بالنسبة لواحد زيه اتوفّى اتناشر مرة بأساليب مختلفة واترمى ف الأوضه لحد ما ضاقت أوضته عليه بقى صعب يواجه أي مشاكل من نوعية امتى وليه بقى كل مشاكله تخص المزيكا مواعيد السينما وطعم الشاي ، درجات الطقس ونوع الأكل وتمن الوحده والبُعد لاخر بُعد متاح انما موضوع تتعب علشان ترتاح مابقاش له معنى مع الصدمات فلسفة فارغة وكإنه حوار بين واحد وصديقه اللي ماجاش مسألة الموت أملاً ف حاجات تتعاش بتخلي الواحد يضحك على نفسه بيقول : " يومياً باطلب قهوة زيادة عشان البنت اللي انا ماعرفش مكانها بافتكر الفايت وبافكّر كان مين ساب مين " يتأمل ناس بقوا بني أزمات مش بني ادمين يتذكّر نصه اللي اتسحّب منه وازاي بقا واحد بيعيط بس ف مكانين ويقول بحنان معجون بحنين : " واحشاني حبيبتي ومش هانكر ، وواحشني كلامي معاها بجد ، بقى مرعب انك تتعلق وتعلق مفاتيحك مع حد ، تتمشى مكان ما انتوا مشيتوا ، تتذكّر ساعة مابكيتوا ، وتخش السينما وتنسى فتحجز تذكرتين ، الكون بقا شيء مضروب ف اتنين " يتنهد ويبصلى فجأة ويكمل بهدوء شخص حزين : " للدرجة اللي تخليك وانت بتشرب سكر معلقة واحدة اول هي ماتيجي ف خاطرك تتناسى وتشرب معلقتين ! " كان طقس بيشبه هبه طوجي ف تراك " لابداية ولانهاية " والدنيا فلاش باك التفاصيل نسيت سجايرها ف يوم عنده وهو مبطّل من ست سنين لو كان ممكن بايديه مثلاً انه يبطلها مع التدخين كان ممكن جداً يتحسن بس الادمان درجات ياما أعلاهم إدمان الغايبين بيقول والخمره ف ايده بتطوّح : بقى فين أيامنا وليالينا حكاوينا وشوقنا وغناوينا كان لينا ايدين بتشبّك قدام الأيام بقت الأيام بتشبّك بُعد ف ايادينا ويحط الكاس على طرف البار ويزيح بايديه كل الموجود " ادي اللي كسبته معاك ياحليم ، مفقودٌ مفقودٌ مفقود " بعدها بينام زي ماهو ودموعه تسيل منه لجوه فتغرّق روحه عياط مدفون مش كل جراح شرطها ف جروح ولا كل البكا تلزمله عيون شُفت يا صاحبي الورد اللي انت مشيت تلاتين كيلو علشان تعرف تتأسف بيه امبارح شُفته ف مدخل بيت قاعد خايف اترمي بايدين ناعمه وبارده الورد اللي انت فضلت تكوّن فيه وردة بوردة اتوفى الصبح من الإهمال شُفت ياصاحبي وفضلت احرّك فيه علشان يتهز ويرجع لحياته انما كان قرر يتحول مزيكا ماتسمعش نصايح الحب ازاي كله فضايح وازاي الجاي أصبح رايح نفس الشخصين بقوا أي اتنين غير نفس اللي زمان اتقابلوا هي ف آخر العالم يمكن يمكن دلوقتي بتتعرف على شخص جديد ف مكان بيقل رومانسيه عن أول مطرح يجمعهم يمكن بتحط ف ماكياجها علشان سهره او نايمه ومش حاسه بحاجه يمكن ناسية ومش محتاجه بحد يفكرها بعهد قديم او يمكن زيه ف طرف البار بتعيط على حس حليم ادخل بيته ابيض واسود من بيت ألوان أيام هي ماكانت ساكناه كان بيها بيقعد مع نفسه كان زي لوحده وهي معاه يادي المعاناه الكل اتورط كده وياه البيت اللبس الطفايه ، الشجر الميت ف المأساه الأكل هدومه القصافه ، الفازة البارفان اللي معاه بقا كل جماد له روح وحياه الليلة لقيته بيتمشى ف شارع كان ليهم فيه قصه لحيته أطول من خوفي عليه كان ماشي بيتطوح وايديه فيها سجاره بعد مابطلها