Это видео недоступно.
Сожалеем об этом.
مجبوس الدجاج المحشي بالحشو الكويتي بطريقة بسكوته
HTML-код
- Опубликовано: 5 авг 2017
- مجبوس الدجاج المحشي بالحشو الكويتي والدقوس بطريقة بسكوته
المقادير :
١ دجاج
١.١/٢ م.ص بهار فيشرمان المجبوس
١م.ص كركم
١/٢م.ص بهار فيشرمان الكاري
بهارات فيشرمان الحب المشكلة (مسمار،هيل، دارسين نجمة الينسون،ورق غار،فلفل اسود)
١/٤ م.ص بهار فيشرمان تسكيرة الجدر
١ بصل متوسط الحجم مقطع ٤ اقسام
٢ فص ثوم
١ اصبع زبدة
ماء مغلي لسلق الدجاج
١.١/٢چيله عيش ( ارز)
٢.١/٢-٢.٣/٤چيله ماء سلق الدجاج حسب الحاجة
منقوع الزعفران مع ماء الورد ودارسين
زيت
تتبيلة بطن الدجاجة :
١/٢ م.ص هيل مطحون
١/٤ م.ص فلفل اسود مطحون
١/٤ م.ص كركم + رشة ملح
الطريقة :
اول شي نسوي الحشو ونخليه على جنب وبعدين ناخذ الدجاجة نتبلها من الداخل بخلطة تتبيلة البطن ونحشيها بكمية من الحشو وبعدين نخيطها وبجدر محط شوية زيت ونشوح الدجاجة من كل الجوانب تالي نضيف كل البهارات والبصل والثوم والماء المغلي ونسلق الدجاجه لين تستوي
وبعد ما تستوي الدجاجه نصفيها من الماء ونرشها دارسين وزعفران ونغطيها لوقت القلي
نصفي ماء السلق ونييب جدر نحط فيه قالب زبدة لين يذوب نضيف ماء السلق ونعادل كمية الملوحه نخليه على نار عاليه لين يغلي الماء تالي نصفي العيش المنقوع وعلطول نضيفه لماء السلق ونقلبه شوي شوي من تحت لفوق
وبعدين نخليه لين ينشف الماء نرجع نقلبه شوي شوي علشان لا يتكسر العيش ونضيف عليه منقوع الزعفران مع تسكيرة الجدر ونخليه العيش يتسكر على نار هاديه بين ٤٠-٥٠ دقيقه
لعمل الحشو الكويتي:
المقادير :
٣ بصل كبير الحجم مفروم خشن
١/٢كوب زبيب
٣/٤ كوب نخي مجروس مسلوق
١.٣/٤م.ص بهارفيشرمان الحشو
٣/٤ م.ص كركم
١/٢م.ص هيل
رشة سكر وملح
رشة بهارفيشرمان تسكيرة الجدر
زيت
الطريقة :
بمقلاة نحط الزيت ونضيف البصل مع التقليب لين يذبل البصل ويصير لونه ذهبي وتالي نضيف البهارات ونقلب بين ٢-٣دقائق وبعدين نضيف النخي مع التقليب ويصفى الزبيب من الماء ويضاف الى البصل ومن ثم الزعفران وماء الورد ونقلب المكونات ونخليه شوي يتسكر بين ٤-٥ دقايق على نار هاديه وقبل ما مطفيه نرش عليه تسكيرة الجدر ونطفي الجوله ويقدم وبالهنا والشفا
دقوس الطماط :
المقادير :
١بصل صغير الحجم مفروم خشن
١ طماط كبير مقطع مكعبات صغيره
١/٢ علبة معجون طماط
١/٢ كوب ماء مغلي
١ م.ص بهار فيشرمان الدقوس
١-٣ فلفل هندي حار مفروم خشن( اختياري)
ملح حسب الذوق ورشة سكر وزيت للقلي
الطريقه :
بجدر نضيف الزيت مع البصل ونشوح لين يذبل ويصير ذهبي نضيف له بهار الدقوس ونقلب
تالي نضيف المعجون ونحمس بين ٣-٤ دقايق وبعدين نضيف الطماط ونقلبه نخليه لين يذبل عدل وتتجانس المكونات بعدين نضيف الماء المغلي والملح والسكر والفلفل الحار ونقلب ونخليه عالنار الهاديه بين ٣-٤ دقايق ويقدم بالف عافية
وقت تقديم الاكل :
نقلي الدجاج ونحط العيش بطبق التقديم ويزين بالحشو والدجاج والدقوس على جنب مع المعبوج وبألف عافية
ملاحظات :
- الچيله = علبة الاناناس
- م.ص = ملعقه صغيرة
- م.ك = ملعقه كبيرة
-بهار فيشرمان المجبوس ممكن استبداله بالبهار المشكل
- ممكن اضافة ماء سلق الدجاج للدقوس بدل الماء العادي
- ممكن اضافة مكعبات ماجي مع الحشو الدجاج كبديل عن الملح
حبيتك جدا ربنا يوفقك
روعه ماشاء الله عليك. استمارة. عجيب
ماشاء الله عليج انا أنا وايد أحبك وأحب الطبخ الا تسميته أتابع في النستغرام وفي سناب واليوتيوب
معك ام التوائم
والله مسختوها كل دقيقة تموتون فنانين او فنانات ليش قاعدين على قلوبكم اتقوا الله الموت في اييد الله مب في اييدك الله يهديك