Bosniyada musulmonlar genotsidi xotirlanmoqda

29 yil avval serb armiyasi va politsiyasi tomonidan 8 mingdan ziyod Bosniya musulmonlari qatl qilingan edi. 11-iyul kuni Srebrenitsada o'tgan xotira marosimida minglab odam qatnashdi. Qatliomning 6600 dan ziyod qurbonlari dafn etilgan qabristonga boshqa mozorlardan yana 13 erkak va bir o'smirning qabri ko'chirildi.
1995-yilning iyul oyi o’rtalarida serblar Bosniya va Gersegovinada BMT joriy etgan “xavfsiz hudud”ga bostirib kirgan. 8 mingdan ziyod Bosniya musulmonlari qirib tashlangan ana shu mudhish voqea Yevropada Ikkinchi Jahon urushidan keyin amalga oshirilgan yagona genotsid jinoyati sifatida tarixga kirgan.
Fojia Bosniya va Gersegovina sharqida yashaydigan musulmon aholiga uch yildan ziyod vaqt mobaynida millatchi serblar tomonidan qo’llangan zulmning kuchayishi bilan boshlangan. Minglab musulmonlar to’qnashuv qurboni bo’lgan, xonadonlar va xo’jaliklar vayronaga aylangan.

[@sarvarajurayeva8689]

Unstin Cherchil aytganidek Neftdan musulmonlarni qoni arzonroq degan edi