذاك وش نحتاجو ...المصداقية والبساطة.....
آمين يا رب 🥰
الله يبارك فيك أختي لعزيزة
ملقيتش شحال من مرة نقولك يعطيك الصحة بلا حساب 😗😘😗😘😗😘
Merci beaucoup pour cette asetusse merci habiba chaba kayefiya
الله يعطيك الصحة فحلة بنت بلادي رانا معاك واصلي
مرحبا بك حبيبتي
أهلا وسهلا بيك طاطا
Salam khti bghuit ntolbak tliba khti ana min lmaghreb lakin kanbka khtak s il te plais khti moumkin tsa3dini hta ana afak f kanat youtube diyali jusqu ici allah ghalab allah irham lik lwalidin partage bghuit rabi inawar lik liyam fadlan layssa amran❤️❤️❤️❤️😘♥️😍🌹🙏🙏🙏🙏🙏
السلام حبابي زوروني في قناتي المتواضعة 😋 أحبكم في الله ❤️😘😘😍.
حتى نتي فحلة ونموت عليك
الله يبارك اختي راني نتفرج من تيليفون راجلي ربي يعطيك الخير والصحة على هاداك الصفاء لي في قلبك تعلمي بكل بساطة وبكل مصداقية ربي يصلحك اولادك ان شاء الله
Lah ya3tik saha okht mina lmaroc👍🏻
انا شخصيا نكثر البصل فالبورام ونقطعو شرائح بالطول ويخرجلي عسلللل الله يبارك
قناتك الله يبارك هذا وين شفتها
يعطيك الصحة يا الشاطرة بنت بلادى ماشاءالله عليك الجزائريات قافزات
يعطيك الصحة
ديريلنا كمية صغيرة حبيبتي نحتاجوهم في رمضان و بالتوفيق
ربي يوفقك تمدي من قلبك حمرتيلي وجهي شكرا
يعطيك الصحة. فكرتيني بصحبتي هههه كنا كيما خواتات وتفرقنا معندي عليها حتى خبر والله قالولي رحلت للمغرب منعرف صح ولا كدب اسمها مويسي أحلام.
من اي ولاية صحبتك
@@yoma5179 ولاية بشار
ربي يجزيك كل خير 🎉❤ ام ريان يعطيك الصحة ❤ كلش في ميزان حسناتك
والله من صوتك باينة فيك الطيبة ربي يوفقك يا رب
والله انتي فحلة راكي توري في الحرفة تاعك الله يعطيك على حساب نيتك انتى top top
الله يبارك
انا ندير العااايلة في الديول خاطر يجيبوها بزاف وملاح ما يتقطعووش ***ماشاء الله طول واحد وصح حبة البوراك بوبي تجي شابة وتعمر العييييين
خاصة في الولائم و المناسبات حبيبتي 🥰😘
@@الشافبربوشةسهامطبخأعراسالجزائر اختي الله يخليك كي نخدم هاد الكمية شحال نحسب الثمن لحبة البوراك ?? و الكفتة و البصل هوما يجيبوهملي و لا انا نشريهم ????الله يخلك جاوبيني
سبحان الله هاد المخلوقة فنااااانة بمعنى الكلمة ما شا الله عليك اختي العزيزة والله منعرفك ولا ذقت ماكولاتك بصح باين عليك تع شان وهمة bravooooooo
ما شاء الله...هاذي هي المرأة الجزائرية فحلة مثل الاجداد
شكرااا ام ريان والله تتعبي بزاف ربي يعطيك الصحة ممكن ديرلنا الشوربة الكسكسي
ربي يقدرك وفي ميزان حسناتك
الله يبارك خدمة متقونة من القلب ربي يكون في عونك تستاهلي كل التشجيع اختي👍👍👍👍👍
يعطيك الصحة حبيبتي وشكرا على نصائح وتقنيات الطبخ عجبتني هذرتك وطريقتك
يعطيك الصحة تشهييي 😍 بصح الوباء و عرضو 100 شخص ؟! تبانلي كون نحيتي القفازات و خدمتي بأريحية و خلاص .. هي تخلطت تخلطت
ههههه
الله يعطيك الصحى والبراكة اليوم برك تعرفت عليك في قنات الشروق وتخلتي قلبي مارفتش كفاش انا من سدي بلعباس وإسمي عائشة حبيت اشكرك على كل تعب الي راكي تتعبي فيه من أجل كل مرئة جزائرية
من فضلك قولينا على الصومة تاع البوراك باش وحدة تقدر تخدم
ياختي مانعرفكش مي دخلتي قلبي
يا عمري ربي يفرحك كيما فرحتيني بتعليقك الجميل 🥰😘💐
إن شاء الله نكون عند حسن الظن 🥰
الله يعطيك الصحة و الله يعينك و يقدرك و يعطيك ما تتمناي انا من الغرب الجزائيري و معجبة كثيرا بطيابك الله يطول في عمرك ما شاء الله بارك الله فيك....
