البارت الثاني نزلت نورسين وماتحب تشوف ابوها يبجي كلشي ولا تشوف دموعه..وكفت بالجينز الازرق الابسته والبدي الطويل حد الركب وبشعرها المفتوح ولابسة شال بأهمال على شعرها وعن الشمس... هو ابوها كلها هناك مايقبلون البنية مكشوفة احترام الهم بس حطي حجاب عليج وهي ماتحب تنجبر عالحجاب بس احتراماً حطته على شعرها... هسة العمام لاهين بأخوهم ويسلمون عليه واحد واحد...والولد فتحو حلوكهم كلهم على شكل ادريس ونورسين... مشثاق وكف بصفهم:حلوكم لا يدخل بيهن ذبان هههههه خالد بهمس:لك هاي صاروخ البنية نواف بهمس:اخرررب واتكهرب واذوب وادمن حتى ادخن واشرب حشيشة وحبوب..ولكم هاي هي لكيتها راح اطيحها بحبي خخخخ هيثم: يا يابه هسة العمام تجيهم جلطة من شكل بت عمنه مفرعة مشتاق:هاي شبيكم مشايفين بنية حلوة..طاح حظكم عمه بعينكم نزلو عيونكم كليتو البنية ادريس اجه ومد ايده للشباب:Hallo, wie geht es dir Ich bin Idris نواف:بروح ابوي الأنكليزي بالجلاليق يدخل مخي انوب ألماني ادريس ضحك:آسف متعود احجي ألماني..كلت شلونكم اني ادريس نواف:اذوووب اذوووب..هلا بعد بيتي وانه نواف ادريس:تشرفت نواف..ومد ايده يصافحهم... خالد:ظهر الحق ظهر الحق ولكم هذا طلع يطكطكهن عراقي اشرررد...وسلمو عليه كلهم... مشتاق:اي مو احنه بزمن قريش شبيك..ويقلد عليه..ظهر الحق ظهر خشمك من وجهك خالد:عمي شتوقي شبيك مضغوط هههههه مشتاق:هسة يجيك كف يذكرك شناسي..لا تكلي شتوقي... فارس اول ما شاف نورسين مايعرف شصارله كلبه ظل يدك..ذكرته بحبيبته الاولى الي ليهسة ماناسيها..وظل صافن عليها وحتى سلام ماسلم... مشتاق اشر لنورسين تدخل جوى الصالة...وهي دخلت داخل الصالة بدون كلام...والزلم دخلو كلهم للديوان... نورسين دخلت على البنات:مرحبا بنات اني نورسين بنت عمكم البنات كلهن تفاجئن جانن عبالهن نورسين ماتعرف عربي كله ألماني..وكلهن اجن يسلمن عليها بالسرى... وانهالن عليها بالسلام والبوسات وهي مبتسمة...وقسم من البنات فاتحات حلكهن على شكلها سافرة وعلى جمالها... وتعرفت عالبنات وحدة وحدة وهي متحمسة حيل الهم..وكعدت يم النسوان الكبار زوجات عمامها..وكلهن يصلن على محمد على جمالها...بالرغم بناتهم هم حلوات... بس شافوها بلا حجاب اصلاً توقعو هالشي ماتفاجئو بيها..نورسين كعدت يمهم وكل شوي يسألونها شلون تعرفين عراقي وشلون حياتج بألمانيا وكووومة اسألة... وهي حبتهم كلهم وسولفتلهم ابوها علمها عراقي وامها علمتها الماني واصلا اكو عراقين هناك وهي هواي تعرف عرب.....وهي تحترم عاداتهم لذلك حطت الحجاب على راسها من اجت... والبنات حبنها كلش حجيها يخبل مثلهم كلش وهادئة بالكلام وحبابه حيل وسوالفها حلوة...بس عدها شويه اختلاف بالحجي البصراوي... صار المغرب وقبل العشه بشوي اجو العمام بالطارمة وصاحو لنورسين تجي تسلم عليهم... وهي راحت سلمت عليهم وبوستهم واحد واحد..وهمه عبالهم ماتعرف عربي فاجئتهم بالعراقي... وكل كلامهم ماشاء الله بنيتي الله يحرسج ويخليج..بس ماعجبهم بلا حجاب هي..ونواف واكف واخوانه..وفارس وياهم ومشتاق..بس نور بالديوان يم الزلم... مشتاق:انه ابن عمج اسمي مشتاق عرفتيني بالمطار نورسين بأبتسامة:اي سلمت عليك تشرفت بيك مشتاق..ومدت ايدها تصافحة هي واصابعها الرفيعة ومسوية منكيير فرنسي... بس مشتاق صافحها... نواف يعدل شعره وبأبتسامة:وانه ابن ابن عمج اسمي نواف الصاك..وبثقة..شلوني نورسين:هلا والله نواف تشرفت بيك..هذول اخوانك واوو فديتهم شكلهم خجولين خالد:ههههه لا يغرج ابد مو خجولين..انه خالد..بس طلع اسمج هم نور هذا اسم ابويه الشيخ نورسين:صدقة انته تموت فديتك ههههه..لا اني نورسين مو نور ماحب يختصرون اسمي نواف:اخررب واتكهرب واموووع يابه اسمج معناه ضوء القمر هيثم:وشعرفك صاير خبير اسماء نواف باوع لعمامه:خبرة بالأسماء ماعليكم بيه...وقريت مرة هيج اسم خخخخخ نورسين:اي صحيح هاي معنى اسمي ضوء القمر..والله حبيتك انته نواف..وباوعت لفارس..انته هم ابن عمي مو هيجي فارس:اي انه فارس ابن عمج النه الشرف ونورتينه بت العم... بعد السلام والتحية العمام راحو رجعو للديوان ونورسين دخلت جوى يم البنات..وبعدها اجو الولد ياخذون العشه للديوان...وهناك صار نقاش حاد... العمام كلها عاتبو ابو ادريس وكلوله ليش هيج بتك سافرة وبلا حجاب شنو نسيت تقاليدنه وعاداتنه... وكللهم لا ابد وعلمتها كل تقاليدنه وكلشي عن بلدنه بس هي اختارت تكون بلا حجاب وماردت اجبرها عالحجاب... والعمام ماقتنعو وكلوله شني بتك مفرعة ماعاجبنه هيج تبقه البت لازم تكلها تتحجب هنا النه حرمتنه وعاداتنه ولازم الكل يحترمها... كللهم ماجبرها تتحجب وهي يمته ماتحجبت تتحجب هاي الشي راجعلها هي مو اني الي بمكانها... واخوانه حجو عليه وتولوه وكلوله صدك نسيت اصلك وفصلك..من يمته نخلي البنات على راحتهم يختارون حجاب او لا... وصارت هوسة ونقاش حاد والشيخ ابو نور سكتهم وكللهم..كافي تتصرفون بعنصرية وطائفية بته وحر بيها..خلونه نشوف اخونه الي نحرمنه منه سنين خلو العتب والزعل والمشاكل بعيد لو مرة... وهمه ما سكتو الا بعد ماعاتبو وماحجو يالله سكتو..وكلهم ابو ادريس اني فترة وارجع لألمانيا وماراح ابقه مدة طويلة... ماقبلو يرجع بعد بس كلهم ابني دراسته هالسنة اجلها لازم بداية الشهر العاشر هو هناك... وقت العشه..ونورسين كل شوي البنات يكلولها اكلي واكلي وحتى نسوان عمامها..تكلهم اذا اظل اسبوع بعد يمكم يصير وزني 100 كيلو وهنه ماتن ضحك...وماتاكل اكلهم دسم... عدهم مرة عمهم الزغير فد قشمرية وتضحك سوالفها بفطرتها بس تموتهم ضحك...اسمها صباح وهي اربعينية بس سوالفها حلوة... صباح:خايبة نورسين..بعلي انتي متفيدين الرجال...خالة شيلمس الرجال بعدين اشو عصاصي انتي نورسين ضحكت:شنو يلمس ههههه مافهمت صباح:بعد خالتج..هنا..وضربت على صدرها..وهنا وضربت المؤخرة..وضربت على كرشها..هذا هم اله فايدة..واقصد رجلج المستقبلي نورسين خربت ضحك:يعني الا يصير كلشي حجم اوفر يالله يعجب الرجال هههههه
2 شهد:عووووع عمة عود شيسوي بالكرش..هذني الممتلكات فهمناهن بس الكرش شنو موقعه بالسالفة عييع صباح:بعد عمتج شلون فايدته جبيرة نورسين:ياااي صدك تحجين خالة..عدنه الرجال يتقرف من المرأة السمينة..واني اسوي رياضة وحميات مختلفة بس حتى مايزيد وزني محافظة على رشاقتي صباح:بعد خالتج غير اموته واخنكه خنك يكلي سمينة وعلي يبتلي على عمره..انتي وهذن عصاصي..حتى بدور هم مثلكم جانت سمينة شوي صارت عود خيزران بدور:والله هيج وبالكوة متقبلني انوبه اسمن والله يشمرني بأقرب زبالة ههههههه صباح:خايبة امداج ماتعرفين تكسبين رجلج عوبه..هذا فريس هم شايف نفسه عليج اشو تخبلين بدور:هو مو بالجمال ابن حماج ماكو طريق لكلبه مغرووور صباح:خايبة ماكو رجال ماكو طريق لكلبه بس انتي عوبه..صيري مثلي وعلي ماخلي ينام واذا ماله واهس انه انزعه واكله تعال البنات كلهن طاحن ضحك...ونورسين بس تبتسم على سوالفها...ولجين بت فارس كاعدة يمها وتكلها انتي حلوة وهي تضحك..وتكلها انتي تجننين... كلهم راحو العمام ونسوانهم وبناتهم..وبعد ماخلصن شغلهن البنات اخذن نورسين وراحن صعدن بالطابق الثاني..وشوي الولد اجو داخل الصالة وياهم ابو ادريس وابنه... راحن لغرفة شهد هي غرفة البنات كلهن زهراء وشهد وايناس هاي غرفتهم.... زهراء تربعت ورفعت دشداشتها عالنص ومتربعة ولابسة ستريج جوى الدشداشة هيج متعودة ماتعرف بدونه... وايناس تعارك لجين عالمخده هي لجين كله يمهم..وشهد اجت انسدحت عالسرير بو نفر واحد هذا لشهد واحد لزهراء ولأيناس..