Opera ne Rrota - Fondacioni Rame Lahaj

🎶 Opera në Rrota ka përfunduar me sukses udhëtimin e saj të parë, duke sjellë emocionin dhe magjinë e operës tek fëmijët dhe të rinjtë në mbarë Kosovën! 🌟 Nga 15 deri më 20 shtator, artistët tanë të talentuar vizituan qytetet Istog, Pejë, Gjakovë, Gjilan, Mitrovicë dhe Prishtinë, duke performuar kryevepra të muzikës klasike dhe operistike në mënyrë tërheqëse dhe edukative për audiencat e reja. 🎤🎼
Ky projekt inovativ, i organizuar nga Fondacioni Rame Lahaj, synon të krijojë një platformë kombëtare edukative, duke i prezantuar brezin e ardhshëm me artin lirik dhe duke ndërtuar një lidhje të re dhe të thellë me muzikën klasike. 🎶📚 Përmes këtij rrugëtimi artistik, fëmijët dhe të rinjtë patën mundësinë të eksplorojnë emocionet dhe historitë e përjetshme që ofron opera, duke hapur dyert drejt një bote të re artistike.
Një falënderim i veçantë për partnerët tanë institucional pa të cilët ky aktivitet nuk do të mund të realizohej: Opera e Kosovës, Ministria e Ekonomisë, Kulturës dhe Inovacionit Shqipëri, Teatri Kombëtar i Operas dhe Baletit Tiranë, sponzorin tonë gjeneral Banka Ekonomike dhe Siguria dhe në bashkëpunim me Ambasadën Zvicërane, Ministrinë e Arsimit në Kosovë dhe Porche Prishtina.
Një falënderim special shkon për ekipin tonë të përkushtuar, i cili me dashuri dhe energji ju dedikua këtij projekti që nga fillimi deri në fund. 🙌