(أخو ملفي) جديد فهد بن فصلا وفالح بن فصلا كلمات الشاعر حامد بن سمحه

*اخو ملفي 🔥 جديد وحصري *
كلمات الشاعر ✍🏻 :
حامد بن سمحه
اداء 🎤 :
فهد بن فصلا - فالح بن فصلا
إشراف :
سلطان بن سمحه
تصميم 🎬 :
شبل زهير للمونتاج
👇🏻🔥
• اخو ملفي | بطمر مع ربع...
عن اذنكم يالحاضرين السامعين ابغى مجال
دقيقتين لحالها من غير لعب وشوشره
ابنسمع الشله وطاروق الحقيقه والخيال
ثم عقبها بنرج الارض بعنفوان وبختره
مسرع وانا اطلب قمتم اتهوزون ياعيال الحلال
وفي الصوب الاخر صار لشيبان شبه وادهره
اناادري ان صوت بن فصلايوم تسمعه الرجال
اجلودهم تزرب عليهم من حماسه وانعره
من يسمعه لو انه اثقل من شماريخ الجبال
قام يتفلت من طرب لوهو بوسط المقبره
ما عاد فيها فايده انا اطلب الشي المحال
دكوا مداغيش الرجال الارض دك مجنزره
انا وانا اخو ملفي ابن مفرح الا اخو العيال
اللي بفضل الله ماهم خمسه ولاهم بعشره
قبيلة تعدادها اكثر من جماهير الهلال
اللي يهوز ببندقه واللي يهوز بخنجره
وانا معاد اقدر وباحذف العمامه والعقال
وسعيد لويزهم علي والله فلاجبت اخبره
باطمر مع ربعي عيال العود ذربين الفعال
صحيح اناالمعرس لكن شوشت وارجوالمعذره
ولانسيت من الضيوف ادرج ياصباب الدلال
وياسايق الطيب احذف الكمبود فوق المبخره
قبل ٤٠٠ صحن حشوان مباريك ورخال
في اللي عراويها اتسيل انا احمد الله واشكره
باسم ال زبنه مدهل الضيفان سمحين القبايل
ستر العفاف اولاد طالع والفعول مسطره
واسم ال حيان اجمعين اكرم كريمين السبال
وال سري قوم بصدر المدح ماهم بظهره
لك الثناوالشكر يارب وعليك الاتكال
لولاك ما نقدر نقدم ما يزن وزن اشعره
اكرمتنا واغنيتنا يا رب عن ذل السوال
ورفعت بعض فوق بعض ما تراه وتبصره
وعطيتنا قدره نبث المال دقه والجلال
لا جت مواجيبه نثرناه ولعنا كوثره
لونملك المال اجمعه باَوند وجنيه وريال
بنقسمه في الميمنه ونقسمه في الميسره
وانا طلاق انه يجيني مايسمى بالهبال
الياسمعت افزع يابن سمحه فقدت السيطره
من لا يجود ويفزع ويرفى خمل ويسد حال
لا تحزنه لو فلس ودار الزمان وفقره
اذكر معي شطر قديم ولا يزال ولا يزال
(المال في يد الردي كالسيف في يد المره)