ثلاث اسرة بالغرفة.. ونورسين كعدت كبال زهراء سوت نفسها وتربعت وعلى وجهها ابتسامة... شهد:يبوووي هلكت والكعبة عبالك محد اكو غيري شهد جيبي ماي شهد جيبي استكاين شهد نظفي حمامات البره شهد غسلي الجدورة الي نحتاجهن زهراء:والله مثلج شهد:انجبي مو بكدي والله طاح حظي نورسين:ياحياتي تعبتو اليوم يعني هيج دائما تعبون من يجيكم هيجي ناس زهراء:اي والله حظنه يطيح احنه ماتخلص عدنه العزايم بعد جدي الشيخ وبابا صار بمكانه وحسبي حساب نورسين:اي اي قارية من كلي بابا عمج الشيخ كعدت قريت كومة عالشيوخ..والبنات خابصاتني بعشكم اريد اشوف شنو هذا عشكهم الي يحجون بي زهراء:هههههه اي تدللين باجر اكول لعمو مشتاق يحبج ههههههههه..ترا اشاقه مو تزعلين نورسين:لا حبيبتي عادي اخذي راحتج الجذور عراقية واليمج عبالك عاشت هنا واعرف كلشي عن العراق زهراء:خوش لعد فدوة للعراقية...اي بس اكول شلون هيج لهجتج العراقية قوية بالرغم عايشة يم الأجانب بس مرات حسيتج تحجين بغدادي مرات مصلاوي هههههه مرات بصراوي..وخليجي شهد:صدك تعاي اجه وكت السوالف..ونزلت تربعت يمهم..اي احجيلنه شلون هيج تحجين عراقي بطلاقة نورسين ابتسمت:بابا جان كله يحاجينه عراقي وماما علمتنه الألماني واني اخذت لهجاتي من صديقاتي من النت وهم اكو عراقين ويانه هناك بألمانيا جيرانه عراقيات وعندي وصديقات بالنت من مختلف المحافظات وسعوديات ولبنانيات وسوريات واووووه كومات وتعلمت منهم هواي مصطلحات..وعندي صديقة بصراوية ودوم نحجي سكايب فد روعة هالبنية بس هواي تسب وتغلط ههههه واني ماحب هيج ودوم اعصب عليها وهي تضحك شهد:شنو دارسة انتي نورسين:درست لغات..واعشق تأليف الروايات الملكية..وحاليا أألف كتاب مجموعة روايات ملكية..واني بالرواية الأخيرة وهذا اول كتاب الي صارلي سنة ونص أألف بي زهراء:اويلي اعشق الروايات رومنسيات هنه فدوة اريد اقراهن مدمنة روايات انه..بس ليش سنة ونص هواي نورسين:هنه رومنسيات وملحمية اكشنية والكتاب بالألمانية تعرفين زهراء:خرررب بحظي لا وين اعرف ألماني خل افلحها بالانكليزي اول ههههههه مسويلي عقدة وربي نورسين:بيا صف انتي..اكدر ادرسج اللغة الانكليزية زهراء ظلت ترمش بعيونها وعضت شفتها:فدددوووة انه خامس.. يصير اخطبج لنويف ههههههه نورسين ضحكت: لا حبي ازوج عن حب اني..بس الصدك حبيت نواف حيل حباب يجنن يخبل يكطع على كولتكم ..وهذا مشتاق هم حباب وخالد ونسيت هذاك الطويل هههه شهد:هيثم..وماعليج بهاي هي مرات تصير شاطرة محد يلحكها ومرات ترسب بسبب رواياتها والقراءة..والله كلما اصيح زهراء تعاي ساعديني الكه دموعها عشرة عشرة اكلها شبيج تكول فلان مات وعبالي واحد من عدنه تخرعني وتالي يطلع برواياتها..ومن تقرا هنا بالغرفة لو تكعد فوك السطح حتى تضحك زام وزام تبجي المخبلة زهراء خجلت:لا عاد عمه شسالفة سويتيني كلش نورسين ضحكت:اي عادي مثلي اتفاعل ويه الرواية لو تشوفين تموتين ضحك..بس صار هواي مقارية لأن جنت دراسة وأكتب بوقت فراغي مرات اضطر اسهر للفجر ويسببلي كئابة السهر واتهبط بالكتابة شهد:والله مرة نويف كتلها بسبب رواياتها زهراء خجلت:كافي عمه شني هاي نورسين:لا تكولين وليش يضربها ماله حق ابوج وين عنه...بس الصراحة ضحكني مساع والله دمه عسل هههههه تضحك سوالفه احتاج هيج شخصية مرحة بالروايات مالتي شهد:هذا نواف ابن اخوي نور يبوووو نويف هذا طركاعة هو واخوانه مشيبين ابوهم والله حياتهم كله مقالب..وهاي الحلوات الفاهيات بناته ومدلعات عنده لتكول محد جاب بنات هههههه الولد شابعين رزايل منه علمودهن..ومايقبل يحاجون خواتهم نورسين:فدوة يخبلون هههههه وينهم اريد اكعد يمهم احب اتعرف على كل العائلة والله من كال بابا نروح للعراق تحمست هواي للجية واشوف ثقافاتكم على الحقيقة..ستة اشهر واني بس اقرى عن عاداتكم..واعرف عنها كلشي..وعدكم البنية ميشوفوها الرجال هالشي ضد مبادءكم..واكو هنا عادي عدهم شهد: لا حبي ليش تحسنينها هيج...مو مايقبلون لا تموت شنقاً حتى الموت الي تطلع يم الزلم هههههه نورسين:يمممااي شني هاي سجن خوما سجن..بس اكو اشياء لصالح البنت..بابا علمني كلشي عنكم وعن عاداتكم كلشي كلي..تدرين اخوي عادي عنده شما اسوي ميحجي بس بابا لا ميقبل بالغلط وعلمني هالشي من الصغر شهد:راح اموت من الحبسة هنا بالسنة حسنة اطلع لبيت عمامنه بس والله..بحكم مطلقة ميسموحلي اطلع..عود مرات اروح السوك نورسين:مطلقة لاااا والله..بس بعدج صغيرة شكلج..عادي اسألج ليش وشلون شهد:اي شكو بيها هو منو ماعرف قصتي انشريت على الحبال اصلاً نورسين تحمست:اي احجيلي شنو قصتج شهد:جان عمري 17 سنة خالي جان دوم يتردد علينه ويجي يم ابوي..وبكل صغيرة وكبيرة بالديوان جان وياهم..فد يوم كل لأبوي بالشقه اريد شهد لأبني مهدي..وهذا مهدي جان حتى مايطلع من البيت ومن نروحلهم احسه جليد مو رجال كله ساكت وميسولف والله لو تشوفينه تكولين شكد مؤدب
3 نورسين:اي وبعدين شصار زهراء:انه ماحب هالقصة توجع كلبي..خل اسوي سكافي..وكامت طلعت..والبنات كالن سويلنه كل احنه.. وايناس تلعب ويه لجين وماتحجي وياهم اصلاً مو يم سوالفهم.... شهد كملت:وبعد فترة شو صارت صدك اجه خالي وخطبني لأبنه مهدي..وابوي رفض كال شهد عدها ولد عم..هو بس حتى مايقبل بمهدي مايريد ينطيني اله..ظلت تجي مرت خالي وظلت تلح على ابوي وكل فترة تجي تلح على ابوي..نور كلها شهد صغيرة مانزوجها بس ظلت تلح هنوب امي ظلت تلح على ابوي ونور رافض كلش ويكول لو آخر انسان مانطي شهد..اشو ابوي اقتنع بعد فترة نورسين:وانتي شنو رأيج بالموضوع شنو مالج رأي هو لعب هذا زواج وكلمن يجي يلح على ابوج شنو يردون يشترون سيارة شهد:جنت ماعرف شنو زواج يمعودة واخاف اجرب وجنت ساكته شكول هو محد اخذ رأيي لان نور اخوي جان قافل وامي تلح وتكول ابن خالها وماتلكه احسن منه نورسين:شكد اضوج من هيج صنف من الناس هواي قريت بالروايات عنهم شنو هو مشوار لو سفرة هذا زواج ياناس شهد:اي والله هنوب مرت خالي ماعرف شسوت لنور وقبل نور مايتراجع عن قرار بس استغربنه كل احنه تراجع واجه اخذ رأيي انه رفضت وماصدك سمع رفضي كال ماعدنه بنات للزواج..امي رجعت تلح وقنعتني..ماجنت اعرف شنو الزواج عبالي بس بدلة واخلص من الحبسة الي انه بيها ماعرفت وراي بيت ومسؤلية..قبلت وهمه على موافقتي وافقو..وزوجت ابن خالي..واقسم بكل عزيز عندي جنت ماعرف شنو الي يصير بين الزوجين نورسين:ياربي انتي شكد بريئة اكو بنية ماتعرف شهد:مجتمعنه يختلف عن مجتمع العايشة بي انتي..احنه البنية ماتطلع ممنوع واكو مايعلموها هالشي الا ليلة زواجها وهذا خطأ جم بنية انقتلت ظلم بسبب غلطها ولان ماتعرف شنو العيب والحرام وشنو الشرف بس يكلولها شرفج وشرفج الام ماتوضح الها شنو هو الشرف هاي اغلبية عدنه هيج وتغلط البنية نورسين:اي بس اكو هواي اشياء تفتح عقل البنية على هالمعرفة..المهم كملي شصارلج ويه زوجج شهد:اي ازوجنه وبليلة العرس جنت مرعوبة منه بعد ماوضحتلي امي كلشي..بس تفاجئت بي ولا خطه خطوة عليه..ويحجي وياي بكل هدوء واعصاب باردة..ويكلي نامي بعيد عني واذا اهلي عرفو انو ماخذتج اذبحج وادفنج محد يدري..متت خوف وكلت خفة وراحة بعد احسن..فرشتلي عالأرض..ومرت 10 ايام محد يعرف واني من فهاوتي ماسالته حتى ليش ماتريدني هيج وماريد يجيني ومرتاحة وماريد يلمسني..واسولف واضحك ولا كأنه زوجي مايريدني..واجت الليلة الي كرهت حياتي بيها..عرفو اهله بالصدفة من الثول مالتي بالغلط خالتي عرفت..وكلت لخالي وحجو على مهدي وصار صياح وجنت ارجف من الخوف ماعرف شحيصير..