Mustafa Doğan Dikmen - Bâğ-ı dehrin hem hazânın hem bahârın görmüşüz (Nâbî)

Güftekâr: Nâbî
Bestekâr: Bekir Sıdkı Sezgin
Makam: Hüseynî
Bâğ-ı dehrin hem hazânın hem bahârın görmüşüz
Biz neşâtın da gamın da rûzigârın görmüşüz
Çok da mağrûr olma kim meyhâne-i ikbâlde
Biz hezârân mest-i mağrûrun humârın görmüşüz
Top-ı âh-ı inkisâre pây-dâr olmaz yine
Kişver-i câhın niçe sengîn-hisârın görmüşüz
Bir hurûşiyle eder bin hâne-i ikbâli pest
Ehl-i derdin seyl-i eşk-i inkisârın görmüşüz
Bir hadeng-i cân-güdâz-ı âhdır sermâyesi
Biz bu meydânın nice çâpük-süvârın görmüşüz
Bir gün eyler dest-beste pây-gâhı câygâh
Bi-'aded mağrûr-ı sadr-ı i'tibârın görmüşüz
Kâse-i deryûzeye tebdîl olur câm-ı murâd
Biz bu bezmin Nâbîyâ çok bâde-hârın görmüşüz