ماشاء الله تبارك الله روووعه روووعه روووعه 👏🏽 👏🏽 👏🏽 👏🏽 👏🏽 👏🏽
يعطيك الصحة دايما ندير البوراك وجامي خرجلي كيما تاع لعراس نسييه ونردلك الخبر ❤️❤️
5لاف
بارك الله فيك الاخت
يعطيك الصحة ربي يعاونك ويقدرك ماتجاوبيش على التعليقات السلبية تلقايها في دارها ماتعرفش تطيب وتجي تهدر معاك انت الله يبارك النقا والحطة ربيةيحفضك نشاله ربي يلاقينا فالخير
عندك الحق البوراك ما جيهش القرفة بصح انا نعقدو بالبيض كيما نتاع زمان يجي هايل و يزيد يزكيه و المعدنوس الزيتون الجبن
يعطيك الصحة ربي يباركلك على قد قلبك المليح
آمين يا رب
الله يحفظك حبيبتي 😘
@@الشافبربوشةسهامطبخأعراسالجزائر الله يحفظك. تبانى. امراة. وعليك الكلام. ربى يوفقك ويخليلك. صحتك
الله يعطيكم الصحة جاء يشهي ربي يفرحك اولا على هده الفكرة الفريدة من نوعها حقيقة دايما كنت نحب نتعلم اطبخ كميات كبار نتاع المناسبات الصغيرة فقط . والله شكرا على الوصفات الي حسابها كبير.
يعطيك ألف صحة ربي يحفظك لينا ،،ويباركلك في كلش
ممتازة تستحقي الوصول
استفدت منك بزاف يعطيك الصحة 😘😘
في ميزان حسناتك. شكرا على الوصفة
يعطيك ويرضيك ويرضى عليك يااااارب يروح جسمك ويقعد أسمك يذكروك بالخير رايحا تكون في ميزان حسناتك يوم القيامة
تحياتي حببتي شكرا لك والله يعينك
وري لنا الالة الي ارحيتي بها المعدنوس
رحات بالاشوار
يعطيك صحيحتك
Allah ibarek tout ce que tu fais est bien réussi et tu nous montres tous les détails. Merci beaucoup et bonne continuation
بوراك اعراس 100 شخص
نار متوسطة
3 كيلو بصل
3 كيلو لحم مرحي
مغرف ملح اكل معمرة مليح
نص مغرف فلفل كحل
كيلو فرماج
3 ربطات معدنوس
زيتون مقطع 300 غ
الحبة فيها مغرف و نص حشوة
يعطيك الصحة أنا من المتابعة نتعك أختي كي تحبي ديريه مشروع شحال يتبع لحبة الله يرضى عليك جوبيني أنا جربتو نبيع الديول بلاما نعمرو لمول ليسطورة لكن ما ممشليش لكن حبيت هذا المرة نعمرو ونبيع نعون روحي وولادي ربي إيقول أسع وأنا نعينك
على حساب المكونات حبيبتي
مثلا بوراك الدجاج رخيس على بوراك اللحم و بوراك البطاطا و الجبن أو بطاطا و دجاج رخيس على البوراك اللي مخدوم بالدجاج وحدو
ربي يعيشك ام ريان قولينا كل واحد شحال نحسبوه
سلام عليكم
شوفي اختي انا رأيي تحسبي السلعة لشريتيها وتزيدي شوية تاع خدمتك
نورمالمو هك والله اعلم
ربي يعينك
والله يعطيك الصحة شاف طبقنا الوصفة والله جاو ماشاء الله بنينة على الكيف وصح 100 شخص ربي يحفضك المزيد من النجحات وستعملنا البووراك الملسوقة
نتمنالك كل خير
الحمد لله على فضله ❤🥰😘
@@الشافبربوشةسهامطبخأعراسالجزائر باراك الله فيك على النصائح والأفكار
الاخت 100 شخص بصح شحال من حبة جاتك ،يعني شحال حطيتو لكل شخص
من فضلك جاوبيني
@@aminahattab4630 يعني لكل شخص 1 بوراكة كيما يحب الخاطر وتبيض الوجه اي 10 بكيات تاع ديول فيها 10 ورقات يعني 100 بوركة
ماشاء الله تبارك الله ربي يحفظك من كل سوء ومكروه يارب العالمين
اختي سهام الله يخليك ، ادا حبيت نخدم كيفاه نحسبهم السعر بالحبة ?? و لا كيفاه ? و كم سعر الحبة ?