جبروه اهله يلمسني وبقه للصبح وياي يحاول وكلما يفشل يضربني شبعت كتل والله العظيم وابجي وملخت نفسي بجي ومحد فهمني ونقذني عادات ظالمة قضت على براءتي نورسين انقهرت عليها:شنو هاي شنو انتي بشر مو حيوان شهد حزنت:صار الصبح خالي ضربه يكله انته مو رجال وخلي البنية ترجع لأهلها..بس هو غضب عليه وطلع هالغضب بيه..وكسرني بطريقة وحوش وبيومها نزفت حتى واكفة بالحمام واشوف الدم ينزل بشكل ماينوصف وظليت ارجف..واخذوني للمستشفى الدكتورة كالت هاي اغتصاب ورادت تحول حالتي للشرطة لو لا خالي تلاحك الموضوع..ورجعوني يمه ايام وطبت..بس اموت منه من اباوع عليه وهالحجي صارلي 18 يوم وياه ومرت ايام وهو مانعرف شصارله مالمسني ابداً والولد انجن صار لا هو مرة لا هو رجال وجن جنونه..اربعين يوم ورجعت لبيت ابوي خالي رجعني وكلهم ابني مو رجال..واطلكت والناس حجت علينه بس بعدين الكل عرف بسالفتي ومهدي طلع بعد فترة مرة مسويلته سحر جانت تريده وماتصدكين هو وين هسة نورسين دموعها نزلت على شهد:ياربي هاي احزن قصة شهد..وين هسة طليقج شهد:مجنون ولا يعرف سماه من ارضه..ويركض ويه الجهال بالشارع ويه الجهال واهله يلاحكونه ويدخلونه ومحبوس بغرفة بحده وهيج انه وهو ضحية نفس وصخة وادمرت بزهوة شبابي اطلكت وعمري 17 سنة وانحبست اكثر من اول لأن اطلكت وماطولت عنده وهيج مجتمعنه نورسين:يالله هاي مو بشر وحوش..ليش من البداية يزوجوج اهلج وانتي صغيرة شهد:مرت خالي حقيرة وتسوي سحورة واشكال شعوذة هي يمكن سحرت اهلي قبلو..وره ما طبت من جنت مزوجه ابنها جانت حتى تكتلني تكلي لبسيله وماعرف شنو..انه جنت اسكت اخاف احجي شلبس ههههه وهو متخبل الرجال بالسحورة نورسين مسحت دموعها:والله قصتج توجع القلب..اتمنى تعلمتي درس منها وماتعيدين نفس الغلط شهد:ابد ولا اعيده وهيج احسن بلا زواج..رجعت كملت دراستي سمحولي اكمل للسادس اعدادي بس..وبت عمي طلعت عليه قصة اتهام باطل ماعرف شبيها مريضة نفسية نورسين:ياا شنو هاي ليش هالظلم حرام اجت زهراء:بنات تعالو بالصالة كلهم كاعدين بالصالة..توه سلمت على عمو صفاء..نورسين ماتردين تتعرفين على ولد عمج نورسين:اي مساع تعرفت عليهم وتعرفت على اخوانج..وعلى فارس ومشتاق اخوان شهد
تجنن عاشت ايدج يا ورده طبعا هاي القصة ما اعرف شلون اوصفها تموت اتجنن روعه تجذب من اجمل القصص الي قريتهن والابطال اوفففف الابطال عشقتهم يجننو وخصوصا شخصيه نواف يجنن ما ينوصف وشخصيه نور ونورسين وكل ابطال القصه يجنننو واتمنى من الله انو التقي بيهم ما اعرف هاذي القصه صارت ادمان وما اعرف شنو اعبر بعد واتمنى تنزلين شبيهين الابطال ويومياتهم حاليا ارجوج تواصلي وياهم نريد انشوف اخبارهم ✨❤️
@@roqaia333 ليش كليله المتابعين طلبو وبكثر اي نزلي يوميات وايناس شنو صار عليها وين وصلت هيه وهيثم اهم شي نواف ومشتاق خالد وزوجته وين صارو جدهم الشيخ علي شنو صار عليه نواف وشهد بعدهم يتناكرون هم صارة خلافات بينهم او ماشيه عدل وادريس مارجع للعراق نورسين ماصار عدها ارجو ان اعرف اسمائهم الحقيقيه حته لو خاص صباح بعدها شاقي نواف بعدة يتحارش بابو ارجو تنزلين عنهم حته لو يوميات ونزلي جزء ثاني عفيه ماعليج بي هسه هوة قبل تنزل ليله عرسه مايقبل باالجزء الثاني ههههه
صاحبة السعادة اسم حسابج حلو واكو مقولة تقول اذا شي تكتبه يصير العقل الباطن يستجيب ويبدأ ينفذ باذن الله فدوما كتبت اشياء إيجابية متفائلة ع اسم الحساب اوقفي مثلا تخصصون دفتر وتريدون صفة الهدوء أو الإخلاق أو الادب أو المال الجمال مثلا اني حلوة اني واثقة بنفسي اني ذكيةةاني غنية دوما وتگىون گبال المرايا ترددون كل يوم الصبح اول متگدعون والدليل الديني بسم اللهالرحمن الرحيم تفائلو بالخير تجدوه صدق الله العظيم الدليل العلمي ابحثو باليوتيوب عن العقل الباطن وكيف نتحكم به ونصبح سعداء باذن الله
القصة تجنن بس البداية احلا لان زهراء جانت عايشة وحياتهم كلش حلوة مو مثل النهاية وكلش انقهرت ع زهراء واتمنى تتواصلين وياهم وتخبرينة عن حالهم هسة ارجوج لان كلش حابه اعرف اصار وياهم وهاي احلا قصة اقراهة بحياتي وحرجع اقراهة مرة ثانة
![I.N "HALLUCINATION" | [Stray Kids : SKZ-PLAYER]](http://i.ytimg.com/vi/n5B5q1Hwt_U/mqdefault.jpg)
![Felix "Unfair" | [Stray Kids : SKZ-PLAYER]](http://i.ytimg.com/vi/Oswujxm2Ag0/mqdefault.jpg)
البارت الثاني
نزلت نورسين وماتحب تشوف ابوها يبجي كلشي ولا تشوف دموعه..وكفت بالجينز الازرق الابسته والبدي الطويل حد الركب وبشعرها المفتوح ولابسة شال بأهمال على شعرها وعن الشمس...
هو ابوها كلها هناك مايقبلون البنية مكشوفة احترام الهم بس حطي حجاب عليج وهي ماتحب تنجبر عالحجاب بس احتراماً حطته على شعرها...
هسة العمام لاهين بأخوهم ويسلمون عليه واحد واحد...والولد فتحو حلوكهم كلهم على شكل ادريس ونورسين...
مشثاق وكف بصفهم:حلوكم لا يدخل بيهن ذبان هههههه
خالد بهمس:لك هاي صاروخ البنية
نواف بهمس:اخرررب واتكهرب واذوب وادمن
حتى ادخن واشرب حشيشة وحبوب..ولكم هاي هي لكيتها راح اطيحها بحبي خخخخ
هيثم: يا يابه هسة العمام تجيهم جلطة من شكل بت عمنه مفرعة
مشتاق:هاي شبيكم مشايفين بنية حلوة..طاح حظكم عمه بعينكم نزلو عيونكم كليتو البنية
ادريس اجه ومد ايده للشباب:Hallo, wie geht es dir Ich bin Idris
نواف:بروح ابوي الأنكليزي بالجلاليق يدخل مخي انوب ألماني
ادريس ضحك:آسف متعود احجي ألماني..كلت شلونكم اني ادريس
نواف:اذوووب اذوووب..هلا بعد بيتي وانه نواف
ادريس:تشرفت نواف..ومد ايده يصافحهم...
خالد:ظهر الحق ظهر الحق ولكم هذا طلع يطكطكهن عراقي اشرررد...وسلمو عليه كلهم...
مشتاق:اي مو احنه بزمن قريش شبيك..ويقلد عليه..ظهر الحق ظهر خشمك من وجهك
خالد:عمي شتوقي شبيك مضغوط هههههه
مشتاق:هسة يجيك كف يذكرك شناسي..لا تكلي شتوقي...
فارس اول ما شاف نورسين مايعرف شصارله كلبه ظل يدك..ذكرته بحبيبته الاولى الي ليهسة ماناسيها..وظل صافن عليها وحتى سلام ماسلم...
مشتاق اشر لنورسين تدخل جوى الصالة...وهي دخلت داخل الصالة بدون كلام...والزلم دخلو كلهم للديوان...
نورسين دخلت على البنات:مرحبا بنات اني نورسين بنت عمكم
البنات كلهن تفاجئن جانن عبالهن نورسين ماتعرف عربي كله ألماني..وكلهن اجن يسلمن عليها بالسرى...
وانهالن عليها بالسلام والبوسات وهي مبتسمة...وقسم من البنات فاتحات حلكهن على شكلها سافرة وعلى جمالها...
وتعرفت عالبنات وحدة وحدة وهي متحمسة حيل الهم..وكعدت يم النسوان الكبار زوجات عمامها..وكلهن يصلن على محمد على جمالها...بالرغم بناتهم هم حلوات...
بس شافوها بلا حجاب اصلاً توقعو هالشي ماتفاجئو بيها..نورسين كعدت يمهم وكل شوي يسألونها شلون تعرفين عراقي وشلون حياتج بألمانيا وكووومة اسألة...
وهي حبتهم كلهم وسولفتلهم ابوها علمها عراقي وامها علمتها الماني واصلا اكو عراقين هناك وهي هواي تعرف عرب.....وهي تحترم عاداتهم لذلك حطت الحجاب على راسها من اجت...
والبنات حبنها كلش حجيها يخبل مثلهم كلش وهادئة بالكلام وحبابه حيل وسوالفها حلوة...بس عدها شويه اختلاف بالحجي البصراوي...
صار المغرب وقبل العشه بشوي اجو العمام بالطارمة وصاحو لنورسين تجي تسلم عليهم...
وهي راحت سلمت عليهم وبوستهم واحد واحد..وهمه عبالهم ماتعرف عربي فاجئتهم بالعراقي...
وكل كلامهم ماشاء الله بنيتي الله يحرسج ويخليج..بس ماعجبهم بلا حجاب هي..ونواف واكف واخوانه..وفارس وياهم ومشتاق..بس نور بالديوان يم الزلم...
مشتاق:انه ابن عمج اسمي مشتاق عرفتيني بالمطار
نورسين بأبتسامة:اي سلمت عليك تشرفت بيك مشتاق..ومدت ايدها تصافحة هي واصابعها الرفيعة ومسوية منكيير فرنسي...
بس مشتاق صافحها...
