"ТААТТАМ - ИЭЙЭР КУТУМ" Таатта улууһун идэтийбит худуоһунньуктарын, маастардарын быыстапката

Бэс ыйын биир кэрэ күнэ таатталары кэрэ эйгэ түһүлгэтигэр "Үргэл" арт-галереяҕа муста.
“Тааттам-иэйэр кутум” диэн киэн тутта ааттыыр айылҕаттан сүдү, дэгиттэр дьоҕурдаах, саха ойуулуур-дьүһүннүүр ускуустубатын төрүттээччи, идэтийбит худуоһунньук, бастакы норуодунай худуоһунньук, этнограф, фотограф Иван Васильевич Попов төрөөбүтэ 150 уонна Саха сирин үрдүнэн тыа сиригэр бастакынан Харбалаах бөһүөлэгэр Саха Пластова диэн бэйэтин кэмигэр ааттаммыт, өҥ дьүөрэлэһиитин бастыҥ маастара, Саха АССР ускуустубатын үтүөлээх деятелэ, живописец, Иннокентий Дмитриевич Корякин көҕүлээһининэн, салалтатынан хартыына галереята тэриллибитэ 50 сылларыгар аналлаах быыстапка арылынна. Икки ойуулуур-дьүһүннүүр ускуустуба сайдыытыгар сөҕүмэр кылааты киллэрбит, ойуу тылынан кэрэ эйгэни бар дьоҥҥо анаабыт икки үтүө дьоммут аатын саҥа кэм талааннаах тарбахтаах биир дойдулаахтарбыт айымньыларын кытта ситимниир.