يعطيك صحة
اختي وريلنا الالة تاع المعندوس ماعرفتهاش ونوعية ورق البوراك لخدمتي به في هذا العرس ويعطيك الصحة وربي يعطيك ماتتمناي
الالة هي الاشوار
ت
يعطيك العافية وألف صحة
ربي يجازيك عنا كل خير لي تحب تبدا مشروع بوراك للاعراس و المناسبات وش هي الطريقة لي تخرجك المصروف من عندك ولا من عند الزبون؟لي حابا تعرف دير جام🥰🥰🥰🥰
اختي سمحيلى زيتون خطأ في بوراك
شكرا جزيلا
الله يعاونك اعطينا السعر كيفاش نبيعوه تعيشي
شعال يحسبوه للحبة من فضلك ؟
يعطيك الصحةالله. يبارك احتي ماشاء الله عليكم انا راني. قدامك في. عين. طاية عجبتني خدمتكم وان شاء الله تكوني من نصيبي جي. طيبيلي في. عرس. اولادي
منينها تعيشي
@@jalassatenissaiya3358 من خميس الخشنة بومرداس
انت فور
ربي يسترك ويعطيك ما تتمناي على المعلومات التي راكي تفيدي بها الناس حبيت نسألك هل ممكن نخدم البوراك ونعمر اوراق الديول ونخبيه في المجمد حتان يوم العرس
وكيفاش نقليه هل من المجمد مباشرة الى الزيت سخون او نجبدو يطلق روحو ثم نقليه
لانني ماعنديش اللي يعاوني
سلام لا ختي خليه يرتاح برا من بعد قليه في زيت متوسطة الحرارة
تقدري بصح كن كونجلاتور للمقلة انا نديرها
@@user-xv1iw4ej6w مرة درتها في رمضان بصح ميجيش نتاع بوراك بيشاميل يفسد ويتفتح في المقلة يصلح ق لفيوند داشي او فرماج
وجربي من يوم قبل ما يوصل العرس ايها افضل
لانو لو تخرجيه و تخليه يرتاح رح يطلق ماء ويديول يتمزقوا.
ماشاء الله يعطيك الف عافيه وتعلمي من قلبك ربي يعلي مقامك راك تعلمينا أستاذة
تعيشي اختي واش من نوع الديول ؟يعطيك الصحة نموت على هذه الحرفة لكن ما حبش راجلي مرت خويا كلنت الطيب فلعراس واليوم عيات حبست لانها مريضة مسكينة ربي يشافيها
تستاهلي جام و ابوني ربي يحفظك تي من قلبك
شوفي اختي الله يعينك ويقدرك انا عاصمية لكن أكره ريحة القرفة في البوراك
ذوقك كيما ذوقي و أكيد الأذواق تختلف 💐🤗
سررت بمرورك الطيب أختي الغالية
عندك حق يا ختي نندب و نسود على القرفة كاش بوراك بالقرفة اصلا البوراك من اختصاص ناس الشرق جامي يديرو فيه قرفة القرفة اصلا متندارش فالاكل المالح غير فالحلو و الله غير يلبزو كيما الرشتة بالقرفة متتاكلش
اول ماكلة أذواق وكل حد وذوقو ماهوش محتم ناس كل تكره القرفة
😒😒😒😒😒
@@info25ing الأكل أذواق وتفنن كل واحد يتفنن في التوابل لي يحبها والقرفة تجي مع المالح والحلو دون الإكثار منها
شانقولك راكي رابحة دنيا واخره وجزاك الله خيرا إن شاء الله على المعلومات الي اعطتيهم لينا الله يجعلها في ميزان حسناتك
كل واحد وطريقتو حنا نديرو عاصمية فلفل كحل بيض سمن زيت. البصل نقطعو ه لملح كي يذبال نديرو لفيونداشي كي تشرب لاصوص نديرو لبيض on omlette كي كنا نعمرو لبوراك نديرو معدنوس هدي هي يمة كانت٣ دي طيابة فلعراس وحلواجية ربي يطولي في عمرها
