كنت قاسية عليها شوية.المهم حبيت نقول أنو مهما تهدري وتقولي لازم هي يكون عندها استعداد تتغير من الداخل وتغير نظرتها للأمور وبالتالي تنجح.وربي يوفق الجميع.
عندك الحق بنتي راني كبيرة و هاذا وين فطنت كنت انا الاولى في العرضات هذا قاطو و هاذو دراهم و نزيد نعاون بيدي نخدم معاهم كلش حتى نهار زوجت وليدي ما لقيت حتى واحد في كتا في مكاش لي عاوني يا لكان بكلمة كاش ما تحتاجي الحمد لله من هذاك النهار راني نتعامل معاهم بالقليل ربحت راحتي و دراهمي
بصح.ختي عن تجربة كي تقطعي العلاقات مع الناس تولي غاية. تولي ماتحتاجي تروحيلهم ماتخمي في لبسة باه تقابليهم مايضيفو عندك بلا مانزيد الهدرة لي يخلوها في خاطرك..الواحد لازم يقلل دائرة المعارف باه يعيش هاني. ويأفونسي في حياته.
والله كلامك في الصميم تروحي للناس بالقضيان و الدراهم وكي تجي فيك حتى واحد ما يديرها فيك و النصيحة لكل امرأة ما تكثروش لحباب والاصحاب من الفميلة و الجيران الفميلة المقربين كفاية رانا في وقت مايرحمش معظم خرجات النساء رياء نعاونوا الشبعان والقليل نستخسرو فيه الباروك والكادو
تأكدي كون تولي تبيع وتشري ولا تخدم مسمن ولا قاطو هذو معارفها لي كانت تدير معاهم الواجب والله ميشرو عليها انا لي ليا عارفيني نخدم القاطو والمسمن والله ميكموندو عليا الحسد فالاقربون ربي يكيكها بحالها هذي
نتمنى ديريلنا فيديو عن الفتاة العزباء لي ماتعلمتش الشطارة من صغرها و ما تسلكها ني في كوزينة ني شغل ني والو .. دوكا كبرت و راهي في عمر الزواج و حصلت من تبدا 😢
السلام عليكم كل فيديو نتحفزو اكثر واكثر ملي بديت نتبعك تغير تفكيري تماما ووليت نصرف بعقلانية اكثر مدابيا ديرينا فيديو على كيفاش نتخلصو من عدم التنظيم في كل شي راني حاسة روحي عايشة في فوضى وقتي ضايع و مضغوطة وانا مانيش ناجمة نتحرك ومن بعد نتقلق ونقلب زعافي في اولادي
نيشان الضغط و الفوضى يمرضوك و تخرجيها غي فالاطفال مساكن، كل حاجة ماحتاخطجيتيهاش مدة سنة ارميها او صدقيها ، و تنظيم و تنظيف البيت درتلكم فيديو على جدول التنظيف شوفيه ، و الاكل تاني ديري جدول اكل راني دايرا 2فيديوهات ، و بشوية تلقي افكارك ترتبت و الضغط نقص عليك ، و الله يوفقك اختي
السلام عليكم اختي كلامك صواب وعندك الحق لازم المرأة تكون واعية وقافزة وماتخليش النسا يضحكو عليهاعجبتني بزاف قناتك واشتركت وفعلت الجرس ومزيد من التقدم ان شاء الله
ماشاءالله ملي شفت قناتك تبدل تخمامي مالكري مزالني صغيرة و معنديش مسؤوليات 🤩 شكرا و ادعولي نلقا خدمة و ربي يفتح عليا و لكم بالمثل و بارك الله في مولات القناة
سلام..... اختي نتمنى تهدري على الحسد في المال...... ان شاء الله.... مهما اندير الدراهم يطيروو من يديا...... بطريقة فضيعة...... نتصدق.... و كلش و لكن والوا مايبان اعليا.... والو ديما محفظتي فارغة...... و انا عارفة انه حسزد بالمال لان مرة.... و الله زوجي عمل عمل أدر اعليه بربح رحنااا بيه عطلة لتركيا...... و هيهات الدنيا طلعت فوق بعظاها... و لاو يقولو زوجته مدبره....... تعرف تتمشى على ذيك وفرت حتى راحو العطلة مكلفة...... من ذاك الوقت و انا اعاني اعاني..... لحد الساعة و
انا نعطيكم حيلة شيرات حصلوا فالراجل بلي قبيح انا مانحمدش من غير خوتي الله يسمح هادوك اختي لي راكي تديلهم صدقيني ياكلو قاطوك و يهدرو فيك. هاد الوقت اختي مكاش حباب حبيبك هو داك الراجل لي راه يهنبر باش يعطيك الدورو تلعبي بيه انت ربي يبسط الرزق كي تحافظي عليه ربي يزيدك المهم اتقي الله و كي تبغي تخرجي روحي عند لي يبغوك بلا ما تجيبي و تحطي . نهار سعيد لبنات ام يونس .
سلام اختي شكرا على مجهوداتك ،يا اختي راجلي يمدلي 6000مصروف فيها كل شيء وميزيدنيش ويكمل الشهرية في 15 يوم ومايبغيش نديرو تقسيم ،قوليلي كيش نقنعه يبقى يمدلي الشهرية ونتعلم نتصرف مع العلم عندي 3 اولاد و ماعندي لا دار لا لوطو نسكن غ بيت في دار شيخي 😢لله يجازيك كل خير
6000 دج حمبوك قوليلي شا دير !!!! متقوليلهش اعطيني الشهرية ، قوليله اعطيني مصروف المطبخ فقط و نتي ديري تقسيم و ديري بيت خزينك و لمي دراهمك و الله يوفقك اختي
مع النصائح التي سمعتيهم أختي عليك بسورة البقرة والاستغفار يوميا تقرايها مع زوجك وولدك اذا يعرف يقرا والا يجلس معاكم او يسمع وان شاء الله يجيك الخير وربي يفرج عليك.