لست سنين دخل المطعم قلقوا القاعدين قاله الجرسون : كل ده محجوز وقبل ماتنزل منه دموعه مال على رجليه وبرق للنور بقا ميّت بعد ماكان مكسور ادي الفنان وادي الجمهور ادي اللي ماجاش ف خيالها اهو كان قتلت انسان كسرته بالبُعد وبالخذلان واتكاترت على نفسه همومه ماقدرش يكمل بقا يومه ريّح وارتاح ادي المايسترو بيموت ف مكان فيه مزيكته والناس سمعاها ومش سامعاه فيه يوم هتخشوا عليا البيت تلاقوني مشيت من غير اسباب ولا شرح عبيط قالي وانا نسيت واديني باقول احترموا المتعوّر من دول حاوطوا المهموم قبل فراقه ان كان ساكت يبقى لأسباب اوعوا تشيلوا ايديكم م الباب املوا حياته بحب وأحباب قبل ما يدبل قدام عينكم وان شوفتوا حبيبته ف يوم بينكم خلوها تكون عارفه مقامه وانها عدت من قدامه وخلته مقتول بغياب أعمى ملعونه ايدين مجرمة ناعمه مادتش الفرصه لحد يعيش مع انه اتوفى قصاد منها اتناشر مرة واترمى ف الأوضه لحد ماضاقت روحه عليه. #المايسترو
كل واحد فينا معلق ب جزء معين من القصيده معجب بيه ..مش متفقين ع جزء معين (كل واحد مننا لامسه جزء معين من القصيده وده ان دل ع شىء دل ع ان درويش بيلمسنا من جونا وعايش معانا)
فى حد كان بيقولى زمان بلاش تفكرى كتير وساعات كنت بحس ان دماغه هى اللى بتتعبه من تفكيرى للأسف صدقت ما كنت اعتقده خيال فهمت متأخر بس للأسف فهمت ويارتنى ما فهمت وكمان فهمت يعنى إيه المنح احيانا بالمنع مش بالمنح طالما هنكشف ورقنا لبعض خاف من اللى فهم
يااااادي المعانااااة ...وجع ما سمعتوش قبل كدا 😢 شفت يا صاحبي شفت ؟!! الورد اللي أنت مشيت ٣٠ كيلو علشان تعرف تتأسف به ، امبارح شفته في مدخل بيت قاعد خايف اترمي بايدين ناعمة وباردة 😔😔😔😔😔
أفضل أداء مؤثر للدرويش على الإطلاق رغم مرور السنوات ، قصيدة ملحمية حزينة 😔💔😔💔🎯
دى حقيقة افضل حفلاته واداء واحساس صادق وعظيم فى الحفله دى
@@walidelaraby8387 فعلا فعلا شيء فخم إلي الآن لم يتكرر 🎯❤
وقبل ماتنزل منه دموعه مال ع رجليه وبرق للنور بقي ميت بعد ما كان مكسور آدي الفنان و آدي الجمهور💔
اكبر درجات الادمان ادمان الغيبين وعجبي يعمرو
بالنسبة لواحد زيه اتوفّى اتناشر مرة بأساليب مختلفة
واترمى ف الأوضه لحد ما ضاقت أوضته عليه
بقى صعب يواجه أي مشاكل من نوعية امتى وليه
بقى كل مشاكله تخص المزيكا
مواعيد السينما وطعم الشاي ، درجات الطقس ونوع الأكل وتمن الوحده
والبُعد لاخر بُعد متاح
انما موضوع تتعب علشان ترتاح
مابقاش له معنى مع الصدمات
فلسفة فارغة
وكإنه حوار بين واحد وصديقه اللي ماجاش
مسألة الموت أملاً ف حاجات تتعاش بتخلي الواحد يضحك على نفسه
بيقول :
" يومياً باطلب قهوة زيادة عشان البنت اللي انا ماعرفش مكانها
بافتكر الفايت وبافكّر كان مين ساب مين "
يتأمل ناس بقوا بني أزمات مش بني ادمين
يتذكّر نصه اللي اتسحّب منه
وازاي بقا واحد بيعيط بس ف مكانين
ويقول بحنان معجون بحنين :
" واحشاني حبيبتي ومش هانكر ، وواحشني كلامي معاها بجد ، بقى مرعب انك تتعلق وتعلق مفاتيحك مع حد ، تتمشى مكان ما انتوا مشيتوا ، تتذكّر ساعة مابكيتوا ، وتخش السينما وتنسى فتحجز تذكرتين ، الكون بقا شيء مضروب ف اتنين "
