კახეთში ჩქაროსნული მაგისტრალების მშენებლობა მთავრდება

კახეთის მაგისტრალური გზის მშენებლობა რეგიონის განვითარებას კიდევ უფრო ხელს შეუწყობს. პარლამენტის მაჟორიტარ დეპუტატ, დავით სონღულაშვილის შეფასებით, ჩქაროსნული მაგისტრალები კახეთისთვის საციცოცხლოდ მნიშვნელოვანია. ინფრსატრუქტურის სამინისტროს ინფორმაციით, უკვე სრულდება ბაკურციხე-წნორის მონაკვეთი. მოეწყო ხელოვნური ნაგებობები და ამ ეტაპზე ასფალტის საფარს აგებენ. წელს ასევე დასრულდება თბილისი-საგარეჯოს 35 კმ-იანი მაგისტრალური გზის მშენებლობა. იგი 3 მონაკვეთადაა დაყოფილი და შენდება 4 ზოლიანი ცემენტ-ბეტონის ჩქაროსნული საავტომობილო გზა. საერთაშორისო სტანდარტების შესაბამის მაგისტრალზე, უსაფრთხოების ნორმების დაცვით, გადაადგილება 110 კმ საათში სიჩქარით იქნება შესაძლებელი.