يا 🤗🤗🤗ختي أنا نخرج غي لخواتاتي وخاوتي ف ق ط هاكا ولي كادو على حساب ما طاوني ردلهم خويا جاب لبنتي قورمات ذهب رجعتلو سلسلة بنت خويا كي ربحت البيام لعقوبة للباك إن شاء الله❤❤❤❤ ... انا 😀😀😀خدامة دايرة نصف الشهرية فلكونت ندسهم للسكنة إن شاء الله ونص فيها مصروفي مصروف بنتي الطوارئ الترفيه الانترنت الصدقة ودايرة 4000 DA ادخار كاشما يسحق راجلي ميروحش يتسلف من برا ولا كاشما نسحق ولا دارنا شغل نتسلف من عند روحي انا مكنتش هاك بصح طاحت بيا خطرا ديت صفعة بحقها تربيت....تستفت❤❤❤
@@نوراليقين-خ8ضانا تان اختي دايرة مليون مخبياتو على جيهة ماشي ادخار في آخر الشهر تخلاص الشهرية نجبد منهم و كييخلص الزوج تاعي نعاود نرجعهم و نكمل بالشهرية اللي قعدت واحيانا ما نحتاجهمش خيرمن نتسلف من عند الناس
سلام اختي بارك الله فيك على فيديوهاتك المفيدة و الممتعة تقدري تمديلنا ماركات اقتصادية في المواد الغذاءية مثلا الطماطم علب الاومو جافيل تون هاكدا باش ننجمو نقتصدو كتر في المواد الغذاءية و شكرا
اختي عجبتني قناتك لمحتواها وليت كل يوم لازم نسمعك خطرات نبقا نعاود نفس الفيديو شحال من مرة ماشي خاطر راني فاضيا لا خاطر كائن الهدرة الي نديرو بيها القلب لازم نسمعوها شحال من مرة
كلام من ذهب .فكرتيني نهار كنت مع الانتهازيين حنا ديسيدينا عليك كذا وغير من زوج وثلاث ملاين وطلع . وانا الدار معنديش يبروفيتو في خوهم . بصح هناني ربي وخرجت وراني لالاهم وخير منهم وراهم غير يكحلو وعوضني ربي على قلبي . وهوما مزالهم طلالبة ولاو يبروفيتو في بعضاهم وتقاتلو على البروفيتاج . ونتي يا الأخت غير ديري القلب هاذوك لي تروحيلهم بالتحماد فوق طاقة زوجك كي تخرجي يضحكو عليك ويقولو كون جات مرا راهي لمة ودارت الدار . كيما قالتها الحية المسمومة ضحك مرا على مرا طبو الكي بالمجمرة
بارك الله فيك اختي مرتاحين نغيروا على بعضنا ونمدوا نصائح لبعضنا كيما هادو و هادي لي يسموها أخوة في الله وكنصيحة اخرى زيديهالهم هادي ديتها من تجريتي عندي40 عام الآن هي لي ماتصبرش ولا مايصبرش عمره ما يوصل لهدفه في الدنيا في كل المجالات خاصتا 3 صوالح يتمشو مع بعض الإرادة والعمل ثم الصبر حتى تتحقق النتائج هادو نسميها انا مثلث النجاح يعني مثلا إذا جبتي شحيحة وبديتي تخدمي في مشروع وتعمري فيها ثم جاك تحماد تدي ماتلقيش دراهم آمالي تخلي شحيحة كحل تجبدي منها وتروحي هنا ماكانش صبر إذا طبعا ماكانش نتيجة لازم لا بغينا نوصلو لأي حاجة فالدنيا لازم نحترمو قاعدة مثلث النجاح:إرادة.عمل.صبر
كلامك صواب صح...مي تقسيم لي تقولي عليه محال ...مهيش غير ماكلة...حوايج تنظيف..حوايج دوش..ترنسبور...ماء وتريسيتي....سعات دواء...طفل يقرا لبسة...ادوات لمجة...كلش غالي...ودراهم مولاوش يقضيو....الحل دير مشروع تعاون روحهها
موضوع ف القمة❤ نعطيكم تجربتي انا قصتي مشابهة لصاحبة الرسالة انا موظفة كنت ف كل شهر. عندي الواجبات مع اهل الزوج الجيران. ف كل مناسبة نروح ديما ندير حلوة ودراهم ولا هدية وديما نقول انا عاملة لازم تكون الهدية محترمة وف الاعياد نخدم كمية مليحة تاع قاطو وندي لعمات وخوال راجلي دار شيخي نعيدو عليهم ونديلهم حقهم لاحظت ولا واحد يرجعلي الصحن فيه القاطو وك تكون عندي مناسبة ولا واحد يجيني ماتو الاقربين ليا وف نفس المنطقة يقولو هاذيك ل توفات خالتك ماعلابالناش كنا نحسبو تقوليلها خالتي اجهضت ولا واحد جا مع اني دخلت للسبيطار وخرجت عطلة مرضية ولدت ابني كاين ناس بعثولي مسكوتشو مع بناتهم صغار وقالوليلي ماعندناش الوقت باش نجوك 😮 وليت نعامل بالمثل ل جاني نروحليه وكل واحد نهنيه على حساب القيمة ل دايرهالي
ياختي شانقولك ربي يعطيك الصحة بالدوبل ونعمة التربية شحال كتبت هدا الموضوع وعلقت عليه وهدا وين بردتيلي قلبي يرحم الكرش لي جابتك تامني والله فرح كي دخلي هدا الفديو ربي يوفقك وان شاء الله نكون من متتبعاتك الغاليت سلام
الله يعطيك الصحة على نصائح اليوم عاد تعرفت على قناة تاعك راني من فيديو لفيديو هاد النصائح في داك الوقت غيل لي يبغيلك الخير لي يعطيهملك والموضوع عجبني بزاف سيرتو لينا حنا النساء لي هو التحماد انا خدامة ودايمة كي نخرج نخرج بالمعقول وندير كيما يديرولي مانزيد مانقص كلي الدين ورديته وصايي هكاك وكاين لي والله مايحشمو كي تجي فيك يضربو النح ومايجوكش بصح هادو قاع صفيتهم من حياتي ورديتهم للمقام تاعهم بكل بساطة لي يديرلي القيمة والواجب معايا نقيمه ولي مايديرليش نكلاصيه .
السلام عليكم اختي ارجو الرد بسرعة شوفي اختي. عندي دين حوالي 13مليون والحمد الله اليوم توفر عندي المبلغ تنصحيني اختي نرد الدين ولا ندير كاش مشروع مع العلم مكملتش البنيان ومعندي حتى شيء في بيت لااواني لا فراش حجا مكانش 😢 تنصحيني مع العلم شهريتي 4ملايين
انا نحشم وكي نخرج نخرج بقرة وبنتها ومانيش خدامة ربي يسامحني نقول ربي يفرج بصح مش قصدي محتاجة كل شي باه ماتقولش ناس عندكي مسكينة ماعندهاش هذا شي كامل واحد ما يوجب معايا مايعطيني بصح ماكانش لي دارولي قلب 😢😢😢😢😢😢 درت دار في دار شيخي وضك رانا برا نتلاوح
سلام.اختي نحب نصائح ليا انا ام لثلاث اطفال 8-6-4 زوجي عامل يومي وكارية وان عندي غير شهرية نتاع سكر 300الف ومرات نديرلكور انجليزية هذا خلال العام الدراسي حابة نلم دراهم ولا ندير مشروع والزوج ميمدليش لي يدبرهم قيس الكرا و المعيشة انصحيني تعيشي مرات نقول نشري آلة طباعة ونعود نخرج لي سوجي الاولاد مرات نقول ندير خياطة وووووو اغيثيني
الفيديو هذا حفزني الله يعطيك الخير و ماتتمناي اول مرة نشوف فيدوياتك انا بديت مشروع بيع و شرا العام لي فات و مور رمضان كلش حبسلي ما بعت والو غير نشوف فسلعة و نتحصر الله يجيب الخير
والله والله يا ختي أنا هنيت بلملاين وربي شاهد على ما أقول جاب وليدي الباك دورو ما عطاوهالوش وهذا العام بنتي كيف كيف توصي للجاية بإذن الله فوق ميتالف ما نزيدش
الله يعطيك الصحة حبيبتي على كل النصائح الشابة والله لكان ماترفد روحها من الهم مكانش ليرفدها ويحسبيها قال الله تعالى ولاتبذر تبذيرا ان المبذرين كانوا اخوان الشياطين وكان الشيطان لربه كفورا صدق الله العظيم
والله ياالاخت الخدمة راهي زهر انا والله العظيم نخدم القاطو نخدم مليح ماشاء الله بصح قاع يبغو باطل كي نقولهم راني نخدم بالدراهم يروحو يشرو من عند ناس اخرين ولا كي تزير ما يكنوش عندهم الدراهم .والله كي نشوف لحالتي نقول لاحولة و لا قوة الا بالله .عندي حب كبير لهذا المجال بصح الزهر 0 .انصحيني .اعطيني الحل .من فضلك
انا استاذة نخلص 4ملاين 300 شهريتي تروح غير في في المصاريف تاع الدار ونعاون راجلي رغم انه يخلص خير مني والناس لقراب لي إطمعو كل مرة نعاون واحد نصحيني تعيشي.
