محاضرة تحليل الوظائف مباشر || Job Analysis

محاضرة تحليل الوظائف مباشر || Job Analyses
#كلام_اتش_ار
التحليل الوظيفي Job analysis ؟
التحليل الوظيفي هو عبارة عن مرحلة مهمة أولية مهمة جداً زي شهادة الميلاد بتاعت الوظيفة بتشمل جوانب مختلفة و مهمة هتساعد في كل حاجة ليها علاقة بالموظف (تعيين أو تدريب او مرتبات)
و المرحلة دي بتسبق عملية التوظيف، و بنناقش فيها ضرورة فتح وظايف جديدة أو تعديل الوظايف الحالية بناءً على بعض المهام المطلوب تنفيذها
( المهام دى لا تندرج تحت دور أى موظف حالى) عشان كدا بنلجأ للتحليل الوظيفى اللى بينتج عنه حاجتين مهمين:
1- Job Description
الوصف الوظيف و دا دور الموظف فى الشغل( ببساطة هو بيروح كل يوم يعمل ايه)
2- Job Specification
و دى المؤهلات الواجب توافرها فى الشخص اللى هيشتغل فى الوظيفة دى ( مثلا يكون خريج كلية معينة، مستوى اللغة عنده كويس، قوى فى الكمبيوتر أو معاه كورسات فى تخصص معين)
وبالتالي بيكون التحليل متضمن الجزء الفنى/ التقنى المتعلق بالوظيفة و اللى نقدر نقسمه الي ( DTRs ) :
الواجبات Duties
المهام Tasks
مسئوليات الوظيفة Responsibilities
و نطاقها الإشرافي وظروف بيئة العمل وهكذا..
و الجانب الشخصى و كفاءة اللي مقدم علي الوظيفة من خلال ( KSAs )
المعرفة Knowledge
المهارات Skills
القدرات و التعامل Attitude or Abilities
طيب هو ليه التحليل الوظيفي مهم؟ علشان ده المرجع اللي علي أساسه بختار الموظف إلي أي مدي هو متوافق مع الشروط بتاعتي في عملية اسمها Selection، و كمان باستخدمه من قبلها علشان أعمل job posting أو job advertising و اللي بوضح فيه تفاصيل الوظيفة اللي بعلن عنها، كمان الJA باستخدمه علشان أقيم الموظفين صح في عملية ال performance appraisal و KPIs، واللي بناءاً عليها بعرف أختار ال training and development programs اللي هستخدمها و كمان بستخدمه في ال compensation and benefits
منين بقا بنجيب المعلومات
في طريقتين أساسيتين Direct و Indirect ،
Direct method:
و دي 4 طرق زي الملاحظة الفعلية للشغلobservation ، المقابلة interview و دي في حالة الوظائف الcomplicated ،
الاستقصاء questionnaire و بسأل فيه الناس اللي شغالة و الsupervisors، و سجلات العاملين employees' records
Indirect method:
دي كمان 4 طرق زي المنافسين competitors ،
وال الخبرة العملية experience ، والكتب books ، وال internet