يتنهد ويبصلى فجأة ويكمل بهدوء شخص حزين :
" للدرجة اللي تخليك وانت بتشرب سكر معلقة واحدة
اول هي ماتيجي ف خاطرك تتناسى وتشرب معلقتين ! "
كان طقس بيشبه هبه طوجي ف تراك " لابداية ولانهاية "
والدنيا فلاش باك التفاصيل
نسيت سجايرها ف يوم عنده وهو مبطّل من ست سنين
لو كان ممكن بايديه مثلاً انه يبطلها مع التدخين
كان ممكن جداً يتحسن
بس الادمان درجات ياما
أعلاهم إدمان الغايبين
بيقول والخمره ف ايده بتطوّح :
بقى فين أيامنا وليالينا
حكاوينا وشوقنا وغناوينا
كان لينا ايدين بتشبّك قدام الأيام
بقت الأيام بتشبّك بُعد ف ايادينا
ويحط الكاس على طرف البار
ويزيح بايديه كل الموجود
" ادي اللي كسبته معاك ياحليم ، مفقودٌ مفقودٌ مفقود "
بعدها بينام زي ماهو
ودموعه تسيل منه لجوه
فتغرّق روحه عياط مدفون
مش كل جراح شرطها ف جروح
ولا كل البكا تلزمله عيون
شُفت يا صاحبي
الورد اللي انت مشيت تلاتين كيلو علشان تعرف تتأسف بيه
امبارح شُفته ف مدخل بيت قاعد خايف
اترمي بايدين ناعمه وبارده
الورد اللي انت فضلت تكوّن فيه وردة بوردة
اتوفى الصبح من الإهمال
شُفت ياصاحبي
وفضلت احرّك فيه علشان يتهز ويرجع لحياته
انما كان قرر يتحول مزيكا ماتسمعش نصايح
الحب ازاي كله فضايح
وازاي الجاي أصبح رايح
نفس الشخصين بقوا أي اتنين غير نفس اللي زمان اتقابلوا
هي ف آخر العالم يمكن
يمكن دلوقتي بتتعرف على شخص جديد
ف مكان بيقل رومانسيه عن أول مطرح يجمعهم
يمكن بتحط ف ماكياجها علشان سهره
او نايمه ومش حاسه بحاجه
يمكن ناسية ومش محتاجه بحد يفكرها بعهد قديم
او يمكن زيه ف طرف البار بتعيط على حس حليم
ادخل بيته
ابيض واسود من بيت ألوان أيام هي ماكانت ساكناه
كان بيها بيقعد مع نفسه كان زي لوحده وهي معاه
يادي المعاناه
الكل اتورط كده وياه
البيت اللبس الطفايه ، الشجر الميت ف المأساه
الأكل هدومه القصافه ، الفازة البارفان اللي معاه
بقا كل جماد له روح وحياه
الليلة
لقيته بيتمشى ف شارع كان ليهم فيه قصه
لحيته أطول من خوفي عليه
كان ماشي بيتطوح وايديه فيها سجاره بعد مابطلها لست سنين
دخل المطعم قلقوا القاعدين
قاله الجرسون :
كل ده محجوز
وقبل ماتنزل منه دموعه
مال على رجليه وبرق للنور
بقا ميّت بعد ماكان مكسور
ادي الفنان
وادي الجمهور
ادي اللي ماجاش ف خيالها اهو كان
قتلت انسان
كسرته بالبُعد وبالخذلان
واتكاترت على نفسه همومه
ماقدرش يكمل بقا يومه ريّح وارتاح
ادي المايسترو
بيموت ف مكان فيه مزيكته والناس سمعاها ومش سامعاه
فيه يوم هتخشوا عليا البيت
تلاقوني مشيت
من غير اسباب ولا شرح عبيط
قالي وانا نسيت
واديني باقول
احترموا المتعوّر من دول
حاوطوا المهموم قبل فراقه
ان كان ساكت يبقى لأسباب
اوعوا تشيلوا ايديكم م الباب
املوا حياته بحب وأحباب
قبل ما يدبل قدام عينكم
وان شوفتوا حبيبته ف يوم بينكم
خلوها تكون عارفه مقامه
وانها عدت من قدامه وخلته مقتول بغياب أعمى
ملعونه ايدين مجرمة ناعمه
مادتش الفرصه لحد يعيش
مع انه اتوفى قصاد منها اتناشر مرة
واترمى ف الأوضه لحد ماضاقت روحه عليه.