عندك الحق حد ماحس بحد اليوم جهدك ولا جلدك انا نعرف شي وحدين يضلو يصرو في الدراهم ونساهم عند باتهم يصرفون عليهم عقلية كي دايرة 😮😮ولا يبغوك انت تعطيهم وتزيدي فيهم حاسدينك على رزقك ماشافوش التعب و الشقا وتزيري بأه تعملي على جنب يشوفوك غي تبزيهم بصح على راسي ولا والدتي ولا ولادي حد واحد آخر ربي يرزقنا واياهم ولينا في وقت نفسي نفسي
سلام وعليكم معاك اختك فالله حياة انا من المغرب ،طلعلي فديو هدا بالصدفة وعجبني كلامك وطريقة شرحك زوينة ومعقولة لهدا اشتركت معاك ونتمنى نستافدو جميعا وجزاك الله كل خير ❤❤❤
السلام عليكم اختي ربي يحفظك على التحفيز لي تحفزينا وتكاكينا بغيت نطلبك ديري فيديو فالقريب العاجل على خالتي كي تفرجت هاذ الفيديو تشجعت باش نكتبلك هي متكفله بالعائلة ومصاريفها تخلص 10ملايين وهوما فالدار 4افراد بيما فيهم جداتي مصاريف العلاج تاعها بالدواء 3 ملايين و 5000 ليكور لولدها تقريه اللغاتوالباقي مصروف الدار عايشة بعشوائية مديرش حساب ودير الدين باش تكمل الشهر ديريلها تقسيم وحفزيها باش تلمد في كورونا مرضت جداتي حتى باعت الذهب باش داوتها صدقة عليك ديريلها فيديو خاص بيها وديريلها القلب
عن تجربة متكثروش الخرجات والله غير دور الزمان وتصيبي روحك هما دارو وانت مدرتي والو انا كنت مدة14 سنة وانا غير خرجات حتى كبرو ولادي وزمان فات والله مدرت والو لولادي ومع المعيشة غلات الله المستعان
الله يبااارك عجبتني في هدرتك والله انااا قطعت باسكو معنديش. حتي خواتاتي قطعتهم عايشة بتقاعد بابا نتمني ديريلي تقسيم سهرية ..الحمد لله راني عايشة مستورة بصح حبيت تقسيم لشهرية مليون
@@Elmaranajiha شكرااا اختي لرديتي علياااا انا مقطعتهمش لكن منساعفهمش...انااا ارملة ومعنديش وهوما يخرجو خرجااات غاليين من 300الف وطلع يعني ياااادوب نربي ولادي اول مرا ندخل عندك للقناة شكرااا علي تواضع والله ربي يحفضك حبيبة شحال من أخت لي فاتحين قنوات محبوس يقسموهالي اي قسميلي (الماء ضو انترنت ..خضرة وباقي بين حليب خبز بنسبة اللحم نشري 50الف كل شهر او شهرين جاج شهيااا حابة نتبارك بيهااا ونوفر منهاااا سيرتو بنتي طلعت لثانوية هاد عام بنسبة اختي نعاون روحي من دار والله العضيم مسدقتليش وحتي جمعيات سجلت روحي والله محبو يساعدوني لي يسمع حكايتي راه يتشوكا خاصة ارملة محبوش تان يساعدوني وقريت بيطالة خلصت عام وحبسوهالي مهم الحمد لله درت مستحيل لكن الحمد لله ساعدني في هاد تقسيم وشكرراااااا حبيبة ♥️♥️♥️♥️🌹 وبتوفيق يااارب
انا بمليون راسي وراسو نقضي و نوفر وراني بلكراء لقريب ليا نروح نهنيه بحاجة لنقدر عليها و لتزيد نروح لحوانت وين سلل و نخير ڨرونويار تع عام و ماتفوتش 500دج خطركش نهار طيح بيك واحد مايشوف فيك واحد ما يستاهل و الكل يولو بستشفاو فيك
قالك لي يحسب يفضله انا عن نفسي مانقدرش نعيش وكل يوم نحسب في صباعي راني عايشة بالتي هي احسن نصرف على روحي ونكرم الضيف لانها من اخلاق المسلم ونحاول نصدق من دراهمي والمستقبل على ربي.
أول مرة ندخل القناتك عجبتني بزاف وعجبني محتوى تاعك ممتاز أنا ثنيك كنت دخلتها غير كادوات غاليين ومخرجتش عليا وأنا في دار الكراء وحمدلله عرفت صوالحي ذورك نأكل درو ونخبي ربعة درت ومنحلبش 😊
يعطيك الصحة هذا وين كنت نخمم باه نبارك حتى نا يدي خاطيتني قبل ما نتزوج كنت نحن على لعباد ونباااااارك نفرغ جيبي وعيات ماما تنصحني محبيتش نسمعها ايا تزوجت غير عام طاحت بي وحد الطيحة اليمة الاواءل اللي شمتو في واذاوني اللي كنت نفرغلهم جيبي🎉 عشت الفقر والالم 4 سنين ونص فرج رب سبحانو علي
اختي تعيشي ديريلنا فيديو عن كيف نوفق بين مسؤوليات العمل والمنزل رانا تعبنا بالزاف خاصة ليكون عندها اولاد صغار ..وبارك الله فيك وجزاك عنا كل خير ..❤❤❤❤❤❤❤❤❤
سلام اختي استسمحك بالجواب على هذا الموضوع الهام و الشاءك بالنسبة للنساء العاملات و خاصة لعندها اطفال ياحليلها. اول شيء تعمليه هو النهوض باكرا لان رسولنا ص علمنا ان بركة امتي في بكورها و ثانيا جدول تنظيم اشغال البيت من تنظيف و غسيل و طبخ و رعاية الابناء و اول انسان تهتمين به هو انت نفسك لان فاقد الشيء لايعطيه اهتمي بكل ما يعنيك و في كل الجوانب و ايضا يمكن تقسيم المهام لافراد الأسرة ان كانو كبار نوعا ما لان يد وحدة ماتصفق و الدعاء و الذكر والصلوات في وقتها والله المستعان
اختي تعيشي ربي يرحم والديك ديريلنا فيديو احنا النساء الي معندناش الذراري و الله عييت يعرضوني و نحشم و انا واحد ما يتفكرني يالكان بقرعة جو و قع عايشين لباس بيهم و طامعين فيا انا الي مادرت حتى سبة تعيشي اختي نستنا الفيديو الي كما انا دير جام خليها توريلنا كيفاه نتصرفو والله لا تعبنا بزاف دايرنا عايشين غايا و احنا الطبيب باه روحو ليه نديرولو الف حساب
الله يرزقك الذرية الصالحة اختي و يعمر حجرك ، كي تخرجي اخرجي على قدك و على حساب طاقتك أختي و اعتبريها صدقة و راكي تفرحي في هذاك الطفل و ربي يعوضك ان شاء الله
@@Elmaranajiha مانيش نهدر على الي يزيدو كاين لعراس كاين خرج من لارمي جا من الحج من العمرة حفلات زواج والله بزاف اختي نضريت و الله الطبيب راني من فيغطفري موليتش ليه ما عنديش ماشي ساهلة ا ختي والله
جزاك الله خيرا اختي ويرحم والديك القطيعة ماش مليحة بصح الانسان يدير لعقل كي تكون عندو طريق يلبس الشي اللي عندو ويدي قدر ما يملك وترجع الناس شوية لزمان عايشين بالبساطة
سلام عليكم ربي يحفظك على النصايح برك حبيت نصيحتك في مشروع الخياطة انا شريت متريال بعت ذهبي و صبرت و كلش بصح كيفاش ندير نشروع للعلم المتريال راهو في دارنا و مانقدرش نجيبو لداري و نطلع لدارنا مرة فالشهر خفت نخسر نخدم و مانصيبش ليمن نبيع و الفيسبوك مزال ماحوست
ههههه حسيتك تربي فينا والله انا درتيلي القلب راجلي ميعطنيش والله نخبي بالآ الف راني امين 200الف ديرلنا فيديو واش نديرو الدراهم كي نلمو البنات ادعولي ربي يرزقني أنا وكل محروم 6سنين زواج من دون اولاد والله 😢😢😢
والله يا ختي تدخلي للقلب بلا استئذان حبيتك و حبيت النصائح تاعك واول وحدة نتبعها وتقنعني في كلش وانا راني من فيديو لخوه علابالك تع فيديو بيت الخزين عاودتو 4 مرات احبك في الله واصلي اختي و كون تصيبي كل يوم حطيلنا فيديو منشبعوش منك
والله حفزتيني رب يحفظك ...بعثت الفيديو لنساء خاوتي راهم في العشوائية كي حالتي ...مع العلم انا مازال ماش عرسي و خدامة و راني نحسب باه نكمل شورتي...و ماش حبا نسلف باه نشري و ندي معايا و يقولوا اي دات ندي على قدي... و الله والله حفزتيني ...هذه الافكار اللي راح نبدا بيها حياتي الزوجية ان شاء الله..ادعيلي ربي يهنيني و شكرا❤
من نهار تفرجت لفيديو هذا حياتي تبدلت وكل ما نحس روحي راح نرجع لطبايعي نرجع نعاود نتفرجو
كيفي😅😅😅😅
ملي نقصت هذ الحوايج صبت روحي حمد لله خدمت كوزنتي وتولت داري هدفي نشرو طوموبيل ان شاء الله ربي يعينا يارب
كنت قاسية عليها شوية.المهم حبيت نقول أنو مهما تهدري وتقولي لازم هي يكون عندها استعداد تتغير من الداخل وتغير نظرتها للأمور وبالتالي تنجح.وربي يوفق الجميع.
