أهم البيانات الموجودة في تقرير التربة !؟

أهم البيانات الموجودة في تقرير التربة !؟
تخيل إن كل ده عباره عن بيانات لتقرير تربة عملناه في مشروع فيلا الشرقية
وتعالى اقولك على أهم البيانات اللى ممكن تفيدك فى كل الورق ده .. والخلاصة
وخد اللى يفيدك و سيب الباقي ...
أول حاجه وأهم حاجه نوع التربة اللى اتعمل فيها الجسات ..
إذا كانت رملية ولا صخرية ولا طفلية
عشان ده هيفرق معاك فى المعدة اللى اللى هتحفر بيها .. وتفرق كمان معاك فى التكاليف
وتقدر تعرف قدرة تحمل وزن التربة .. وتشيل قد إيه من وزن المنشأ
وبيسموها الـ bearing capacity
وطبيعي شكل الأساسات أو الهيكل الخرساني بيتغير حسب الـ bearing capacity بتاع كل تربة
فلو إفترضنا ان شغال فى كمبوند سكني فيه 1000 عمارة .. وكل عمارة هتتبني على تربة bearing capacity بتاعها مختلف
فطبيعي شكل الأساسات و القواعد والسملات مش هيبقى واحدة
حتي ولو نفس النموذج بنفس الإرتفاع بنفس الشكل بالظبط
وكل م قدرة تحمل التربة قل أوي كل وزن الأساسات وشكلها كبر أوي
وساعتها هتقرر تعمل لبشة بكامل المسطح ولا تعمل قواعد منفصلة
واللبشة بتاعتك أو القواعد المنفصلة على خوازيق ولا لا
فهنا عرفت شكل الأساسات عامل إزاي و كمان التقرير قاللى منسوب التأسيس بتاع عمق الحفر المفروض يكون على بعد قدي ايه
وبناءا عليه يبدأ المصمم الإنشائي يبدأ يصمم أحجام و كميات الخرسانه وكمان أحجام و كميات حديد التسليح
كمان بعرف من التقرير شكل سند جوانب الحفر .. ولكل مشروع ليه طريقة مختلفة فى سند جوانب الحفر عشان التربة بتاعتي متهيلش بالذات لو عندي جار ممكن اضره جامد والمبني يتعرض للإنهيار ويظهر فيه شروخ بسبب انني محافظتش على التربة اللى موجودة تحت الاساسات بتاعته
كمان بقدر احدد من التقرير فيه مياه جوفيه ولالا .. وعلى بعد قد ايه .. وكمان طريقة نزحها و التخلص منها
وهنتكلم عن كل ده بالتفصيل فى الفيديوهات اللى جاية
سواء الطرق المختلفة لسند جوانب الحفر أو الطرق المختلفة لنزح المياه الجوفية
ومتنساش ان التقرير حتي بيقولك هتعمل إحلال للتربة بتاعتك ولالا .. وبردة هنتكلم عنه بالتفصيل وطرقة المختلفة
انا محمود مختار وده كان فيديو انهاردة ......... سلاااااااااااام #محمود_مختار #Mahmoud_Mokhtar