نواف يعدل شعره وبأبتسامة:وانه ابن ابن عمج اسمي نواف الصاك..وبثقة..شلوني
نورسين:هلا والله نواف تشرفت بيك..هذول اخوانك واوو فديتهم شكلهم خجولين
خالد:ههههه لا يغرج ابد مو خجولين..انه خالد..بس طلع اسمج هم نور هذا اسم ابويه الشيخ
نورسين:صدقة انته تموت فديتك ههههه..لا اني نورسين مو نور ماحب يختصرون اسمي
نواف:اخررب واتكهرب واموووع يابه اسمج معناه ضوء القمر
هيثم:وشعرفك صاير خبير اسماء
نواف باوع لعمامه:خبرة بالأسماء ماعليكم بيه...وقريت مرة هيج اسم خخخخخ
نورسين:اي صحيح هاي معنى اسمي ضوء القمر..والله حبيتك انته نواف..وباوعت لفارس..انته هم ابن عمي مو هيجي
فارس:اي انه فارس ابن عمج النه الشرف ونورتينه بت العم...
بعد السلام والتحية العمام راحو رجعو للديوان ونورسين دخلت جوى يم البنات..وبعدها اجو الولد ياخذون العشه للديوان...وهناك صار نقاش حاد...
العمام كلها عاتبو ابو ادريس وكلوله ليش هيج بتك سافرة وبلا حجاب شنو نسيت تقاليدنه وعاداتنه...
وكللهم لا ابد وعلمتها كل تقاليدنه وكلشي عن بلدنه بس هي اختارت تكون بلا حجاب وماردت اجبرها عالحجاب...
والعمام ماقتنعو وكلوله شني بتك مفرعة ماعاجبنه هيج تبقه البت لازم تكلها تتحجب هنا النه حرمتنه وعاداتنه ولازم الكل يحترمها...
كللهم ماجبرها تتحجب وهي يمته ماتحجبت تتحجب هاي الشي راجعلها هي مو اني الي بمكانها...
واخوانه حجو عليه وتولوه وكلوله صدك نسيت اصلك وفصلك..من يمته نخلي البنات على راحتهم يختارون حجاب او لا...
وصارت هوسة ونقاش حاد والشيخ ابو نور سكتهم وكللهم..كافي تتصرفون بعنصرية وطائفية بته وحر بيها..خلونه نشوف اخونه الي نحرمنه منه سنين خلو العتب والزعل والمشاكل بعيد لو مرة...
وهمه ما سكتو الا بعد ماعاتبو وماحجو يالله سكتو..وكلهم ابو ادريس اني فترة وارجع لألمانيا وماراح ابقه مدة طويلة...
ماقبلو يرجع بعد بس كلهم ابني دراسته هالسنة اجلها لازم بداية الشهر العاشر هو هناك...
وقت العشه..ونورسين كل شوي البنات يكلولها اكلي واكلي وحتى نسوان عمامها..تكلهم اذا اظل اسبوع بعد يمكم يصير وزني 100 كيلو وهنه ماتن ضحك...وماتاكل اكلهم دسم...
عدهم مرة عمهم الزغير فد قشمرية وتضحك سوالفها بفطرتها بس تموتهم ضحك...اسمها صباح وهي اربعينية بس سوالفها حلوة...
صباح:خايبة نورسين..بعلي انتي متفيدين الرجال...خالة شيلمس الرجال بعدين اشو عصاصي انتي
نورسين ضحكت:شنو يلمس ههههه مافهمت
صباح:بعد خالتج..هنا..وضربت على صدرها..وهنا وضربت المؤخرة..وضربت على كرشها..هذا هم اله فايدة..واقصد رجلج المستقبلي
نورسين خربت ضحك:يعني الا يصير كلشي حجم اوفر يالله يعجب الرجال هههههه
2
شهد:عووووع عمة عود شيسوي بالكرش..هذني الممتلكات فهمناهن بس الكرش شنو موقعه بالسالفة عييع
صباح:بعد عمتج شلون فايدته جبيرة
نورسين:ياااي صدك تحجين خالة..عدنه الرجال يتقرف من المرأة السمينة..واني اسوي رياضة وحميات مختلفة بس حتى مايزيد وزني محافظة على رشاقتي
صباح:بعد خالتج غير اموته واخنكه خنك يكلي سمينة وعلي يبتلي على عمره..انتي وهذن عصاصي..حتى بدور هم مثلكم جانت سمينة شوي صارت عود خيزران
بدور:والله هيج وبالكوة متقبلني انوبه اسمن والله يشمرني بأقرب زبالة ههههههه
صباح:خايبة امداج ماتعرفين تكسبين رجلج عوبه..هذا فريس هم شايف نفسه عليج اشو تخبلين
بدور:هو مو بالجمال ابن حماج ماكو طريق لكلبه مغرووور
صباح:خايبة ماكو رجال ماكو طريق لكلبه بس انتي عوبه..صيري مثلي وعلي ماخلي ينام واذا ماله واهس انه انزعه واكله تعال
البنات كلهن طاحن ضحك...ونورسين بس تبتسم على سوالفها...ولجين بت فارس كاعدة يمها وتكلها انتي حلوة وهي تضحك..وتكلها انتي تجننين...
كلهم راحو العمام ونسوانهم وبناتهم..وبعد ماخلصن شغلهن البنات اخذن نورسين وراحن صعدن بالطابق الثاني..وشوي الولد اجو داخل الصالة وياهم ابو ادريس وابنه...
راحن لغرفة شهد هي غرفة البنات كلهن زهراء وشهد وايناس هاي غرفتهم....
زهراء تربعت ورفعت دشداشتها عالنص ومتربعة ولابسة ستريج جوى الدشداشة هيج متعودة ماتعرف بدونه...
وايناس تعارك لجين عالمخده هي لجين كله يمهم..وشهد اجت انسدحت عالسرير بو نفر واحد هذا لشهد واحد لزهراء ولأيناس..ثلاث اسرة بالغرفة..
ونورسين كعدت كبال زهراء سوت نفسها وتربعت وعلى وجهها ابتسامة...
شهد:يبوووي هلكت والكعبة عبالك محد اكو غيري شهد جيبي ماي شهد جيبي استكاين شهد نظفي حمامات البره شهد غسلي الجدورة الي نحتاجهن
زهراء:والله مثلج
شهد:انجبي مو بكدي والله طاح حظي
نورسين:ياحياتي تعبتو اليوم يعني هيج دائما تعبون من يجيكم هيجي ناس
زهراء:اي والله حظنه يطيح احنه ماتخلص عدنه العزايم بعد جدي الشيخ وبابا صار بمكانه وحسبي حساب
نورسين:اي اي قارية من كلي بابا عمج الشيخ كعدت قريت كومة عالشيوخ..والبنات خابصاتني بعشكم اريد اشوف شنو هذا عشكهم الي يحجون بي
زهراء:هههههه اي تدللين باجر اكول لعمو مشتاق يحبج ههههههههه..ترا اشاقه مو تزعلين
نورسين:لا حبيبتي عادي اخذي راحتج الجذور عراقية واليمج عبالك عاشت هنا واعرف كلشي عن العراق
زهراء:خوش لعد فدوة للعراقية...اي بس اكول شلون هيج لهجتج العراقية قوية بالرغم عايشة يم الأجانب بس مرات حسيتج تحجين بغدادي مرات مصلاوي هههههه مرات بصراوي..وخليجي
شهد:صدك تعاي اجه وكت السوالف..ونزلت تربعت يمهم..اي احجيلنه شلون هيج تحجين عراقي بطلاقة
نورسين ابتسمت:بابا جان كله يحاجينه عراقي وماما علمتنه الألماني واني اخذت لهجاتي من صديقاتي من النت وهم اكو عراقين ويانه هناك بألمانيا جيرانه عراقيات وعندي وصديقات بالنت من مختلف المحافظات وسعوديات ولبنانيات وسوريات واووووه كومات وتعلمت منهم هواي مصطلحات..وعندي صديقة بصراوية ودوم نحجي سكايب فد روعة هالبنية بس هواي تسب وتغلط ههههه واني ماحب هيج ودوم اعصب عليها وهي تضحك
شهد:شنو دارسة انتي
نورسين:درست لغات..واعشق تأليف الروايات الملكية..وحاليا أألف كتاب مجموعة روايات ملكية..واني بالرواية الأخيرة وهذا اول كتاب الي صارلي سنة ونص أألف بي
زهراء:اويلي اعشق الروايات رومنسيات هنه فدوة اريد اقراهن مدمنة روايات انه..بس ليش سنة ونص هواي
نورسين:هنه رومنسيات وملحمية اكشنية والكتاب بالألمانية تعرفين
زهراء:خرررب بحظي لا وين اعرف ألماني خل افلحها بالانكليزي اول ههههههه مسويلي عقدة وربي
نورسين:بيا صف انتي..اكدر ادرسج اللغة الانكليزية
زهراء ظلت ترمش بعيونها وعضت شفتها:فدددوووة انه خامس.. يصير اخطبج لنويف ههههههه
نورسين ضحكت: لا حبي ازوج عن حب اني..بس الصدك حبيت نواف حيل حباب يجنن يخبل يكطع على كولتكم ..وهذا مشتاق هم حباب وخالد ونسيت هذاك الطويل هههه
شهد:هيثم..وماعليج بهاي هي مرات تصير شاطرة محد يلحكها ومرات ترسب بسبب رواياتها والقراءة..والله كلما اصيح زهراء تعاي ساعديني الكه دموعها عشرة عشرة اكلها شبيج تكول فلان مات وعبالي واحد من عدنه تخرعني وتالي يطلع برواياتها..ومن تقرا هنا بالغرفة لو تكعد فوك السطح حتى تضحك زام وزام تبجي المخبلة
زهراء خجلت:لا عاد عمه شسالفة سويتيني كلش
نورسين ضحكت:اي عادي مثلي اتفاعل ويه الرواية لو تشوفين تموتين ضحك..بس صار هواي مقارية لأن جنت دراسة وأكتب بوقت فراغي مرات اضطر اسهر للفجر ويسببلي كئابة السهر واتهبط بالكتابة
شهد:والله مرة نويف كتلها بسبب رواياتها
زهراء خجلت:كافي عمه شني هاي
نورسين:لا تكولين وليش يضربها ماله حق ابوج وين عنه...بس الصراحة ضحكني مساع والله دمه عسل هههههه تضحك سوالفه احتاج هيج شخصية مرحة بالروايات مالتي
شهد:هذا نواف ابن اخوي نور يبوووو نويف هذا طركاعة هو واخوانه مشيبين ابوهم والله حياتهم كله مقالب..وهاي الحلوات الفاهيات بناته ومدلعات عنده لتكول محد جاب بنات هههههه الولد شابعين رزايل منه علمودهن..ومايقبل يحاجون خواتهم
نورسين:فدوة يخبلون هههههه وينهم اريد اكعد يمهم احب اتعرف على كل العائلة والله من كال بابا نروح للعراق تحمست هواي للجية واشوف ثقافاتكم على الحقيقة..ستة اشهر واني بس اقرى عن عاداتكم..واعرف عنها كلشي..وعدكم البنية ميشوفوها الرجال هالشي ضد مبادءكم..واكو هنا عادي عدهم
شهد: لا حبي ليش تحسنينها هيج...مو مايقبلون لا تموت شنقاً حتى الموت الي تطلع يم الزلم هههههه
نورسين:يمممااي شني هاي سجن خوما سجن..بس اكو اشياء لصالح البنت..بابا علمني كلشي عنكم وعن عاداتكم كلشي كلي..تدرين اخوي عادي عنده شما اسوي ميحجي بس بابا لا ميقبل بالغلط وعلمني هالشي من الصغر
شهد:راح اموت من الحبسة هنا بالسنة حسنة اطلع لبيت عمامنه بس والله..بحكم مطلقة ميسموحلي اطلع..عود مرات اروح السوك
نورسين:مطلقة لاااا والله..بس بعدج صغيرة شكلج..عادي اسألج ليش وشلون
شهد:اي شكو بيها هو منو ماعرف قصتي انشريت على الحبال اصلاً
نورسين تحمست:اي احجيلي شنو قصتج
شهد:جان عمري 17 سنة خالي جان دوم يتردد علينه ويجي يم ابوي..وبكل صغيرة وكبيرة بالديوان جان وياهم..فد يوم كل لأبوي بالشقه اريد شهد لأبني مهدي..وهذا مهدي جان حتى مايطلع من البيت ومن نروحلهم احسه جليد مو رجال كله ساكت وميسولف والله لو تشوفينه تكولين شكد مؤدب
3
نورسين:اي وبعدين شصار
زهراء:انه ماحب هالقصة توجع كلبي..خل اسوي سكافي..وكامت طلعت..والبنات كالن سويلنه كل احنه.. وايناس تلعب ويه لجين وماتحجي وياهم اصلاً مو يم سوالفهم....