أمين اختي الله يوفق الجميع
كان لازم تسمع كلام يوجع باش تفيق وفي صلاحا ربي يوفقها والله غير غاضتني
عكس لازمها هكا صفعه باه تفيق. انا راني كيفها تقريبا
@@marammimita7453 امالا لازم انتي تاني اجوزي تاخدي صفعة بصحتك والله يوفقك
عندك الحق انا ديت وديت ورحت وكي ولات فيا تلفون والله مايسقسو، وزيد في مناساباتهم يعرضوني ويقولولي جيبي بلا قاطو هنا فقت بروحي وبلي راهم يستغلو فيا وليت منروحش فقت للعب يروحو يرنكو تع مصالح
صلة الرحم مش لازم نتقطع لكن تدي على حساب طاقتك أختي و الله يوفقك و مرحبا بك
عندك الحق بنتي راني كبيرة و هاذا وين فطنت كنت انا الاولى في العرضات هذا قاطو و هاذو دراهم و نزيد نعاون بيدي نخدم معاهم كلش حتى نهار زوجت وليدي ما لقيت حتى واحد في كتا في مكاش لي عاوني يا لكان بكلمة كاش ما تحتاجي الحمد لله من هذاك النهار راني نتعامل معاهم بالقليل ربحت راحتي و دراهمي
شفتي ميمتي الناس مراهش فيهم الخير ، الله يسعدك و يوفقك و مرحبا بك
انا عزباء ماما تهني بدراهم وانا ندخل بسنيوات الحلوى وخلي وخلي وحتا خويا يمد دراهم وكادووات
بصح خذيت درس وتعلمت ندير حساب لدراهمي
والله يا اختي كنت كيفها،التحماد بالدراهم و القاطو ومانقنعش،ومين جات في بنتي واحد ماجا لعندي،ايا قطعت كل شيء و راني غااااااااااااااااااااااية.
اختي موضوعك كيفي حبيت نشاورك.نساء عمامي مشيتهم فمراضهم وفي فرحهم.وانا بنتي نجحت.درت عملية.زوجي عملية ولدت وختنت يقولو مسمعناش ومعندناش.غاضتني روحي.بعثولي كارت لغرس مرحتلهمش راني غالطة ولا لاالا
بصح.ختي عن تجربة كي تقطعي العلاقات مع الناس تولي غاية. تولي ماتحتاجي تروحيلهم ماتخمي في لبسة باه تقابليهم مايضيفو عندك بلا مانزيد الهدرة لي يخلوها في خاطرك..الواحد لازم يقلل دائرة المعارف باه يعيش هاني. ويأفونسي في حياته.
@@abcdefghijklmnop2289 مزية فرحتني ايه قطعتهم ومرحتش عرسهم عيطت لمرت عمي قتلها مبروك مقاتلي لا ارواحي ولا بلاك مجيش قتلي ايه بعثنالك كارطة بسلامة ايا مرحتش
كاين مثل شعبي يقول
كي تكون من عندي وعندك تنطبع 🤝 وكي تكون غير من عندي تنقطع👌💯
أمشيو بهاد النظرية وضميركم مرتاح وهاني
راني كيفك تهنيت منهم والله ريحت
والله يا اختي غي فرطنها في رواحنا خوينا جيوبنا غي باش يقولوا هدي إمرأة حنينة وكريمة ونشروا المحبة سعاك هدا شي غلط غلط شكرا بزززاف على فيديوهاتك و نصاءحك الراءعة والمفيدة
العفو اختي شكرا لك و مرحبا بك
غير بديت نشوفك حبست ليكوش لولادي ووليت نحسب واش نصرف شكرا ليك اختي و لميت 2 ملاين خبيتهم شكرا بزاف❤❤❤
برافو اختي 👏👏👏👏
تسما بديتي بلولاد مساكن 😊
ايه كي بديت نحسب لقيت ليكوش كلاولي دراهمي بزاف بديت بيهم
@@yahiayasmine2683
مليح ليهم مساكن 😁 راهي السخانة بزاف🔥
انا ثاني راني نحاول مع وليدي باش نحبسهوملو
قلولي كيفاه نحي ليكوش لتوأم بنات تاع ثلاث سنوات والله راني نحاول بصح هوما مايقولولي حابين يدخلو لتواليت عاونوني
والله كلامك في الصميم تروحي للناس بالقضيان و الدراهم وكي تجي فيك حتى واحد ما يديرها فيك و النصيحة لكل امرأة ما تكثروش لحباب والاصحاب من الفميلة و الجيران
الفميلة المقربين كفاية رانا في وقت مايرحمش معظم خرجات النساء رياء نعاونوا الشبعان والقليل نستخسرو فيه الباروك والكادو
شكرا اختي مرحبا بك
والله غير ونخلص عشرة ملايين نعرف وين نحط دراهمي.أمي الله يرحمها علمتني قيمة الدورو.الإقتصاد نصف المعيشة
الله يوفقك اختي و يرزقك من واسع رزقه
ربي يبارك في رزقك ويزيد ،، قولي على املاكك ماشاء الله لا قوة الا بالله،، الله يحفظك يا رب
الله يبارك ختي قولينا على الطريقة كما درت ما عرفتش وشكرا وربي يحفظك إن شاءالله
بصحتك والله هاذي مشكلتي ما عرفتش كفاش ندير كل ما نحاول نرجع
حتى انا نفس الشيء راني كيفك ، نعرف الحمد لله قيمة الدورو مليح ،
تأكدي كون تولي تبيع وتشري ولا تخدم مسمن ولا قاطو هذو معارفها لي كانت تدير معاهم الواجب والله ميشرو عليها انا لي ليا عارفيني نخدم القاطو والمسمن والله ميكموندو عليا الحسد فالاقربون ربي يكيكها بحالها هذي
كاينا ومجربتها صح متعمريش راسك بيهم اخدمي مع البراني أما لي ليك غي لي يحسدك حاشا البعض من لفامي
و الله يلا نيشان عند الصح !!!!
