مع الشرهان ح 97 سالفة وقصيدة للشاعر احمد الناصر الشايع من شعراء الزلفي رحمة الله
HTML-код
- Опубликовано: 9 фев 2025
- #مع_الراوي
#مع_الشرهان
#احمد_الناصر_الشايع
السيرة الذاتية للشاعر ....
أحمد بن ناصر بن علي بن شايع بن حمد بن محمد آل موسى الزمامي المسعري الدوسري ولد في عام 1339هـ / 1921 م في مدينة الزلفي وهو من الشعراء المخضرمين ومن شعراء النظم والمحاورة توفي رحمة الله يوم الأحد العاشر من شهر ربيع الثاني من عام 1438هـ
تزهد من الدنيا الي شفت منديل
وسعود ابن عبدالعزيز العصيمي
ومن القصائد المشهورة للشاعر احمد الناصر
الشايع رحمة الله
(كل من عاش بالدنيا يشوف العجايب)
كل من عاش بالدنيا يشوف العجايب
مثل ماشفت بالدنيا وشفته باهلها
قمت ابرق وافرق بين مخطي وصايب
مثل فرق الجبال النايفه من سهلها
والتوافيق عند الله حظوظ و وهايب
عند رب يجازي كل نفس بعملها
اشهد ان الهدوم يسترن المعايب
اثرها تستر الحرمه وتستر فحلها
الاوادم بعضهم مثل وصف الجلايب
لو توحد بها ذيب الخلا كان اكلها
كم صبي تحسب انه عطيب الضرايب
وان بخصته كرهت الديره اللي نزلها
مايسر ان حضر وان غاب ماقيل غايب
مار الارزاق عند رب لخلقه كفلها
مايضد الضديد ولايفيد القرايب
يوم نفسه تعدى حدها من زعلها
وفيه رجل يحل المشكله والنشايب
كل ماحملوه الواجبات احتملها
واقف للزوم ومرتكي للنوايب
والحمول الثقيله مالها الا جملها
ليت روحه قبل تركز عليه النصايب
حط عنه اربعين من الزلايب بدلها
وفيه منهو مسالم مايحب الطلايب
مشتقى من رضى نفسه ولا من زعلها
وفيه منهو اذا كبرت عليك المصايب
ساق وجهه وجاهه لك ونفسه بذلها
وفيه منهو يبا الجودا فلاشك هايب
كل ماناض صدره جى عضوده خللها
وفيه منهو يحل المعجزات الصعايب
اصغر افعاله الجزلات محدن فعلها
وفيه منهو يعيش وعيشته بالسبايب
كل ماسمعله غلطة من رفيقه نقلها
وفيه منهو على نفسه رضى بالغلايب
الله اللي رفع نفس ونفس خذلها
لو تبي تنصحه لله نجر الهبايب
انكرك والنصيحه ردها ماقبلها
اشهد انه عقوبه من كبار العقايب
قاصر المعرفه قلبه كما قلب بلها
قصيدة مرثية للشاعر احمد الناصر في ابنة محمد رحمة الله
يا بعد نوم الليل عن حجر عيني
صبر على ما صار من وال الأقدار
صبرت صبر باح منه الكنيني
أضحك مع العالم وكني على نار
ما غير أهوجس بين نفسي وبيني
يعلم بها العلام في كل الأسرار
تقل اتحرى لي علوم تجيني
مع الطروش اللي يجيبون الأخبار
فهمت رأس العلم من كلمتيني
من يوم قالوا جا محمد ونصار
تكسّرت عقبه جرايد يميني
عز الله اني عقب ما صار صبّار
من عقبها ونيت لي ونتيني
ونة غريب بالخلا ضاع واحتار
لولا الله أبرك ثم قوة يقيني
لا طير مثل الطير من كف صقار
تخنقني العبره وأفرّك يديني
واحترت مثل مصالي النار والغار
علم يخلي كل قاسي يليني
كنه على قلبي رصاص أم كرار
الى ذكرت عياله المصغريني
هذا يعزيهم وهذاك زوار
احد على جنبه واحد له ونيني
جتني هموم القلب من كل الأقطار
قلت اصبروا والله مع الصابريني
الله يكافيكم صواديف الأشرار
عسى عوضنا الحي بالميتيني
ناصر ونايف ذخرا سر واجهار
وأحمد وعبدالله ذرانا الحصيني
صغار سن وان بدا اللازم كبار
يجبر عزاي اللي بخلقه ضميني
محيي العروق الميته عقب الأمطار
مالي عن المكتوب فوق الجبيني
لو رحت شرق وغرب ويمين ويسار
صليت نصف الليل لي ركعتيني
أطلب له اللي للخطيات غفَّار
خفف ذنوبه يا أرحم الراحميني
في ماقفٍ ما ينفعن فيه الأعذار
جعله برضوانك من الفايزيني
بالماقف اللي به يضيعن الافكار
في ماقفٍ به كل خافي يبيني
تمت وصلى الله على سيد الأبرار
جعل آلله أبناؤه شفعاء له عند الله جل جلاله
رحم الله أحمد ناصر الشايع وأسكنه فسيح جناته وجعله في عليين
رحمة الله عليه رحمة واسعة واسكنه فسيح جناته واموات المسلمين اجمعين امين يارب العالمين.. واضح من شكله في المقابلة في التلفزيون. ❤️❤️
ابنائه المتوفي عبدالعزيز في حادث وكذالك محمد بعده بمده في حادث ..الله يرحمهم اجمعين انا لله وانا اليه راجعون
بطبيعة الحال نحمد الله لم تعج التعليقات بالغث خصوصاً ،وهذى فائده جداً لمن انتبه لها ،ورحم الله ابامحمد لن يتكرر....
✅✅✅✅✅✅✅✅🌹🌹🌹🌹🌹🌹🌹🌹
انا شهد انه فقيده
أحمد بن ناصر بن علي بن شايع بن حمد بن محمد الزمامي المسعري الدوسري
من اى قبيله
مسعري دوسري