شهد كملت:وبعد فترة شو صارت صدك اجه خالي وخطبني لأبنه مهدي..وابوي رفض كال شهد عدها ولد عم..هو بس حتى مايقبل بمهدي مايريد ينطيني اله..ظلت تجي مرت خالي وظلت تلح على ابوي وكل فترة تجي تلح على ابوي..نور كلها شهد صغيرة مانزوجها بس ظلت تلح هنوب امي ظلت تلح على ابوي ونور رافض كلش ويكول لو آخر انسان مانطي شهد..اشو ابوي اقتنع بعد فترة
نورسين:وانتي شنو رأيج بالموضوع شنو مالج رأي هو لعب هذا زواج وكلمن يجي يلح على ابوج شنو يردون يشترون سيارة
شهد:جنت ماعرف شنو زواج يمعودة واخاف اجرب وجنت ساكته شكول هو محد اخذ رأيي لان نور اخوي جان قافل وامي تلح وتكول ابن خالها وماتلكه احسن منه
نورسين:شكد اضوج من هيج صنف من الناس هواي قريت بالروايات عنهم شنو هو مشوار لو سفرة هذا زواج ياناس
شهد:اي والله هنوب مرت خالي ماعرف شسوت لنور وقبل نور مايتراجع عن قرار بس استغربنه كل احنه تراجع واجه اخذ رأيي انه رفضت وماصدك سمع رفضي كال ماعدنه بنات للزواج..امي رجعت تلح وقنعتني..ماجنت اعرف شنو الزواج عبالي بس بدلة واخلص من الحبسة الي انه بيها ماعرفت وراي بيت ومسؤلية..قبلت وهمه على موافقتي وافقو..وزوجت ابن خالي..واقسم بكل عزيز عندي جنت ماعرف شنو الي يصير بين الزوجين
نورسين:ياربي انتي شكد بريئة اكو بنية ماتعرف
شهد:مجتمعنه يختلف عن مجتمع العايشة بي انتي..احنه البنية ماتطلع ممنوع واكو مايعلموها هالشي الا ليلة زواجها وهذا خطأ جم بنية انقتلت ظلم بسبب غلطها ولان ماتعرف شنو العيب والحرام وشنو الشرف بس يكلولها شرفج وشرفج الام ماتوضح الها شنو هو الشرف هاي اغلبية عدنه هيج وتغلط البنية
نورسين:اي بس اكو هواي اشياء تفتح عقل البنية على هالمعرفة..المهم كملي شصارلج ويه زوجج
شهد:اي ازوجنه وبليلة العرس جنت مرعوبة منه بعد ماوضحتلي امي كلشي..بس تفاجئت بي ولا خطه خطوة عليه..ويحجي وياي بكل هدوء واعصاب باردة..ويكلي نامي بعيد عني واذا اهلي عرفو انو ماخذتج اذبحج وادفنج محد يدري..متت خوف وكلت خفة وراحة بعد احسن..فرشتلي عالأرض..ومرت 10 ايام محد يعرف واني من فهاوتي ماسالته حتى ليش ماتريدني هيج وماريد يجيني ومرتاحة وماريد يلمسني..واسولف واضحك ولا كأنه زوجي مايريدني..واجت الليلة الي كرهت حياتي بيها..عرفو اهله بالصدفة من الثول مالتي بالغلط خالتي عرفت..وكلت لخالي وحجو على مهدي وصار صياح وجنت ارجف من الخوف ماعرف شحيصير..جبروه اهله يلمسني وبقه للصبح وياي يحاول وكلما يفشل يضربني شبعت كتل والله العظيم وابجي وملخت نفسي بجي ومحد فهمني ونقذني عادات ظالمة قضت على براءتي
نورسين انقهرت عليها:شنو هاي شنو انتي بشر مو حيوان
شهد حزنت:صار الصبح خالي ضربه يكله انته مو رجال وخلي البنية ترجع لأهلها..بس هو غضب عليه وطلع هالغضب بيه..وكسرني بطريقة وحوش وبيومها نزفت حتى واكفة بالحمام واشوف الدم ينزل بشكل ماينوصف وظليت ارجف..واخذوني للمستشفى الدكتورة كالت هاي اغتصاب ورادت تحول حالتي للشرطة لو لا خالي تلاحك الموضوع..ورجعوني يمه ايام وطبت..بس اموت منه من اباوع عليه وهالحجي صارلي 18 يوم وياه ومرت ايام وهو مانعرف شصارله مالمسني ابداً والولد انجن صار لا هو مرة لا هو رجال وجن جنونه..اربعين يوم ورجعت لبيت ابوي خالي رجعني وكلهم ابني مو رجال..واطلكت والناس حجت علينه بس بعدين الكل عرف بسالفتي ومهدي طلع بعد فترة مرة مسويلته سحر جانت تريده وماتصدكين هو وين هسة
نورسين دموعها نزلت على شهد:ياربي هاي احزن قصة شهد..وين هسة طليقج
شهد:مجنون ولا يعرف سماه من ارضه..ويركض ويه الجهال بالشارع ويه الجهال واهله يلاحكونه ويدخلونه ومحبوس بغرفة بحده وهيج انه وهو ضحية نفس وصخة وادمرت بزهوة شبابي اطلكت وعمري 17 سنة وانحبست اكثر من اول لأن اطلكت وماطولت عنده وهيج مجتمعنه
نورسين:يالله هاي مو بشر وحوش..ليش من البداية يزوجوج اهلج وانتي صغيرة
شهد:مرت خالي حقيرة وتسوي سحورة واشكال شعوذة هي يمكن سحرت اهلي قبلو..وره ما طبت من جنت مزوجه ابنها جانت حتى تكتلني تكلي لبسيله وماعرف شنو..انه جنت اسكت اخاف احجي شلبس ههههه وهو متخبل الرجال بالسحورة
نورسين مسحت دموعها:والله قصتج توجع القلب..اتمنى تعلمتي درس منها وماتعيدين نفس الغلط
شهد:ابد ولا اعيده وهيج احسن بلا زواج..رجعت كملت دراستي سمحولي اكمل للسادس اعدادي بس..وبت عمي طلعت عليه قصة اتهام باطل ماعرف شبيها مريضة نفسية
نورسين:ياا شنو هاي ليش هالظلم حرام
اجت زهراء:بنات تعالو بالصالة كلهم كاعدين بالصالة..توه سلمت على عمو صفاء..نورسين ماتردين تتعرفين على ولد عمج
نورسين:اي مساع تعرفت عليهم وتعرفت على اخوانج..وعلى فارس ومشتاق اخوان شهد
4
شهد:بعدين نكمل سوالفنه..انه اريد اسلم على عمي مادري جاين عبالي بالديوان راح يبقون..واريد اشوف ادريس شون صاير اكيد يشبه الكمر الي كبالي
نورسين:هههههه انه كمر شسالفة ياهو يشوفني يكول كمر ترا عادي شكلي عوفو الكمر مكانه..خل اعصب تخترعين ههههههه
زهراء:يماااي عصبية هههههههه والله انتي احس ورقة وردة تجرحج انوب تكول عصبية..يالله تعاي بعدج ماتعرفتي على باباتي
ايناس:هاي ولا كأني اخر العنكود المفروض اكون المدللة بس هاي ماخذه كلشي وكلاشي حتى جدو
نورسين بمزح:منو حجه هذا..والتفتت وضحكت..توني حسيت بوجودج نوسه ليش ماشاركتي السوالف
ايناس:هي شنو من سوالف وناسة هي سوالف تعاسة مال عمتي
نورسين:اي والله توجع القلب قصتها..حرررام والله حراااام هيج تنظلم..وانتي ليش تغارين على ابوج ههههه
زهراء:لا هاي جليد ماتغار عل بابا بس على جدو لان تربت بيدهم هو وبيبي
نورسين:صح امكم وين ماشفتها
زهراء:توفت الله يرحمها..انه ماذكر عليها جان عمري 4 سنوات..بس نواف يذكرها شوي لأن جان عمره 6 سنوات من توفت
نورسين:ياااا اسفة والله ماجنت اعرف..الله يرحمها
زهراء:عادي حبي هو احنه مانذكرها صح نحزن ساعات ماعاشت ويانه بس الله عوضنه بأب حنون واطيب قلب بالدنيا كلها والله بابا ماخلانه نحس بغيابها ابداً...يالله تعالن سويت كهوة للجميع
شهد:الله يرحمها..وكامت..يالله نونو تعاي
نورسين كامت وراهن:لحظة شنو نوع الكهوة الي سويتيها..انه ماشربها بكل نوع
زهراء:سكافي سويتها
نورسين تفكر:امممم هسة اسويلكم طريقتنه بالكهوة تجنن كلش طيبة..هي طريقة ادريس
زهراء: ماشي يالله تعاي يمهم شوي ونروح المطبخ نسويها...ونزلن كلهن سويه..ودخلن وسلمن...
