Islaam e pinal fulɓe 1: Haamiidu Njaay
HTML-код
- Опубликовано: 8 сен 2024
- Nde diine Islaam ari e aarabeeɓe tawi toon ko pinal e aada. Hol no Islaam waɗdi e ooɗoo aada e ngal ɗoo pinal? Mbele ɗum ɗoo wattinii e diine keso o? Hol no Islaam haaɗdi e aadaaji aarabeeɓe?
Hol no diine Islaam yettorii e saaktorii e Afrik? Haa teeŋti noon e hirnaango maggo. Mbele ko silaama walla njulaagu
Sikke alaa leƴƴi keewɗi e Afrik, naatii e diine Islaam haa keƴi. Fulɓe ko heen njeyaa…
Bacca Bah, ganndiraaɗo kadi Huseynu Bah, jeyaa ko wuro e nder Fuuta Tooro ene wiyee Jamaa Alwaali, ko e falnde Podoor, diiwan St. Louis e nder leydi Senegaal. O janngii Quraana e seernaaɓe heewɓe kono o heɓi kaayit (Lijaasa) ko e juuɗe Ceerno Abdul Qaadiri Lih to Ciloñ. Caggal ɗuum o fayi Kayhayɗi to duɗal Ceerno Muhammadu Bookar Kan, ko toon o ɓaari Sariya, o janngi ɗemngal Arab (Lugha e nahwu). Caggal ɗuum o yahi leyɗeele Arabeeɓe, Libi e Qatar, o janngi haa o dañi Seedanfaagal (licence) e Engele. O jokkoyi jaŋde makko to leydi Farayse haa o dañi Maitrise e D.E.A, fof e Engele. Ko ndeen o arti Senegaal o fayi Duɗal Kebloowal Jannginooɓe (Ecole Normale Superieure), caggal heblo duuɓi ɗiɗi, o wonti jannginoowo e duɗe hakkundeeje(Lycée) e nder Senegaal.
Ceerno Bacca Bah wallifiima defte ɗiɗi fento he ɗemngal Pulaar. Ɗeen ngoni: Ñaawoore, muuli ɗum ko ARED, e Firtaare, muuli ɗum ko edition Nanondiral (2002).
Seydi njaay,a weltanaama