Inno dei quattro quartieri - Riardo

Versione dell'Inno dei giochi in dialetto riardese
TESTO
CASTELLO
Quannu tenemmu gli uocchi aizat’iù cielu
e riù Castellu s’affaccia iù quart’è luna
sentimm’iù sangue che s’ammesca tuttu quantu
e Riardu, i’ che vantu se pò fà
chistu quadru sulu Dio iù pò pittà
ca i viculi sannu parlà ‘e Storia
ca nobiltà ri signuri e ri plebei
l’aria è fresca chiù sana e profumata
sulu addu vui tutt’ e puzze ponnu sta
CAMPAGNA
Semmu riù postu add’addora a primmavera
Addù i culuri ammesca e ‘nzupp’iù Cielu
Addù ‘nda n’annu Riardu more e po’ rinasce
A Campagna ngrassa sacca e dignità
Prena puru è pe chi ‘ngè st’abità
Miez’a terra nui sentimmu i pati nuostri
“L’aratro affonna!” “Pigli’a fauci!” “Eccula ca!”
Sauciccia, vruocculi e acqua minerale
È p’a Campagna si puoi beve e puoi mangià
TAVERNA
Iù vientu frisca, è na notte senza luna
Nu furestieru arriva chiù carrettu
Vere na luce che caurea e che cunsola
È a Taverna, tuttu Riardu aspetta là
Carte e vinu, na risata e a ripusà
Puru oggi che i carretti so’ a motore
A megliu vita va in scena propriu ca
Sienti ’e pulitica ‘ngiucià e parlà r’ammore
‘ndà stu salottu ve facemmu addecrià
CASANARDIELLO
Casanardiellu cert’è particulare
Scavammu i puzzi ma l’acqua po' scumpare
Nu iuornu ‘nfunnu truvammu a luce e cientu stelle
Tanta gente corre e vene a uardà
E ra tannu iù core e Riardu vatte ca
A lanterna agli anni bui v’ha appicciatu
Riard’iù niru roppu schiusa po' lassà
Ce so cresciuti i paesani chiù illustri
E semmu nui a stipà st’eredità
TUTTI
E na cosa è certa
Ra diù uardi iù uardi
Nui sapemmu r’abità
Rend’a nu presepe
Si ra ca si passatu
E a luntanu ce sienti
Nunn’avé a nustalgia
Basta sulu iù pensieru
Che i quartieri diventanu
Chellu che so’ sempe stati
Sulu na fantasia na bella scusa
Pe sta insieme
Puru cu te.