شهد راحت سلمت على عمها..وزهراء بحماس قدمت نورسين لأبوها وكلتلها هذا بابا نور....وهو مدنك راسه وبيده سبحته ويحرك بيها بيد وحدة..ومتكي على مخدة من مخدات الصالة...همه عدها جلسة كبيرة بالصالة...
نورسين بأبتسامة:اهلاً نور انه نورسين انته ابن عمي الكبير..........يتبع
5
شهد راحت سلمت على عمها..وزهراء بحماس قدمت نورسين لأبوها وكلتلها هذا بابا نور....وهو مدنك راسه وبيده سبحته ويحرك بيها بيد وحدة..ومتكي على مخدة من مخدات الصالة...همه عدهم جلسة جبيرة بالصالة...
نورسين بأبتسامة:اهلاً نور انه نورسين انته ابن عمي الكبير؟؟
نور وهو مدنك:هلا بويه هلا بيج نورتينه بت عمي
نورسين ضاجت كلش وهو مدنك ويسلم عليها حستها اهانة الها..وراحت كعدت يم ابوها..وكلتله اشتاقيتلك بابا..وهو كلها نفس الشي...
اجه نواف وياه ادريس والشباب جانو يفرونه بعد العشه خذوه وطلعو..ونواف ياخذ سيارة ابوه يسوق بيها لو سيارة عمه فارس...
ابوه مايقبل ياخذله سيارة كايله اذا ماتخلص الكلية ماكو سيارة وصارله سنة يحاجي عالسيارة مايقبل يعرفه بس ياخذله السيارة يهمل دراسته...
وفارس جان يم عمه ويسولفون بس من اجت نورسين سكت وكعدت بصف ابوها وفارس بالجانب الثاني...حتى دار وجهه شلون بلا حجاب وابوها عادي عنده...
زهراء هم راحت يم ابوها ولزمت ايده وحضنتها وتتبسم بوجهه وهو شكد يحبها مُدللته هي وايناس...بس ايناس كاعدة ومبوزة وحاطه ايدها على خدها..
..ومن دخل ادريس واخوانها وخرت زهراء ايديها على ابوها.. ولبست شالها بسرعة...
ادريس:مرحبا للجميع..كلهم كالو وعليكم السلام...وراح كعد ادريس يم زهراء وبأبتسامة...
ادريس:شنو اسمج ياحلوة..بس نور باوعله بنظرة ماعجبه كعد يم بته وهيج يكول ياحلوة كبال الكل وكدامه...ونورسين انتبهت لأدريس...
نورسين حجت بالألماني وباوعت لأدريس:Was machst du (ماذا تفعل.....بالعراقي..شسوي )
ادريس اشر على نفسه:Du redest mit mir(تتكلمين معي..تحجين ويايه)
نورسين خجلت تحجي بالألماني تحس انها تستغبيهم او يحجون شي عليهم..لذلك مو حلوة بحقهم تحجي بلغة ميفهموها وهمه كاعدين مثل الاطرش بالزفة....
نورسين كامت بحماس:ادريس تعال للمطبخ اني وانته نسويلهم طريقة كوفي مالتنه..هي بس تريد تاخذه وياها لا يجفص لان عادي عنده كلشي...وهي تعرف عدهم مايقبلون...
ادريس كام:اوك..واشر على زهراء..بس ها اريد اتعرف على هالحلوة بعدين..وراح هو ونورسين ولحكتهم شهد...تريد تتعرف على ادريس وهم ادليهم الكهوة...
ونور ماعجبه وباوع على عمه وساكت شيكول..وعمه باوعله بنظرة كسيرة.. حس بي نور...
ابو ادريس:اسف بعد عمك هو تره عادي عنده لأن يماشي صحبه ماعاجبتني وشكد امنعه وذبحني بحريته الشخصية..اريده يتغير اريد يماشي شبابكم..اطباعه كلها مالت الاجانب الي يماشيهم
نور ابتسم اله:مو مشكلة يعمي..هو مثل اخوها..وشدعوة ولدي ماراح يخلونه ينحرف اكثر..خصوص هالنويف..شوفه مطلعلي كلب بصف كلبي
نواف:والله ياجدي كلشي ما مسوي خوش ولد اصلي الخمسة واصوم الواجب وجمعة وخميس وامشي بصف الحايط وماراضي عني ابوي..واكله زوجني مايقبل يكلي مو كفو عرس..اكله اخذلي سيارة يكلي حتى تلزم الشوارع وتديح كلش..ساعات احس لاكيني يم باب البيت
ابو ادريس ضحك:والله ياريت ادريس ربع منك..يبوك تعبني والله..وشمالك شاب معدل هو بعمرك بس تصرفاته ابد ماتشبهك
نور:وهذا عمي يومية مسويلي عركة وسالفة تعبانة كلي منين اجه معدل..وهااا شوف تلاثة وياه مو واحد حتى عمهم عود اكبر منهم وراح يطك الثلاثين وبعده مراهق ويماشيهم
مشتاق:الله واكبر يابو نواف انه تحطني ويه السرسرية ولدك..انه ادري شأكلت من سويتهم لو خلفة بسم جان طلعت بيها خير...وضرب راس هيثم...
هيثم:عمي راسي اريده ترا وايدك لتكول كربة نخل
( السعفة بالنخلة من تنكص الي يضل منها يسموها كربة)
نور:هااا وشوف حجيه ويكول لا تحطني وياهم وعود عمهم قدوتهم
نواف:غير طالعين سرسرية على عمنه ابو عظلات عود شوفوني شقي..ونافخ روحي..واول امس بالعركة شردت لتكول صرصور اجاه نعال..حشه الكاعدين ههههههه
مشتاق:هاااا نويف تريد تنسحل مشتهي ومستحي تكول كول كول عادي اسحلك بس كول عموتي حبيبي انته
نواف:لا حبيبي انته صرصور راشين عليه فليت وملبسينه زي مال هالك تخيلو شطالع
خالد:هههههه نواف جلده يحكه
مشتاق:اي والله وراح اكوم افرك خشمه اله
فارس:كافي احترمو الكاعدين..شنو مزعطة انتم كل ماحجه واحد تعاركتو
نور:مو اكلكم ماكو فايده بيهم..ولدي واخوي....
كلهم يضحكون على سوالفهم بيبتهم ماتقبل عليهم ودوم تحجي على ولدها تكلهم لتحجون عليهم هو شعدنه غيرهم هذول عيوني المركبة هالثلاثة...(نواف وخالد وهيثم)....
بالمطبخ شهد شبعت ضحك على سوالف ادريس وتعرفت عليه..شكد حباب ويشاقه...وهو يحضر ويه نورسين الكهوة هاي متعودين هي وهو سويه كلشي يسون حتى يطبخون....
وشهد يمهم اطلعلهم اشياء من الكاونتر مرة كهوة وشي شكر ومرة حليب...
ادريس اخذ رغوة الكهوة الي مسويتها نورسين بأصبعه ولطخ خشم شهد وظلت تضحك نورسين عليهم...
نورسين:ادريس عيب همه ماعدهم هيج وشنو تكول كدام نور وتريد تتعرف على بته ماعدهم هيج همه عيب ميقبلون
ادريس:وشنو المشكلة ماكلت راح اسوي علاقة وياها ردت اعرفها لااكثر عجبتني كيوت وحلوة
شهد:عزززااا خل يسمعك نور يمعود اسكت من تشوفه هو كلشي ولا بناته اخذ نويف سوي وصل وباقي ولده بس بناته خط احمر ههههه اتقي الشر احسن واخوي مو مثل شيوخ المانيا..ابنتكم جميلة نريدها..وهمه يكولون..اجل انها لكم بالعافية
نورسين طاحت ضحك على حجي شهد:ولج وين هاي شيوخ المانيا..خل اتخيلهم لحظة
شهد:ههههههههه لابسين كاب وقوط والي لابس كيمونيه وسوارات وكلادة مثل ادريس الحلو
ادريس:نورسين عجبتني شهد عادي اتعرف عليها ههههه
نورسين:نوووو شنو تتعرف عليها هي بت عمك وهي كبالك واحجي وياها كأخت..ادريس كأخت ماعدهم لزمة ايد وماعرف شنو
شهد ضحكت:اكلج نورسين انتي عن شنو قارية عن العراق
نورسين:كلشي حتى عن الحشرات ههههههه
زهراء اجت:شنو راح نشرب هالكهوة لو لا
ادريس:هلا اي سويناها بس خل نعرف اسمج عيني على كولة اخوج
زهراء خجلت منه وطلعت...
ادريس:هاي شبيها ليش ماتقلدني الحلوة
6
شهد:شكلنه توه..دير بالك لا تندك بنور..هي اسمها زهراء..واختها ايناس
ادريس:اقسم بربي هي جميلة بعيونها الكحيلة
نورسين:ياويلي راح يسوي سالفة هالأحمق اعرفه يمشي وره الحلوات مثل النمل على الشكر
شهد:لا شسالفة اشو مسوية ادريس كلش والله كلش حباب ابن عمي انتي شبيج على اخوج..يخبل والله شوفي العيون والشعر خل اشوفلك بت حلال هنا وازوجك
ادريس:ههههههههههه عاد زواج فد نوبه..لا عزيزتي شهوده الزواج مو وقته ماريد اتقيد بشي اسمه زواج
شهد:ليش تكرص بت الحلال ولك
ادريس:اي تكرص هي الحياة شنو بس زواج وماعرف شنو اكو للأنسان احلام وطموح..والبنية من حقها تحقق طموحها بعدها عود تفكر بالزواج وكون تحب وتزوجه على حب مو شخص يختارلج.. انتم عدكم هيج مو صحيح
نورسين:همه ماعدهم دياحة للبنات ادريس..فدوة حبيبي مو اتفقنه نحترم عاداتاهم وهمه اهلنه..عوف هالسوالف يم البنات عيب
شهد:خلي عايش حريته شسالفتج نورسين كل شوي شديتي عليه ماعدهم هيج وماعدهم هيج..بس مو معناها احنه مانحترم حريتكم الشخصية..تصرف على طبيعتك ادريس بس بنات نور لتكرب عليهم
ادريس:اوك بت عمي الحلوة..بس حرامات على دراستج
نورسين:ولك عوف شهد والله يومين يبقه وياج ويخربج ادريس اعرف تأثيره صدكيني
شهد ضحكت:لا مو زعطوطة ويخربني
ادريس:ماعليج بيها خوش رجال اني..بس من قرر ابوي يجي لهنا وهي متشددة عليه لاتسوي هيج ولا تروح منا ومنا ولا تحجي هيج وكول هيج
نورسين:اي اي صدكت البنية خوش ولد انته..تعال زخرف الرغوة انته خل اصبها...وشهد ظلت تضحك...
