خمسة سهام | الرادود علي عبد السلام

[@salamalrkabi1049]

مرتب كلش من كلام ولحن واداء اناقه فاقت حد الجمال

[@mohdalshammari1868]

احسنت ملا 🌹🌹🌹🌹

[@sajaalsamii3112]

الله الله
الله يساعدد قلب مولاتي

[@bohassanhmdan5853]

اللهم صل على محمد وال محمد

[@fatemahalhur5976]

7:12 فقدت احسين والآمال مگطوعه 😢

[@bohassanhmdan5853]

#يازينب_الكبرى

[@aliabdolslam]

كلمات القصيدة
الدهر ما گصرت ويايه أيامه
رمه اسهامه اعله گلبي اوصابن اسهامه
گبل ما أمشي للشام
رماني ابخمسة اسهام
رماني اوكل سهم أعظم من الثاني
***
عگب جدي الرسول الغربت شمسه
وعگب ما باب أمي محترگ أمسه
وبعد طبرة وصي المصطفه اونفسه
وجرح چبد الحسن ظل خامس الخمسه
-
عگب هالأربع آلام
رماني ابخمسة اسهام
رماني اوكل سهم أعظم من الثاني
***
مع ابن أمي ابخدر محمل طويت البر
وصبح مصباح عاشر يا صبح الاگشر
أول سهم بافّادي علي الأكبر
شفته اعله الوطيه اگبالي امطبر
-
الدهر من طبرة الهام
رماني ابخمسة آلام
رماني اوكل سهم أعظم من الثاني
***
وثاني سهم حط ابمهجتي العله
الشباب الدنّگ ايعدّل شسع نعله
وبدل ما بيه تفرح بالعرس أهله
الوكت خله امه عگبه والهه اوثكله
-
الأخذ من عدها جسام
رماني ابخمسة اسهام
رماني اوكل سهم أعظم من الثاني
***
اشبيدي اعله اللي شفته من غصص دهري
فت چبدي ابسهم فگد الكفل خدري
أخذ عباس من عندي اوحرت بامري
اومن اعضيده كسر ظهره اوكسر ظهري
-
ابچفوفه جور الايام
رماني ابخمسة اسهام
رماني اوكل سهم أعظم من الثاني
***
من طبعه الزمن لاهل الشرف يفجع
ويگابلها ابنوايب للحجر تصدع
من اسهام الظلم ما سلمت الرضّع
رمن عبدالله واجرن مني المدمع
-
اليخلي دمعي سجام
رماني ابخمسة اسهام
رماني اوكل سهم أعظم من الثاني
***
اشچم شوغه التفطّر بالحشه اولوعه
فگدت احسين والآمال مگطوعه
والـ ايخلي الجفن ما تنشف ادموعه
عگب ذبح ابو اليمه امهشمه اضلوعه
-
أنه الما عمري أنضام
رماني ابخمسة اسهام
رماني اوكل سهم أعظم من الثاني
***
عگب هاي السهام التخنگ الريّه
اوعگب كل المصايب والجره اعليه
أشوف اجساد اخوتي اگبالي مرميّه
واخليهم عرايه اوأمشي مسبيه
-
والـ ايماشوني ظلام
رماني ابخمسة اسهام
رماني اوكل سهم أعظم من الثاني
***

[@fatemahalhur5976]

4:58 اخذ عباس من عندي 😢

[@mohdalshammari1868]

#ياعلي