林夏薇夥拍兩視帝大馬宣傳 譚俊彥爆陳山聰新年豪派利是

林夏薇夥拍兩視帝大馬宣傳 譚俊彥爆陳山聰新年豪派利是
視帝 譚俊彥 陳山聰 同視后 林夏薇 日前一齊飛到馬來西亞為TVB宣傳，走訪唔同地方同粉絲觀眾拜早年，分享蛇年工作同願望。而佢哋所到之處都萬人空巷，三位更加落力獻唱答謝支持，阿Shaun就希望大家嚟緊大力支持《新聞女王2》，而薇薇就希望挑戰演亦正亦邪嘅卧底角色，至於山聰就同樣想參演未演過嘅角色，兼且音樂會可以繼續順利演出。
難得嚟到大馬，答謝粉絲同時都要品嚐地道美食，三位就趁住新歲來臨，一齊按傳統食意頭菜「撈起」，寓意新一年越做越旺，風生水起。
過年前夕外出工作，新年準備就要交畀家人，阿Shaun笑言聽到山聰新年準備嘅利是銀碼好大，山聰話：「我太太問我每個銀碼紙幣要準備幾多，我就畀個數佢，叫佢自己處理，因為嚟咗馬來西亞，入利是就要靠佢。」
講到新年願望，山聰話當然係仔仔聽教聽話，等佢同太太安心可以去拍拖。阿Shaun就以為佢想追多個？山聰諗都唔諗話可以考慮吓生蛇仔。薇薇就希望自己鑽石生意越做越好，而阿Shaun就希望大家蛇年身體健康、學業進步。
而幾位《中年好聲音3》唱將劉傳民、王鄭浚仁、何平秋、劉家溢同蕭偉倫都現身獻唱慶年歌曲助慶。
#譚俊彥 #陳山聰 #林夏薇 #馬來西亞 #宣傳 #新年願望 #新聞女王2 #卧底角色 #演唱會 #撈起 #風山水起 #利是 #銀碼 #聽教聽話 #拍拖 #蛇仔 #生意 #身體健康 #劉傳民 #王鄭浚仁 #何平秋 #劉家溢 #蕭偉倫
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0