نتمنى ديريلنا فيديو عن الفتاة العزباء لي ماتعلمتش الشطارة من صغرها و ما تسلكها ني في كوزينة ني شغل ني والو .. دوكا كبرت و راهي في عمر الزواج و حصلت من تبدا 😢
هذا موضوع جد مهم لازمه فيديو أختي ان شاء الله
@@Elmaranajiha انشالله اختي بارك الله فيك 🌹
ربي يهديك واش ديري بالشغل الدار. راه ما يخلاصش واحد ما يستهل تخدميه روحي ديري ميتي. روحي تعلمي حرفة. تنفعك. دخلي دراهم واحد ما تصيبه وقت الشدة
عندي اختي هكذا ورافضه تتعلم اي حاجة يا ريت ديريلنا فيديو سبيسيال يأثر فيها نهار كامل مع تلفون عييت ننصحها والو
ننصحك بقناة جنة الدنيا دير دورة الانوثة فالتلغرام تهدر فيها على الطفلة الاتكالية وكيفاش تتغير...جربي ماتندميش
السلام عليكم كل فيديو نتحفزو اكثر واكثر ملي بديت نتبعك تغير تفكيري تماما ووليت نصرف بعقلانية اكثر مدابيا ديرينا فيديو على كيفاش نتخلصو من عدم التنظيم في كل شي راني حاسة روحي عايشة في فوضى وقتي ضايع و مضغوطة وانا مانيش ناجمة نتحرك ومن بعد نتقلق ونقلب زعافي في اولادي
مهتمة
نيشان الضغط و الفوضى يمرضوك و تخرجيها غي فالاطفال مساكن، كل حاجة ماحتاخطجيتيهاش مدة سنة ارميها او صدقيها ، و تنظيم و تنظيف البيت درتلكم فيديو على جدول التنظيف شوفيه ، و الاكل تاني ديري جدول اكل راني دايرا 2فيديوهات ، و بشوية تلقي افكارك ترتبت و الضغط نقص عليك ، و الله يوفقك اختي
السلام عليكم اختي كلامك صواب وعندك الحق لازم المرأة تكون واعية وقافزة وماتخليش النسا يضحكو عليهاعجبتني بزاف قناتك واشتركت وفعلت الجرس ومزيد من التقدم ان شاء الله
شكرا اختي مرحبا بك و الله يوفقك
كيفاش اختي يضحكو عليها؟ ؟زيدي فهميني لاخطرش انا تان كي زيدت مجاونيش وانا نروح ليهم
ماشاءالله ملي شفت قناتك تبدل تخمامي مالكري مزالني صغيرة و معنديش مسؤوليات 🤩 شكرا و ادعولي نلقا خدمة و ربي يفتح عليا و لكم بالمثل و بارك الله في مولات القناة
شكرا حبيبتي مرحبا بك و الله يرزقك و يسعدك و يوفقك اختي
سلام..... اختي نتمنى تهدري على الحسد في المال...... ان شاء الله.... مهما اندير الدراهم يطيروو من يديا...... بطريقة فضيعة...... نتصدق.... و كلش و لكن والوا مايبان اعليا.... والو ديما محفظتي فارغة...... و انا عارفة انه حسزد بالمال لان مرة.... و الله زوجي عمل عمل أدر اعليه بربح رحنااا بيه عطلة لتركيا...... و هيهات الدنيا طلعت فوق بعظاها... و لاو يقولو زوجته مدبره....... تعرف تتمشى على ذيك وفرت حتى راحو العطلة مكلفة...... من ذاك الوقت و انا اعاني اعاني..... لحد الساعة و
نحي هاذ الإعتقاد من عقلك اختي ، كل ما تكبريه في عقلك يترسخ و يتجسد في الواقع تاعك ، الله يرزقك اختي
بردتيلي قلبي. أنا راني كيفها 😢 هاذ الفيديو لازم نتفرجو كل ما تجيني خرجة ❤
ههههه ، لازم تتفرجيه كل يوم الصباح كي تكوني تتقهوي !!!! الله يوفقك اختي و مرحبا بك
عهه حتى انا نتفرجوه صباح وعشية
يعطيك الربح ضحكني تعليقك
والله ضحكت من قلبي على نهار تاكلي و نهار تصومي ..و كي قلتي اكري الشدة ومنها احضري اعراس تبغي لمات هههههههه
نستعرف بيك صح عندك الحق تصومي نهار وتاكلي نهار ولي جاها الضحك نقولها مايحس بالجمرة غير لي كواتو
باش ديري حاجة في حياتك لازم تخرجي من منطقة الراحة تاعك
انهار ايجربو يحمدو ربي صحة في الجسم وتوازن في المعيشة🎉
كل مرة تحطي يدك على جرح لي ما نعتارفوش بيه شكرا على النصائح ولي يبغيلك الخير يبكيك باه تفيق من الغفلة الله يوفقك
شكرا اختي مرحبا بك و الله يوفقك
@@Elmaranajiha أرجوك ردي على تعليقي😢😢
والله نيشان
تاكلي انهار وتصومي نهاااار 😂😂😂😂الجيران سمعوني من الضحك ❤❤❤❤❤❤❤❤❤❤
🤣🤣🤣🤣🤣
و الله يلا طلعتيلي الدم لراسي !!!! كون جات قدامي منعرفش شا نديرلها !!!
هدرتها كي.السكر.عندها.الحق.هههه
بالصح حابة مصلحتها
Rahi 45 daraja w t9oulha diri bit b zingle
والله ياختي كنت نضل نهني السنيوات القضيان الدراهم وضرك 50 الف ولات تغيضني نحسها نحيتها من حق ولادي
الوقت صعاب يحسن العون
حتى انا وليت هكاك
والله عندك الحق أختي
@@Elmaranajiha انا اختي حمدتها وكي جات في ولدي والله ما حات صايبي هنيت روحي منهم لاع
يا أختي عندك الصح و الله إلا هزيتيني كقلتي بلي ساكنة في بيت واحدة و تمشي تتباهاي بالهدايا رانا كامل نشبهو لهذه الأخت الله يهدينا يا رب شكراااا لك ❤❤❤
الله يوفق الجميع اختي و زيري روحك
انا نعطيكم حيلة شيرات حصلوا فالراجل بلي قبيح انا مانحمدش من غير خوتي الله يسمح هادوك اختي لي راكي تديلهم صدقيني ياكلو قاطوك و يهدرو فيك. هاد الوقت اختي مكاش حباب حبيبك هو داك الراجل لي راه يهنبر باش يعطيك الدورو تلعبي بيه انت ربي يبسط الرزق كي تحافظي عليه ربي يزيدك المهم اتقي الله و كي تبغي تخرجي روحي عند لي يبغوك بلا ما تجيبي و تحطي . نهار سعيد لبنات ام يونس .
شكرا اختي مرحبا بك
سلام اختي شكرا على مجهوداتك ،يا اختي راجلي يمدلي 6000مصروف فيها كل شيء وميزيدنيش ويكمل الشهرية في 15 يوم ومايبغيش نديرو تقسيم ،قوليلي كيش نقنعه يبقى يمدلي الشهرية ونتعلم نتصرف مع العلم عندي 3 اولاد و ماعندي لا دار لا لوطو نسكن غ بيت في دار شيخي 😢لله يجازيك كل خير
الله يسترك دريلنا موصوع
6000 دج حمبوك قوليلي شا دير !!!! متقوليلهش اعطيني الشهرية ، قوليله اعطيني مصروف المطبخ فقط و نتي ديري تقسيم و ديري بيت خزينك و لمي دراهمك و الله يوفقك اختي
مع النصائح التي سمعتيهم أختي عليك بسورة البقرة والاستغفار يوميا تقرايها مع زوجك وولدك اذا يعرف يقرا والا يجلس معاكم او يسمع وان شاء الله يجيك الخير وربي يفرج عليك.
شكرا اختي
يا 🤗🤗🤗ختي أنا نخرج غي لخواتاتي وخاوتي ف ق ط هاكا ولي كادو على حساب ما طاوني ردلهم خويا جاب لبنتي قورمات ذهب رجعتلو سلسلة بنت خويا كي ربحت البيام لعقوبة للباك إن شاء الله❤❤❤❤ ... انا 😀😀😀خدامة دايرة نصف الشهرية فلكونت ندسهم للسكنة إن شاء الله ونص فيها مصروفي مصروف بنتي الطوارئ الترفيه الانترنت الصدقة ودايرة 4000 DA ادخار كاشما يسحق راجلي ميروحش يتسلف من برا ولا كاشما نسحق ولا دارنا شغل نتسلف من عند روحي انا مكنتش هاك بصح طاحت بيا خطرا ديت صفعة بحقها تربيت....تستفت❤❤❤
1:05
1:05 1:05
سلام اختي فهميني كيفاش تسلفي على روحك اعطيني مثال باش نفهم ادا حبيتي
@@نوراليقين-خ8ضانا تان اختي دايرة مليون مخبياتو على جيهة ماشي ادخار في آخر الشهر تخلاص الشهرية نجبد منهم و كييخلص الزوج تاعي نعاود نرجعهم و نكمل بالشهرية اللي قعدت واحيانا ما نحتاجهمش خيرمن نتسلف من عند الناس
@@RedouaneAymen-sg1vpأنا هكا ندير و خرجت عليا حتى الزوج كي يحتاج نسلفلو منهم
سلام اختي بارك الله فيك على فيديوهاتك المفيدة و الممتعة تقدري تمديلنا ماركات اقتصادية في المواد الغذاءية مثلا الطماطم علب الاومو جافيل تون هاكدا باش ننجمو نقتصدو كتر في المواد الغذاءية و شكرا
تسما ندير اشهار بالجملة على جميع الماركات هههههه، ان شاء الله اختي
شكرا،شكرا،نورتيني،انا،ثاني،مبذرة،كما،هاذ،الاخت،بصح،من،اليوم،وصاعدا،نعمل،بنصيحتك،الذهبية،ربي،يخليك
شكرا اختي مرحبا بك و زيري روحك
ما شاء الله عليك الله يزيدك نور على نور واصلي بفيدوات تاعك هاذو انا شخصيا متتبعه وفيه ليك واستفدت بزاااف منك جزاك الله كل خير حبيبتي
والله تاع تاكلي نهار وتصومي نهار قتلتني بالضحك بعد ما كنت مقنوطة حتى ولادي جاو يجرو قالولو ماما راكي تضحكي 😅😅
الله يجعل كل أيامك سعادة حبيبتي ، الدنيا و الله ما تستاهل قيسي موراك
والله غير حتى انا ضحكت من قلبي ،غزات فيها
هيه حتى انا والله ضحكت هدرتها عسل ههههه
😂😂😂مام انا قتلتني بضحك
فحلة الله يبارك ولسانها حلو قتلتني بالضحك،ربي يحميك❤
اختي من فضلك حكاولي عليك وقالولي عليك بزاف ....وكي دخلت هدا اول فيديو شفته عجبتني هدرتك وتاع الصح كلامك مقنع
بغيتك تقسميلي مبلغ ثلاث ملاين حنا ربعه انا وراجلي وزوج بنات وحده سنه تدخل التحضيري وصغيره عام و9 شهر بالكوش وتشرب اللحظه ....هاد ثلاث ملاين دايرينها الماكلة وفاتوره وخليلي ملبغ طوارئ
من فضلك ديريني في راسك انا خيتك بيسك راجلي هو لي يتمشى بدراهم وانا نزل نحكيله على قصه الاضرفه وتقسيمات ....وقالي شهر جاي نعطيك قسميها ونشوفوك ادا تكفيك وماديريش دين
عجبتني نتاع تصوم نهار وتفطر نهار والله حبيبتي عتدك الحق 😊😄😉😀
شكرا اختي مرحبا بك و الله يوفقك
شكرا جزيرا على النصائح الثمينة، من فضلك اختي ممكن ديريلي تقسيم شهرية ل 3ملايين حيث اسرتي تتكون من انا و زوجي و طفليين و شكرا.
