بيارق المطران | كلمات : بدري الشيب | اداء : خالد ال بريك | 2019
HTML-код
- Опубликовано: 9 окт 2024
- 🔴 تنبيه لاصحاب القنوات جميع الاعمال حصرية ونسخ أو تحميل المحتوى وانتهاك الحقوق يعرض حسابك و قناتك للإغلاق
لايك للفيديو + إشتراك معنا
Subscribe + like
فعل الجرس 🛎
ليصلك كل جديد ✔️
..
للتواصل وطلب التصميم :
WhatsApp :
0533506305
قناة فهد المطيري ©️
كلمات الشيلة :
عقب الصباح اللي دوا كل مهموم
جلاّب رزق العبد واخير يومه
الشمس قفّت كنها اقفاي مهزوم
والليل الاسمر داهمتني نجومه
والله ماكني خاسر من السنه يوم
كني من اطيب جيل خاسر قرومه
في خاطري سجه وفي صدري علوم
وفي عيني من الناس طيحه وقومه
ياسعود قرّب جاي يامبعد الحوم
فزعاتي اعن الكفو ماهي معدومه
مانيب سيفً فالمواجيب مثلوم
راسً على الواجب يشّمر كمومه
و ان عودت للشعر ومصادم القوم
همك على ضلعً عسى يدومه
عزمتني وانا من القدر معزوم
وقصيدتي على المقام معزومه
كنك مبشرني بفتحً على الروم
كملي وانا ادور مديح القحومه
بّشر حفيد حمود بمطيّرة نوم
بختمنا بين القصيد مختومه
للرفقه وللقدر وماهيب للسوم
عربونها فعلً تناقل علومه
اعن الصدود يردنا دين وسلوم
ولا ردنا دون الرفيق الحكومه
في كرنفالً رَحب راعيه معموم
رحبنّا خالد على درب قومه
بـ اسمه واسم عودً مقدر ومحشوم
فعل الجمايل عادةً من سلومه
يرحبون بخطرً وسعها دوم
ونفوسهم على العزايم عزومه
ذكر القحم ماهو من النعم محرومه
يوم الاوادم معطيه ومحرومه
له فزعةً تبدا سعاطير وعزوم
وله سمعةً على ونعم مختومه
مع ذكرها نفحة خزاما ويشموم
وفعولً من الماضيات مغنومه
يوم الجزيره ماش حاكم ومحكوم
حتى عقول الخلق ماهي محكومه
وبيارق المطران في ضلوع ورجوم
مافوقها الا اللي تدانا غيومه
ادنى حواف رماحنا راس مسموم
من حذفته كبد القبيل مخرومه
مانقبل الا بـ املحً يردع القوم
ولانقفي الا بالشناح الردومه
ولانجبر الا خاطرً مملي هموم
ولانكسر الا فارسً فيه زومه
فعل القبايل كوم وافعالنا كوم
لنا على حومات الاحرار حومه
تطرخ بيارقنا على كل مزموم
من دانية سلوى لـ قاصي تنومه
تبنى الدول فالارض وتطيح وتقوم
وحنا كما كنا المتون الدحومه
في قمةً ماوصلها كل زيزوم
مافوقها الا ربع وابناء عمومه
