Омор Султанов - "Сен жөнүндө поэма" (үзүндү)

Сен болуп бардык жайдан караганым
Шамалдай туш тарапка тараламын
Ачылып ырбап кетээр кайра баштан
Айыккан менин эски жараларым.
Ошондо өрттү көрсөң күйүп жанган
Суу көрсөң аңтарылып агып жаткан
Жер көрсөң тереңдерден титиреген
Куш көрсөң жалгыз учуп бара жаткан
Күн көрсөң көз жаш төгүп ыйлап турган
Түн көрсөң көөдөй кара ит уулуган
От көрсөң жалгыз күйгөн тоо башынан
Жапжалгыз кайык көрсөң толкун урган
Эгер сен бала көрсөң улутунган
Эң катуу ыза көрсөң турмушуңдан
Мас көрсөң ыйлап аткан, ырдап аткан,
Жаш көрсөң бир муңайым бара жаткан
Анан да буюм көрсөң кыйрап сынган
Бак көрсөң бороон уруп шагы сынган
Ошонун барын мен деп биле бергин
Көзүңө көрүнгөндүн бары менмин.
Жалдырап сени тилсиз карап турган.
Автор: Омор Султанов
___________________________________________
Жакынкы күндөрү дагы эӊ мыкты чыгармаларды сиздер үчүн даярдоодобуз. Андыктан «Бакан Медиа» каналына КАТТАЛЫП, коӊгуроону басып коюӊуз.
_____________________________________________
ЭСКЕРТҮҮ! Биздин уруксаатыбызсыз «Бакан Медиа» каналынын материалдарын көчүрүп алууга, ТЫЮ салынат!

[@ЖоомартТ]

Шедевр