وسوت نورسين هي وادريس هواي للكل ودته الهم..وشربو والولد كالو نريد بعد منها هالكهوة طيبة...وكلتلهم ادريس جان يشتغل بكافيه وماهر بانواع الكهوة وعلمني...
وكعدو شوي سوالف والولد يضحكون..ونورسين خربوها ضحك هالولد...تأخر الوقت كلمن راح لغرفته والبنات خذن نورسين وراحن للغرفة...
ادريس كال اني راح اكعد بالحديقة احجي ويه صديقي..وكام طلع محد باقي بالصالة غير نور ولده وايناس...والولد على تلفوناتهم...نواف وخالد...وهيثم راح وره ادريس...
نور:ايناس بويه كومي نامي
ايناس:ماشي بابا..تصبح على خير..وراحت باست خده..وراحت...
نور باوع لولده كل واحد بيده تلفونه ومتكين على مخاد:وانتو شوكت تنامون عيونكم راحت من التلفونات
نواف عدل كعدته وعاف التلفون:وهاي سديته
نور:اي صلوات على محمد وآل محمد..يالله راويني عرض كتافك بويه وروح نام الصبح بدولكت ماي يالله تكوم
نواف:مامشتهي انام حاب اسولف وياك يابه
نور:اي وشحاب اسولف غرد يالله
نواف:يابه شفت بت عمك..بت الألمانية وعلي اطك بالكاع واسمها نورسين تدري شنو يابه يعني ضوء القمر..وين تلكه احسن من بت عمك..بربك بنات عمك ذنيج كلهن مطمسات بالصخام مال الجدورة والذبايح ولا يوم شفت وحدة تلمع مثل هاي الHD يابه 3Dهم مو HD اسيح والله اسيح هاي ورقة تجرحها..هاي لو واحد عطس بوجهها تنجرح مشاعرها...فك العقدة يالله
خالد عاف التلفون:هسة انته يابه صدك ليش مافكرت بالزواج طول هالسنين..احنه كلبنه عليك وحيد كاسر خاطرنه
نواف:هو تعود عالجفاف عادي ناسي ههههههه
نور:كول والله تلث مرات كاسر خاطركم..لو تردوني اعوفكم حتى اديحون..كوم اخذ اخوك ونامو وهاي السوالف عوفوها..يالله ماعيد الحجي
خالد:والنبي انريدك تزوج حتى تستقر..مو الا نورسين اي وحدة
نور:مو بايت بالشارع لو دايح مثلكم حتى استقر..زلم مشوربه عندي وبطولي..ومنو شاكيلك الحال بويه صاير عطوف
نواف:كيفك ترا بعدين تتندم واحد من ولد عمي ياخذها وتخسرها..ويجذب..شفتها خويلد شكد تباوع لأبوي خطية حبته
خالد:هاي يمته ليش تجذب ماشفتها باوعت على ابوي..نواف غمزله بمعنى يكله ياحمار اسكت...وسكت خالد...
نواف يباوع لأبوه:بويه ليش ماتزوجها يابه تملخ وعلي وهي بت عمك ماتلكه احسن من ثوبك مدري ركعة ثوبك..المهم يابه وصلت الفكرة
نور باوعله بنظرة خزرة وساكت عنه ليهسة وسبحته بيده ماتفارك ايده...
خالد دفع نويف: لا بويه هاي عايشة بره وزغيرة وراح تركضك ويه خيل الحمزة ماتفيدك اتزوج بت عمك مهره
نواف يقلد المصريين ويسوي صوته مال نسوان: اي حتى فترة وتكلك طلئني طلئني انا مش عيزاك عيزه حنان وحليمة وجنان
نور طردهم ويكلهم كومو كلمن لفراشه لا انه اركضكم ويه خيل الحمزة....
ويكول اول مرة اشوف ولد يردون يزوجون ابوهم...
وماراحو من يمه لمن كام على حيله وهمه فلتو بره يم ادريس..وكعدو يمه شوي ودخلو يباتون بالديوان ونور بغرفته...والعم ابو ادريس حطو بغرفة الولد....
وبغرفة فارس وبدور..لجين توها نايمة هواي سهرت ويه البنات وكل شوي ابوها يكلها نامي بابا تكله ماريد اريد يم عمه شهد...
فارس داير وجهه عنها وحاضن اللحاف..وهي نايمة بصفه وكاعدة تنتظره بس يلتفت عليها...وهسة يجي بس يحضنها....
بس اجتها صفعة على وجهها ونزلت على كلبها وجعته...ابتسمت بحزن للفراغ بظهره...
بدور:فارس
فارس بدون مايلتفت:نعم شعندج
بدور:لو مرة جاوبني عدل شبيك انه مرتك مو عدوتك
فارس:راح تبدين اسطوانتج..وكام وخذه مخدته ويريد يطلع كامت لزمته قبل لا يطلع....
بدور بقهر:فارس شبيك عليه ماراح احجي شي يضوجك والله..بس ردت اكلك احتاج جم شغلة ضرورية لبتك واليه واريد اروح ويه امي السوك
فارس:وانه مانعج عود..هذاك الدرب روحي وين ماتردين
بدور:لاء بس غير اكلك خوما اروح وبعدين تصيح عليه
فارس واكف ولازم الباب:بدور اكو حجي بكلبج اليوم ممطلعته طلعي من كلبج يصير بيج جلطة اذا ماتحجين
بدور عصبت:آهووو فارس انته شكد نكدي
مساء الورد بنوتات
لو تدرون شكد تعبت بهاي القصة ما استاهل منكم لايك واشتراك 😑ترا ماكو اسهل منها شجعوني حتى انزللكم قصص تجنن محضرتها الكم 😍😘
ياعمري تستاهلين كل الخير
قصة كلش حلوة بقناتي مثبتة باول تعلق من البارات الاول
والله راح اخلي كل صديقاتي يشتركون بقناتج بس كملي القصه واتمنى ربي يوقج بكل حياتج 😘❤
تسلمين حبي مبينه القصه تجنن واكثر شي حبيته لان انا تميميه 🤗❤️✨
حبيبتي وين تكملة القصة فدوة كمليهة
اول مره هجي اطول بلقصه وماريدها تخلص كلش تعلقت بابطالها يجنون وبلاخص نواف ومشتاق اجمل ثنائي
عاشت ايدج حبي القصه كلش حلوه اكثر قصه حبيتها
مرحباااا متابعيني الاحبة نزلت يوميات جديدة من القصة روحوا شوفوها ruclips.net/video/jYZNpjFfbiE/видео.html
وين جزء ثاني
❤
استمري يا متالقه كل قصه احلى من الي قبله .ربي يوفقج ويعطيك الصحه والعافيه والقوة لكتابة المزيد .شكرا ياوردة
القصه حلوه واحداثه متسلسله بشكل مرتب عاشت الايادي ومشكوره على التعب وبالتوفيق
مو قصه ضيم جداً رائعه وربي يحفضهم ويكتبلهم حياه حلوه لحياه ماتخلا من لمشاكل بس نجاوزه بالحب
واحلى شي بالقصه نواف ومشتاق يجننون
ونور ونورسين طيور الحب يخبلون
على كد مالقصه حلو بس شبعت قهر وبجي على زهراء 😪
روووووعه عاشت ايدج حبيت شخصية نور كلش
الله اشكد حلوة القصه عاش ذوقج وابداعج
احسنتي أنشر حبيبتي ولله احل قصة أقرها بحياتي 👏👍
والله. روايه اتجنن
وانه حبيتهه كلش
وبالاخص نواف
ومشتاق ايفجرون
ضحك •اللّـہ̣̥ يسعدهم
عاشت ايدج على القصة واخيرآ خلصت بجيت هواي وضحكت هواي 😢😅😘
اتجنن القصه ماشاء الله ...الله يحفظهم ويبعد عنهم كل سوء بحق محمد وآل محمد.....وفقكم الله ...🙏🏻🌹
آحلئ مـآ بآلقصهہ شـخصـيهہ نوآف يمـهہ مـتت. شـبعت ضـحگ. وللهہ عآشـت آيدج. مـبدعهہ. ترة گمـلت آني آلقصـهہ ع مـود نوآف بسـ 😂
يمة فدوة الكلبج علـّۓ. هل القصة تضحك ومتتعة 🥰😘😘
عاشت ايدج حبيبتي القصه كلش حلوه
أجمل ما في القصة نواف وشقاه قصة حلوه كلششششش
القصه روعه عاشت ايدج..... وخصوصا شخصيه نواف... بتجنن♥♥♥♥🌹🌹🌹
حبي قصصج كولش حلوة عاشت ايدج عفية نزلينة قصة الشيخ صخر والله صار فترة منتظرتهة
حياتي منتضرتها تخلصها الكاتبه يلا انزلها حتى مينوكل كلبي مثل قصة ضحية لمن لا يرحم نزلتها وابتليت 😑
@@roqaia333 قصه حقيقه هاي؟ وهمات قصه ضحيه لا يرحم هماتين حقيقه؟
احلئ قصة واحله أبطال القصة ❤️❤️❤️❤️واجمل بطلات قصة حلووه مشكوره على القصه
قناتج ابداع والقصه روعه
تجنن عاشت ايدج يا ورده
طبعا هاي القصة ما اعرف شلون اوصفها تموت اتجنن روعه تجذب
من اجمل القصص الي قريتهن والابطال اوفففف الابطال عشقتهم يجننو وخصوصا شخصيه نواف يجنن ما ينوصف وشخصيه نور ونورسين
وكل ابطال القصه يجنننو واتمنى من الله انو التقي بيهم ما اعرف هاذي القصه صارت ادمان وما اعرف شنو اعبر بعد واتمنى تنزلين شبيهين الابطال ويومياتهم حاليا ارجوج تواصلي وياهم نريد انشوف اخبارهم ✨❤️
يجنن عاشت ايدج بجيت وضحكت وصالي 3ايام وخلصتهة بس نواف خطيه مصار عندة بيبي؛🌚💗