السلع الغذائية 7000 دج ، الخضر 4000 دج ، اللحم 4000 دج ، الحانوت 4000 د ج ، الفواتير 2000 دج ، الطوارىء 2000 دج ، مصروف الزوج 3000 دج ، مصروفك الشخصي 2000 دج ، الادخار 3000 دج ، الله يوفقك اختي
اختي عجبتني قناتك لمحتواها وليت كل يوم لازم نسمعك خطرات نبقا نعاود نفس الفيديو شحال من مرة ماشي خاطر راني فاضيا لا خاطر كائن الهدرة الي نديرو بيها القلب لازم نسمعوها شحال من مرة
شكرا اختي مرحبا بك و الله يوفقك
بصح لي تولدي يمدولك بالمليون و يجيبلكسنيوة ڨاطو و الجاج و القضيان متقدريش مترديلوش
هادو الناس راهم قريب ينقارضو !!!!! قليل وين تلقيهم ، و هادو أكيد أديري الواجب معاهم
دراهمي راهم يروحو غير فالتبوريكو التحماد من فضلك اذا ممكن تديريلنا مشاريع للاستثمار مدخرات تساعد المرأة العاملة
راني مادة أفكار كثيرة في عدة فيديوهات على المشاريع
هده تذبيرة دارتها جارتنا هده عوام ولات كدير حاجة متشدش الدراهم دقولك صدقة لوجه الله حتي في عرس وكتروح متمدش
نقصي من المعارف خلي غير الأقارب.......
كل عام و انتي بخير أيتها الناجحة
بمناسبة السنة الهجرية الجديدة
اتمنى لك الخير و الهنا و السعادة 😘😘😘
شكرا حبيبتي ، كل عام و انت بألف خير و مزيد من النجاح و التقدم و التألق ان شاء الله
@@Elmaranajiha
ان شاء الله . شكرا حبيبة قلبي ❤❤❤
كلام من ذهب .فكرتيني نهار كنت مع الانتهازيين حنا ديسيدينا عليك كذا وغير من زوج وثلاث ملاين وطلع . وانا الدار معنديش يبروفيتو في خوهم . بصح هناني ربي وخرجت وراني لالاهم وخير منهم وراهم غير يكحلو وعوضني ربي على قلبي . وهوما مزالهم طلالبة ولاو يبروفيتو في بعضاهم وتقاتلو على البروفيتاج . ونتي يا الأخت غير ديري القلب هاذوك لي تروحيلهم بالتحماد فوق طاقة زوجك كي تخرجي يضحكو عليك ويقولو كون جات مرا راهي لمة ودارت الدار . كيما قالتها الحية المسمومة ضحك مرا على مرا طبو الكي بالمجمرة
شكرا اختي مرحبا بك و الله يوفقك
يابنتي الله يجازيك
اذا تقدري عاودي فيديو كيما هذا لاخواتك اللي يحبو يسمعو غير الفيديو الجديدة . راه قريب ايامات النجاح . باه يعرفو يتصرفو
بارك الله فيك اختي مرتاحين نغيروا على بعضنا ونمدوا نصائح لبعضنا كيما هادو و هادي لي يسموها أخوة في الله وكنصيحة اخرى زيديهالهم هادي ديتها من تجريتي عندي40 عام الآن هي لي ماتصبرش ولا مايصبرش عمره ما يوصل لهدفه في الدنيا في كل المجالات خاصتا 3 صوالح يتمشو مع بعض الإرادة والعمل ثم الصبر حتى تتحقق النتائج هادو نسميها انا مثلث النجاح يعني مثلا إذا جبتي شحيحة وبديتي تخدمي في مشروع وتعمري فيها ثم جاك تحماد تدي ماتلقيش دراهم آمالي تخلي شحيحة كحل تجبدي منها وتروحي هنا ماكانش صبر إذا طبعا ماكانش نتيجة لازم لا بغينا نوصلو لأي حاجة فالدنيا لازم نحترمو قاعدة مثلث النجاح:إرادة.عمل.صبر
كلامك صواب اختي شكرا لك و مرحبا بك
انا اختي راحت رفدت كادويات من عند كوسميتيك كريدي وخيانا على راجلها باه تحمد للغاشي الراشي ولازملها ادير تعيارات موخدة في صحتها الله يهديها مهبولة وصايي
ختك خصها سوطة تع كلاب .. الله يهديها
اختك خاصها عقل ، راحلي معندهش منديرش !!!! الله يهديها
هذي تاع الدير الكريدي مور راجلها واااعرة حابة تخرب دارها؟
قوليلها يا البهلولة تصيبي غير دراهمك كطيح بيك ، ناس تحوس على بيضة وانتي تحمدي بالبلا شكرا على تحفيزك ❤❤❤❤❤
العفو اختي مرحبا بك
كلامك صواب صح...مي تقسيم لي تقولي عليه محال ...مهيش غير ماكلة...حوايج تنظيف..حوايج دوش..ترنسبور...ماء وتريسيتي....سعات دواء...طفل يقرا لبسة...ادوات لمجة...كلش غالي...ودراهم مولاوش يقضيو....الحل دير مشروع تعاون روحهها
راني قلتها لها في الفيديو ، التقسيم الضروريات و 2000 دج تاع الطوارىء للامور لي قلتيها
انا كنت كيمانهاك نروح لعندهم وندي الكادو لكن هما جامي دخلو لداري ولا يمدولي من ثما حلفت ميزيدو يدو فرنك ومنروح عند واحد مايجيني واحد وراني غاية الغاية
القطيعة مشي مليحة في صلة الرحم لكن كل واحد يدير على حساب طاقته
ونبقاو غير حنا نروحو ليهم ؟ ؟وهوما جامي دخلو لدارك؟ ؟لالا مجاياش كامل
موضوع ف القمة❤ نعطيكم تجربتي انا قصتي مشابهة لصاحبة الرسالة انا موظفة كنت ف كل شهر. عندي الواجبات مع اهل الزوج الجيران. ف كل مناسبة نروح ديما ندير حلوة ودراهم ولا هدية وديما نقول انا عاملة لازم تكون الهدية محترمة وف الاعياد نخدم كمية مليحة تاع قاطو وندي لعمات وخوال راجلي دار شيخي نعيدو عليهم ونديلهم حقهم لاحظت ولا واحد يرجعلي الصحن فيه القاطو وك تكون عندي مناسبة ولا واحد يجيني ماتو الاقربين ليا وف نفس المنطقة يقولو هاذيك ل توفات خالتك ماعلابالناش كنا نحسبو تقوليلها خالتي اجهضت ولا واحد جا مع اني دخلت للسبيطار وخرجت عطلة مرضية ولدت ابني كاين ناس بعثولي مسكوتشو مع بناتهم صغار وقالوليلي ماعندناش الوقت باش نجوك 😮 وليت نعامل بالمثل ل جاني نروحليه وكل واحد نهنيه على حساب القيمة ل دايرهالي
كلام صائب و الله غي لقلوب شيانت الله المستعان
ياختي انا بنيا فوضوي زوجي خدام مليح ودراهمو رايحين دخان ومليه هذو عرضات عييت نهدر قالي روحي الل بغيا تروحي كرهت عتبة ومعنديش وربي افرج عليا ان شاء الله
يا اختي انت ماطيحيش غليه انت وانت لا لا اختاري وقت المخدة هههه وغنيله اغنيتك ههه وشوفي كيفاش يولي يسمعلك وادعي ربي
كتري الدعاء أختي و الله يهديه ، غي بشوية و سايسيه
بارك الله فيك على النصائح ،من القلب !!