#المايسترو
تحفه
تتت
برافو بجد تحفه 👏👏👏
بالنسبة لواحد زيه اتوفي اتناشر مره بأساليب مختلفه واترمي في الاوضه لحد ماضاقت روحه عليه بقي صعب يواجه أي مشاكل من نوعية امتي وليه
اية يا عم العظمة دي .. اقسم بالله بعشقك ❤
بس الادمان درجات ياما اعلاهم ادمان البني آدميين 💔
ادمان الغايبين💔
والله انت الماسترو يا عمرو بكيتني والله
اكتر قصيده بحبها فعلا 👉😑
ادمان الغايبين
كل واحد فينا معلق ب جزء معين من القصيده معجب بيه ..مش متفقين ع جزء معين (كل واحد مننا لامسه جزء معين من القصيده وده ان دل ع شىء دل ع ان درويش بيلمسنا من جونا وعايش معانا)
وده اللي بيميزه فعلآ 👌
آه وجعت القلب بس وجع حلو الله عليك
أحسن قصيده ليه
بصراحه القصيده دى بتمثلني حرفيا😔😔🙁🙁
وأدينى بقول إحترمو المتعور مندول حوطو المهموم قبل فراقه كان ساكت يبقه لأسباب أوعو نشيلو إديكم من الباب إملو حياته بحب وأحباب قبل ميدبل أدام عنكم 😭😭💔💔
ملعونه ايدين مجرمه ناعمه مدتش الفرصه لحد يعيش 💔
بالمناسبه يا جماعه فى ميكروب اليومين دول ظهر ممكن نرجع نلبس كمامه وجوانتيات علشان العدوى لأننا بنفسك الفلوس مكان ايد بعض😊 حبايبى
مش معقول الاحساس
ادي اللي مجاش في خيالها اهو كان قتلت انسان
كسرته بالبعد وبالخزلان
شابووووه ❤️❤️❤️
شوفت يا صاحبي😢
أنا سميع وعمري ما شفت وجع كده
انت بجد مليان احساس
في يوم هتخشوا عليا البيت هتلاقوني مشيت. قالي و انا نسيت
متمشیش استنانی لحد مجیك والله حاجی وتفرج فیك وعد منی لیك
وحشاني حبيبتي ومش هنكر .
شاعر ومحتاج دعمكم 🤩
بتنام زي ماهي ودموعها تسيل لكوا😭
واااو جميله ومؤثره جدا
شوفت يا صحبي شوفت الورد اللي انت مشيت تلاتين كيلو علشان تعرف تتأسف بي امبارح شوفته في مدخل بيت قاعد خايف
عظمهه 💛💛💛💛💛
الورد الى انت مشيت ٣٠كيلو عشان تعرف تتاسف بيه امبارح شفتو فى مدخل بيت قاعد خايف💔😢
😔😢💔
❤❤❤❤❤❤❤❤❤
يخربيت الوجع 😢😢
أدي المايسترو بيموت في مكان فيه مزيكته والناس سمعاها ومش سمعاه 💔
افتكر الفايت ...
و اتأمل كان مين ساب مين؟
و اتأمل ناس بقو بني ازمات مش بني ادمين .!!
كمل💪
شفت يا صحبي
الورد الي مشيت تلاتين كيلو علشان تعرف تتاسف بيه
امبارح شفته في مدخل بيت قاعد خايف
اترمى بايدين ناعمه و بارده
حرفيا احسن كوبليه👌🏻
@@mamoonahmad2486فعلا رغم ان القصيدة كلها رائعة باكية 💔🎯😔
ايه الوجع ده ياجدعان😞
الكل اطورت كده وياه 😔
لحيته اطول من خوفي عليه
بقي مرعب انك تتعلق و تعلق مفاتيحك مع حد 😖
معاك😂
فى حد كان بيقولى زمان بلاش تفكرى كتير وساعات كنت بحس ان دماغه هى اللى بتتعبه من تفكيرى للأسف صدقت ما كنت اعتقده خيال
فهمت متأخر بس للأسف فهمت ويارتنى ما فهمت وكمان فهمت يعنى إيه المنح احيانا بالمنع مش بالمنح طالما هنكشف ورقنا لبعض خاف من اللى فهم
😔💔🎯
تحفه
ممكن أعرف تاريخ الحفلة دي بالظبط ⁉️☝
@@azeemallawy تقريبا 1 نوفمبر 2017
@@walidelaraby8387 أشكرك يا غالي أظنها كانت ديسمبر 2017
الى بيحب عمرو حسن يعمل subsribe باالله عليككم حلفتكم بالله
يااااادي المعانااااة ...وجع ما سمعتوش قبل كدا 😢
شفت يا صاحبي شفت ؟!!
الورد اللي أنت مشيت ٣٠ كيلو علشان تعرف تتأسف به ، امبارح شفته في مدخل بيت قاعد خايف
اترمي بايدين ناعمة وباردة 😔😔😔😔😔
😔💔🎯
👍👍👍👍🙏🙏🌷
♥♥♥♥♥♥♥♡♡♡
كاظم
اتأمل ناس بق بنى أزمات مش بنى ادمين