من اجمل ما قرأت عيني 🥺 شكد ضحكت و شكد حزنت ويه هل قصه و قريتهة و عشت وياهة بحلوتهم و مرتهم وربي مبدعه استمري ياعمري احلا قناة
هي زهراء شلون ماتت ؟
عاشه ايدج كلبي القصه تجنن تعبناج
عاشت يدج قصه حزينه ومضحكه
رووووعة القصة
كلش حبيت اختيارج للقصص وحدة احلى من الثانية
كلش حلو قصة
قصه كلش حلوه واول قصه هيج أطول بيه حزينه وبنفس الوقت بيه سولف ضحك وأكثر شخصيه حبيته بلقصه نواف يخبش بسولفه ♥️💐
بالتوفيق عمري ✔️😘
القصه تجنن ورائعه كلش واكثرقصه ضحكت بيها مواقف كلش مضحكه 😅،،مبدعه وردة استمري 🥰🥰
قصه تخبل حلوه جننن عاشت ايدج حلوه
القصه تخبل كلش روعه متت ضحك ع سوالفهم وبجيت ع مشاكلهم بس كلش حلوه تضحك
عاشت الايادي على المجهود الرائع
اتموت ابدي اتكون مسلسل عاشت الايادي وخفت نواف ومشتاق جانت امحليه القصه
قصة أكثر من راااائعة
فدوة الكلبج علة هيج قصة يابة شبعت ضحك علة نويف والقهرني لانو زهرا ناتت والة نويف يابة اتمنئ عدنة ولد هيج مثلهم ايضحكونة
ولج انه ولد عمي اخس من نويف يموتون ضحك وبذات ابن عمي الجبير يموت ضحك 😂
الهم صلي علي محمد وال محمد
يسلمو اديكي قصه كتير حلوه ❤❤❤❤ابدعتي
❤❤❤🦋
قصصج تخبل مبدعه استمري
الله يخليج سويهن مقاطع ليش منزلتها بالتعليقات
مادنكدر نوصل بسهولة للبارت الي نريده والقصة تجنن وكلسة نعيدها خاصة بيها كم بارت نظل نعيده وبصعوبة نوصله
فعلا احلى قصه كلش حبيتها
فدوه لعمركم وللقصص لي تنشروها
عاشت ايدج تخبلللل استمري 💜💜
ممكن الجزء الثاني بليز ♥️❤️💋
صلوا على النبي صلى الله عليه وسلم استغفر الله العظيم واتوب اليه 📿📿
صلوا على النبي صلى الله عليه وسلم استغفر الله العظيم واتوب اليه 🤍
صلوا على النبي صلى الله عليه وسلم استغفر الله العظيم واتوب اليه 📿
القصة روعة
روعاتك استمري❤️
جننننننن استمري يا عسل
كلش حلوة القصة بس البارت ٢٧ كلش محزن🥺
عفيه نريد جزء ثاني وكون طويليه
شيخ نور ما قبل يسوون جزء ثاني
بس احتمال انزل يوميات الهم
@@roqaia333 ليش كليله المتابعين طلبو وبكثر اي نزلي يوميات وايناس شنو صار عليها وين وصلت هيه وهيثم اهم شي نواف ومشتاق خالد وزوجته وين صارو جدهم الشيخ علي شنو صار عليه نواف وشهد بعدهم يتناكرون هم صارة خلافات بينهم او ماشيه عدل وادريس مارجع للعراق نورسين ماصار عدها ارجو ان اعرف اسمائهم الحقيقيه حته لو خاص صباح بعدها شاقي نواف بعدة يتحارش بابو ارجو تنزلين عنهم حته لو يوميات ونزلي جزء ثاني عفيه ماعليج بي هسه هوة قبل تنزل ليله عرسه مايقبل باالجزء الثاني ههههه
القصه حلوه بس كولش طويله لو امسويتها جزئين
السلام عليكم والله كلش نقهرت على موت زهراء واحلى شخص بالقصه نواف كلش ضحكتي واتمنى التقي بيهم
قصة كلش،حلوة بقناتي مثبتة باول تعليق من البارات الاول
تعرفين شنو اسمائهم بالفيس
@@الهمصليعلىمحمدوالمحمداسماعيل شنو ؟
القصه تخبل
بالتوفيق🌷🌷🌷
يارب
ما أروع فيديوهاتج استمري حبي ❤️
صاحبة السعادة اسم حسابج حلو واكو مقولة تقول اذا شي تكتبه يصير العقل الباطن يستجيب ويبدأ ينفذ باذن الله فدوما كتبت اشياء إيجابية متفائلة ع اسم الحساب اوقفي مثلا تخصصون دفتر وتريدون صفة الهدوء أو الإخلاق أو الادب أو المال الجمال مثلا اني حلوة اني واثقة بنفسي اني ذكيةةاني غنية دوما وتگىون گبال المرايا ترددون كل يوم الصبح اول متگدعون والدليل الديني بسم اللهالرحمن الرحيم تفائلو بالخير تجدوه صدق الله العظيم الدليل العلمي ابحثو باليوتيوب عن العقل الباطن وكيف نتحكم به ونصبح سعداء باذن الله
@@hhhhhoppp6655 ♥♥
فدوه تخبل القصه
كلش حلوه😍😍😍
اتخبل كلش حلوة يا🌹🌹🌹انت
ياريت تنكتب احسن واحلى شكرا ع الجهود💐💐💐❤️
القصة تجنن بس البداية احلا لان زهراء جانت عايشة وحياتهم كلش حلوة مو مثل النهاية وكلش انقهرت ع زهراء واتمنى تتواصلين وياهم وتخبرينة عن حالهم هسة ارجوج لان كلش حابه اعرف اصار وياهم وهاي احلا قصة اقراهة بحياتي وحرجع اقراهة مرة ثانة
هلوووووا حبيبتي انتي ❤عاشت ايدج حبيبتي على القصه كلش حلو استمري وروعه وربي يوفقج انشاء الله حبيبتي 👍🌺🌺🌺🌺🌺🌺
يروحي تسلميلي يا احلى زوزاية 😍😘😘
والج بالمثل حياتي 🤩
@@roqaia333 أروحلج سبع فدوات الله يوفقج وصلت بلقصه لحد لمن نورسين طلعت من الحمام واتريد تشسور شعرها فدوه تكلمه القصه الله يخلج😘😘😘😘😘😘😘😘😘😘❤
امبينه كلش حلوة 🤩
روعه
بلا زحمة انطيني قلب حتى تنفتح القصة
كلش حلو
احلى لايك
كملي القصة جاي هواي تتأخرين بالتنزيل حبيبتي كملي باقي البارتات
والله القصه تجنن واحلى واحد بيهم هو نواف فدوه تخبل سوالفه
ي والله
تجنن عاشت ايدج حبي استمري 🌹
القصة تجنن عاشت ايد الكاتبة كلش حلوة😍
والله طول القصه واني ميته ضحك على نواف ومشتاق والله قضيت وقت ممتع بهاي القصه بس صراحه هذا الشيخ الو عندي اله اعلكه بلبنكه
حححححلو
استمري گبد 💋💋مبدعه وربي 💛
ولله انقهرت وبجيت ع زهراء خطية ما شافت شي من حياته واتمنى تتواصلين وياهم حته نعرف اخبارهم ارجوج خصة ادريس خطية ماعاش حياته وي زهراء سعيد حابه اعرف اخباره هسة ارجوج خبرينة عن حالهم هسة ارجوج حابه. اعرف اخبارهم كلهم 😢🙏 احبج استمري ياوردة بس نريد نعرف اخبارهم
الله يرحم زهراء متوقعت موتها بجيت عليها ودريس الله يعوضة ونواف نكهت القصة
تخبل هاي الروايه تركت حتى عملي وعشت كل لحظه بيها
احلى ما بقصه نواف
تخبل القصه لو يسووهه مسلسل 👍🏻👍🏻
كلش حلوة القصة عاشت ايد الكاتبة😍
هواي حلوه
لا ولله ماردته تخلص كلش حبيته
حلوووووو
كملييي
كاملة القصة 🌹
نطالب في التكملة
كل رواياتج حلوووة ❤❤❤❤
والله القصه كلش حلوه مثلج استمري يا ورده
رحمة لواليكم لمتة حدثت هاي القصة بأي سنة
هذه القصة بال 2014 يعني هسه عمر الابطال الشيخ نور 49 سنه ونورسين 31 سنه
استمري 👍🌹
السلام عليكم كاتبتنا ممكن تنزلين البارت 3و4
التكملة بالتعليق المثبت
حلوووو
استغفر الله العظيم واتوب إليه
سلام عليكم عفية تكملة القصة مال نور التميمي فدوة فدوة
حلوو.
بوجودج حبيبتي ❤️
@@roqaia333 هلو القصه حقيقيه
كملي القصه
التكملة بالتعليق المثبت
قصة احفاد الشيخ هاشم 😘😭🤲🏼فهد ولينا
اي صحيح تشبها
عاشت ايدج القصه كلش حلوه وبيه معنى وعبره
واكثر شخص انظلم بلقصه هيه زهراء وتعلمنه من عده انو موبسرعه احد لازم يثق بلانسان نورسين جانت كلش صبوره رغم شك نور اله
نواف اه هو ومشتاق محلين القصه هواي ضحكوني وشهد عسل وربي
وكل حبابين ومننسه انو شمهما اغترب الشخص حيبقه قلبه على وطنه واهله ومينسى عادته وتقاليده مثل ابو نورسين
اني هذه اعتبره احلى قصه جنت احس نفسي عايشه وياهم وبكل الاحداث ارسمه بمخيلتي
اسفه طولت😅😂
اوف كملي فدوه ونبي مداصبر
نواف وصباح ومشتاق همه الوحيدين اللي سولي واهس علمود اكمل القصه لان اني من النوع. اللي كره القصص الطويله
القصه حزينه لو سعيده؟؟
حزينه وسعيده بنفس الوقت بس لمن تموت بنتهم زهراء حسيتها. حزينه. صارت وحتئ لمن يشاقون. متحس بطعم الضحك لان همه كلش مضحكين. بس هاي نضرتي. لقصه
@@lujainali8045 يعني زهراء تموت الي إدريس اعتقد حبها لين استوني بديت أقره بيها
اي تموت. لان راح تعرض لحادث
@@lujainali8045 😔💔