الكلمة لي توجع تبقى في القلب ،و تحفز الإنسان !!جزاك الله خيرا !!
العفو اختي شكرا لك و مرحبا بك
خواتاتي ننصحكم اتعملو الخياطة...في الأعراس هدية تفريشات السرير ..وفي المولود هدية تفريشات للبيبي...انا هاد الخطرة صحاب البيام اشريت قماش ب40الف،وخيطت سراول واعطيتلهم هدية...والحمد لله
نصتعرف بيك لقيتي الحل
ياختي شانقولك ربي يعطيك الصحة بالدوبل ونعمة التربية شحال كتبت هدا الموضوع وعلقت عليه وهدا وين بردتيلي قلبي يرحم الكرش لي جابتك تامني والله فرح كي دخلي هدا الفديو ربي يوفقك وان شاء الله نكون من متتبعاتك الغاليت سلام
شكرا اختي و مرحبا بك و الله يوفقك
نتمنالك التوفيق ونشكرك بزاااف بزااف
تحية طيبة لك من متتبعة مغربية ❤
مرحبابك اختي و الله يوفقك و يحفظك
الله يعطيك الصحة على نصائح اليوم عاد تعرفت على قناة تاعك راني من فيديو لفيديو هاد النصائح في داك الوقت غيل لي يبغيلك الخير لي يعطيهملك والموضوع عجبني بزاف سيرتو لينا حنا النساء لي هو التحماد انا خدامة ودايمة كي نخرج نخرج بالمعقول وندير كيما يديرولي مانزيد مانقص كلي الدين ورديته وصايي هكاك وكاين لي والله مايحشمو كي تجي فيك يضربو النح ومايجوكش بصح هادو قاع صفيتهم من حياتي ورديتهم للمقام تاعهم بكل بساطة لي يديرلي القيمة والواجب معايا نقيمه ولي مايديرليش نكلاصيه .
شكرا اختي عندك الحق ، مرحبابك و الله يوفقك و يسعدك
اانا ولله ملي تزوجت ماخرجت الا للموتات و المرض ودراهم الكدوات والقاطو تا لعراس والحفلات ولله غيرلايمت ودرت سنسلة تاع دهب ب١٠ ملاين وقرمات تاع ٩ ملاين ومنقوش تاع ٦ ملاين هذهية نديرهم ذهب نحتاجهم في المستقبل للسكنة نشاله متكثرش اللبسة والمصروف الزايد ٠
بصحتك اختي و الله يوفقك
السلام عليكم اختي ارجو الرد بسرعة شوفي اختي. عندي دين حوالي 13مليون والحمد الله اليوم توفر عندي المبلغ تنصحيني اختي نرد الدين ولا ندير كاش مشروع مع العلم مكملتش البنيان ومعندي حتى شيء في بيت لااواني لا فراش حجا مكانش 😢 تنصحيني مع العلم شهريتي 4ملايين
أولا الدين اختي ، كي تكملي دينك ديري شا تبغي ، الحمد لله المبلغ مشي كبير، الله يوفقك اختي
@@Elmaranajiha شكرا اختي ربي يعينك
انا نحشم وكي نخرج نخرج بقرة وبنتها ومانيش خدامة ربي يسامحني نقول ربي يفرج بصح مش قصدي محتاجة كل شي باه ماتقولش ناس عندكي مسكينة ماعندهاش هذا شي كامل واحد ما يوجب معايا مايعطيني بصح ماكانش لي دارولي قلب 😢😢😢😢😢😢 درت دار في دار شيخي وضك رانا برا نتلاوح
الله يفرج عليك اختي
سلام.اختي نحب نصائح ليا انا ام لثلاث اطفال 8-6-4 زوجي عامل يومي وكارية وان عندي غير شهرية نتاع سكر 300الف ومرات نديرلكور انجليزية هذا خلال العام الدراسي حابة نلم دراهم ولا ندير مشروع والزوج ميمدليش لي يدبرهم قيس الكرا و المعيشة انصحيني تعيشي مرات نقول نشري آلة طباعة ونعود نخرج لي سوجي الاولاد مرات نقول ندير خياطة وووووو اغيثيني
الله يوفقك اختي ، شوفي الحاجة لي نحبها و تتقنيها ، في حالتك مننصحكش تخدمي مشروع برأس مال كبير ، غي بشوية و الله يرزقك اختي
الفيديو هذا حفزني الله يعطيك الخير و ماتتمناي اول مرة نشوف فيدوياتك انا بديت مشروع بيع و شرا العام لي فات و مور رمضان كلش حبسلي ما بعت والو غير نشوف فسلعة و نتحصر الله يجيب الخير
كاين فترات تحبس فيهم الخدمة لكن متفشليش اختي ، مرحبا بك و الله يوفقك
والله يا كلامك يبرد القلب ويفيق البهلولة لي ما تعرفش صلاحها
شكرا اختي مرحبا بك و الله يوفقك
كما انا
والله والله يا ختي أنا هنيت بلملاين وربي شاهد على ما أقول جاب وليدي الباك دورو ما عطاوهالوش وهذا العام بنتي كيف كيف توصي للجاية بإذن الله فوق ميتالف ما نزيدش
شفتي اختي ،معليش الله يرزقك و يسعدك
الله يعطيك الصحة حبيبتي على كل النصائح الشابة والله لكان ماترفد روحها من الهم مكانش ليرفدها ويحسبيها قال الله تعالى ولاتبذر تبذيرا ان المبذرين كانوا اخوان الشياطين وكان الشيطان لربه كفورا صدق الله العظيم
شكرا اختي كلام في الصميم، الله يوفقك
والله ياالاخت الخدمة راهي زهر انا والله العظيم نخدم القاطو نخدم مليح ماشاء الله بصح قاع يبغو باطل كي نقولهم راني نخدم بالدراهم يروحو يشرو من عند ناس اخرين ولا كي تزير ما يكنوش عندهم الدراهم .والله كي نشوف لحالتي نقول لاحولة و لا قوة الا بالله .عندي حب كبير لهذا المجال بصح الزهر 0 .انصحيني .اعطيني الحل .من فضلك
متحوسيش على الناس لي تعرفيهم ، بيعي المحلات مباشرة لابغى الربح ضئيل ، و ديري باج انستقرام او فايس و حطي صور للعمل تاعك و الله يوفقك اختي
انا استاذة نخلص 4ملاين 300 شهريتي تروح غير في في المصاريف تاع الدار ونعاون راجلي رغم انه يخلص خير مني والناس لقراب لي إطمعو كل مرة نعاون واحد نصحيني تعيشي.
