8 yoshdan 18 yoshgacha bo‘lgan shaxmatchilarimiz.

8 yoshdan 18 yoshgacha bo‘lgan shaxmatchilar o‘rtasida oʻtkazilgan G‘arbiy Osiyo chempionatida yurtimiz sharafini munosib himoya qilib, 3 ta oltin medalni qoʻlga kiritgan Umida Omonova, Afruza Hamdamova, Abdumajid Botiraliyevlarning har biri 31 million soʻmdan, 3 ta kumush medal jamgʻargan Muhiddin Madaminov 22 million va yana 7 ta yosh sportchimiz 4 milliondan 15 million soʻmgacha boʻlgan pul mukofotlari bilan ragʻbatlantirildi.
Endi navbat Butunjahon shahmat olimpiadasiga! 28-iyul - 8-avgust kunlari Hindistonning Chennay shahrida bo‘lib o‘tadigan ushbu nufuzli olimpiadaga ham shaxmatchi yigit-qizlarimiz astoydil tayyorgarlik koʻrishmoqda.
Mazkur olimpiada tadbirlari doirasida FIDE Bosh assambleyasining yig‘ilishi bo‘lib o‘tishi ham rejalashtirilgan. Bunda O‘zbekiston ham Butunjahon shaxmat olimpiadasini o‘tkazish imkoniyatini qo‘lga kiritish bo‘yicha ishtirok etadi.
Sizlarning qo‘llab-quvvatlovingiz bilan, avvalo, olimpiadada eng zo‘r natijalarni qayd etishga va 2026-yildagi Butunjahon shaxmat olimpiadasiga yurtimiz mezbonlik qilish huquqini qo‘lga kiritishiga harakat qilamiz!