مشاء الله اختي أولا مرة نشوف الفيديو تاعك تبارك الرحمان وشكرا علي المعبومة
من فضلك نقدره نوجدوه من قبل ونحطوه فا المجمد
وي تقدري بصح تخرجيه ديراكت تقليه
نتمني من المتتبعين دياولك طاطا يتفضلو عندي انا طفل صغير قناتي تعليمية تربوية ترفيهية موجهة للاطفال متحدثة باللغة الفرنسية اقدم محتوى جيد تفضلو واحكمو بانفسكم ضىربو برك طلة متحشمونيش علابالي بلي راح تعجبكم وتستفادو شرفوني بابوني
انا الحمد لله اشتركت و اتمنى من متابعي قناتي أن يغعلوا نفس الشيء
بالتوفيق يا رب
@@الشافبربوشةسهامطبخأعراسالجزائر هذا من لطفكي وكرمكي سيدتي المحترمة شكرا جزيلا لكي لتشجيعكي الطفولة.
راني درت اشتراك بالتوفيق ابني
بصحتك القهوة انا ايضا لزم من البراس للكاس
سلام اختي لوكان نبغو نخدموه مشروع شحال نبيعوه للحبة
ربي يجازيك
اختي الله يسجيك و يهنيك ، كيفاش يقعد مقرمش لمدة على الاقل ساعة و لا ساعتين؟؟ خاطر غير نغطيه بالالمنيوم و لا حاجة اخري يطري بزاف و انا نحبو مقرمش. يعني انتوما لتخدمو للاعراس بكميات كبيرة ، تخدموه بزاف من قبل ، كيفاش يقعدلكوم مقرمش؟؟ و هل تغطوه باش تدوه للصالة و لا لالا؟؟؟ شكرا مسبقا
دريه في الثلاجة قبل ما تقليه يقعدلك مقرمش
..ربي يحفظك حبيبتي وياطيك واش متمنيا
Vous n'avez pas mis de margarine votre viande est trop sec en plus faire frire les œufs à part mais personne ne sait faire la cuisine d'avant vous êtes des débutantes il faudrait bien apprendre
ما عندي ما نديرلك إذا كنتي محدودة جدا في الطبخ 😌
كل واحدة وطيابها وانا نخدم بوراك بنفس طريقتها ويجي بزاف بنين
طباخة ماهرة تلاحظيها انت يا الزواخة
Oh la cuisine d'avant wahda machete ader la cuisine d'avant dork rahoum bar ikhltou wanaya ader la cannelle pour mon bourk eh yahsera aala la cuisine d'avant je une dalger et je suis nee fi el kasba bach irbehou darahm
بوراك وعليه لكلام تسلم ايدك
نشهد طيبتي غرس بنت اختي البورتك جا يشهي
ربي يبارك الله يعطيك على حساب قلبك ..توري بالنية وخدمتك متقونة ❤❤❤❤
يعطيك الصحة والعافية في الدنيا والآخرة علىالخدمة انتاعك
آمين يا رب واياك أختي 🌹
أختي شكرا على هذه الوصفة الرائعة دائما نخدم البوراك لكن وصفتك شهاتني أحنا نخدموه بنفس المقادير مع إضافة البطاطة الطايبة بالتوفيق ان شاء الله
الله يبارك فيك انا نحب الطبخ في الاعراس في العءلة استففدت منك الله يبارك في الصحة والعمرلك ان من تونس اخوا تي اهل الجزا ءر انحبكم برشى
ام غازى
هذيك الشبكة لكبيرة تاع قلي البوراك هايلة تعرفي نتفرج ونكمونتي هههه وردة البيطراف شحال نبغيها روعة جذابة في الطبسي