روحي شوفي الفيديو لي قبل هذا الفيديو: تقسيم المصروف بين الزوج و الزوجة راه فيه كامل شا تستحقي و الله يوفقك اختي
@@Elmaranajihaراهي تقولك الناس لتطمع في شهريتها وكل مرة تعاون واحد
الخدمات شهريه تنكل وشهريه تاكلها العين واللله
عندك الحق حد ماحس بحد اليوم جهدك ولا جلدك انا نعرف شي وحدين يضلو يصرو في الدراهم ونساهم عند باتهم يصرفون عليهم عقلية كي دايرة 😮😮ولا يبغوك انت تعطيهم وتزيدي فيهم حاسدينك على رزقك ماشافوش التعب و الشقا وتزيري بأه تعملي على جنب يشوفوك غي تبزيهم بصح على راسي ولا والدتي ولا ولادي حد واحد آخر ربي يرزقنا واياهم ولينا في وقت نفسي نفسي
هادو عندهم نفسية مريضة الله يهديهم ، الله يوفقك اختي
سلام وعليكم معاك اختك فالله حياة انا من المغرب ،طلعلي فديو هدا بالصدفة وعجبني كلامك وطريقة شرحك زوينة ومعقولة لهدا اشتركت معاك ونتمنى نستافدو جميعا وجزاك الله كل خير ❤❤❤
شكرا اختي و مرحبا بك و الله يوفقك
@@Elmaranajiha اللهم امين 🙏🙏👍🏾
السلام عليكم اختي ربي يحفظك على التحفيز لي تحفزينا وتكاكينا بغيت نطلبك ديري فيديو فالقريب العاجل على خالتي كي تفرجت هاذ الفيديو تشجعت باش نكتبلك هي متكفله بالعائلة ومصاريفها تخلص 10ملايين وهوما فالدار 4افراد بيما فيهم جداتي مصاريف العلاج تاعها بالدواء 3 ملايين و 5000 ليكور لولدها تقريه اللغاتوالباقي مصروف الدار عايشة بعشوائية مديرش حساب ودير الدين باش تكمل الشهر ديريلها تقسيم وحفزيها باش تلمد في كورونا مرضت جداتي حتى باعت الذهب باش داوتها صدقة عليك ديريلها فيديو خاص بيها وديريلها القلب
ان شاء الله اختي
واللله لا عندك حق احنا نساء نكلفوا رواحتينا بزاف والوقت اختي صعيب تخلصي واش تخلصي اومتلقيش روحك لازم ميزانية مشدودة وياربي راح نمشي بتقسيم الي كتبتهولي هاد شهر شمرا حبيبتي وجزاك اللله الف خير
العفو اختي مرحبا بك و الله يوفقك
امين يارب اجمعين حبيبتي
معك حق لابد للأم أن تربي بناتها على الإقتصاد لان الحياة فيها موت و حياة وظروف قاسية لابد ان نكون مستعدين لمثل هذه الحالات
الله يقدرنا اختي و يوفقنا
يعطيك الصحة يليق نربوا ولادنا على الاقتصاد
عن تجربة متكثروش الخرجات والله غير دور الزمان وتصيبي روحك هما دارو وانت مدرتي والو انا كنت مدة14 سنة وانا غير خرجات حتى كبرو ولادي وزمان فات والله مدرت والو لولادي ومع المعيشة غلات الله المستعان
يليق نخرجو غي للأقربون و ندو على حساب طاقتنا ، الوقت راه صعيب
شكرا حبيبتي عاى النصائح من القلب للقلب والله من كل فيديو راني نستفاد من كلامك كل وحدة راهي مقيوسة في حاجة ربي يفرج على كل واحد
شكرا اختي مرحبا بك و الله يوفقك
يسلم ذاك الفم ..... كلام صواب وعسل اذا بعد هاد الهدرة مادارتش القلب الله غالب ورب فرج عليها اسرع حاجة التجارة خاصة ملابس الاطفال والنساء
شكرا اختي كلام صائب ، مرحبا بك و الله يوفقك
يعطيك صحة على كامل فيديهوات لي راكي تحطيهملنا راني نستنى فيدوهاتك بفارغ صبر 🎉🎉🎉🎉
شكرا حبيبتي مرحبا بك و الله يوفقك
هههههههه يعطيك الربح والله غير عندك الحق رانا كل كيما الأخت موخدين من كاش جيهة.... شكرا على النصائح القيمة
العفو اختي مرحبا بك و زيري روحك
ياختي لالا نرفعةلك القبعة هدرة في الصميم👍👍👍👍👍
شكرا اختي مرحبا بك
الله يبااارك عجبتني في هدرتك والله انااا قطعت باسكو معنديش. حتي خواتاتي قطعتهم عايشة بتقاعد بابا نتمني ديريلي تقسيم سهرية ..الحمد لله راني عايشة مستورة بصح حبيت تقسيم لشهرية مليون
مرحبابك اختي ، قطيعة صلة الرحم مشي مليح اختي خواتاتك يجب ان تصليهم ، المليون على واش نقسمهلك اختي ؟ اكل و مصروف ام ماذا ؟؟؟
@@Elmaranajiha شكرااا اختي لرديتي علياااا انا مقطعتهمش لكن منساعفهمش...انااا ارملة ومعنديش وهوما يخرجو خرجااات غاليين من 300الف وطلع يعني ياااادوب نربي ولادي اول مرا ندخل عندك للقناة شكرااا علي تواضع والله ربي يحفضك حبيبة شحال من أخت لي فاتحين قنوات محبوس يقسموهالي اي قسميلي (الماء ضو انترنت ..خضرة وباقي بين حليب خبز بنسبة اللحم نشري 50الف كل شهر او شهرين جاج شهيااا حابة نتبارك بيهااا ونوفر منهاااا سيرتو بنتي طلعت لثانوية هاد عام بنسبة اختي نعاون روحي من دار والله العضيم مسدقتليش وحتي جمعيات سجلت روحي والله محبو يساعدوني لي يسمع حكايتي راه يتشوكا خاصة ارملة محبوش تان يساعدوني وقريت بيطالة خلصت عام وحبسوهالي مهم الحمد لله درت مستحيل لكن الحمد لله ساعدني في هاد تقسيم وشكرراااااا حبيبة ♥️♥️♥️♥️🌹 وبتوفيق يااارب
يعطيك الصحة كلام فالصميم يدخل للقلب ديراكت. لقلبها😂💯💯👍👍👍👍
شكرا اختي مرحبا بك
انا بمليون راسي وراسو نقضي و نوفر وراني بلكراء لقريب ليا نروح نهنيه بحاجة لنقدر عليها و لتزيد نروح لحوانت وين سلل و نخير ڨرونويار تع عام و ماتفوتش 500دج خطركش نهار طيح بيك واحد مايشوف فيك واحد ما يستاهل و الكل يولو بستشفاو فيك
صحيح اختي الله يوفقك و يسعدك و يرزقك ، مرحبابك
عندك مليار حق كثرينا من هاد المواضيع
شكرا اختي مرحبا بك
اول مرة نشوف قناتك قبل ما يكمل الفيديو اشتركت يعطيك الصحة نصائح من القلب
شكرا اختي مرحبا بك و الله يوفقك
شكرا كلامك يدخل في القلب انا نعرف ندير مسمن و محاجب او معرفتش نبيع برافو عليك واصلي
شوفي محل حدا داركم اقتارحي عليه تحطي عنده و يبيعلك و كي يبدنباع يخلصك و يزيد يشدلك الكوموندو الله يوفقك
@@Elmaranajiha فى مدرسة
قالك لي يحسب يفضله انا عن نفسي مانقدرش نعيش وكل يوم نحسب في صباعي راني عايشة بالتي هي احسن نصرف على روحي ونكرم الضيف لانها من اخلاق المسلم ونحاول نصدق من دراهمي والمستقبل على ربي.
و شكون قالك راكي غالطة ، آكرام الضيف واجب و صلة الرحم واجبة لكن حسب الطاقة و مشي بعشوائية فقط، و الصدقة لازم نبدو بيها كي نمسكو الراتب
ياختي والله يعطيك الصحة والعافية يارب كلام موزون ونقول للأخت ديري هذ الكلام في راسك وطبقيه وديري التاويل وهذا الكلام لينا كامل وبارك الله فيك
شكرا اختي و مرحبا بك و الله يوفقك
البناء في دار الورثة كارثة، غيييير مكالاه، كل النصائح تاعك رووووعة. يعطيك الصحة والعافية. اخذت من عندك بزاااااف افكار.
شكرا اختي مرحبا بك و الله يوفقك و يسعدك
الله الله كلام صواب والله حسيتك جابتك اما ❤❤ يعطيك الصحة وتوفيق❤❤في حياتك❤❤
شكرا اختي مرحبا بك و الله يوفقك
أول مرة ندخل القناتك عجبتني بزاف وعجبني محتوى تاعك ممتاز أنا ثنيك كنت دخلتها غير كادوات غاليين ومخرجتش عليا وأنا في دار الكراء وحمدلله عرفت صوالحي ذورك نأكل درو ونخبي ربعة درت ومنحلبش 😊
نخرج صداقة من داري نبعد لبلا وقررت لي ميردليش الكادو تاعي نحبس معاه الله يرحمك يا وردية كي قالتلها رجعيلي دراهمي
نيشان الله يوفقك اختي
تعيشي هاد الفيلم تاع وردية عندي شحال وانا نحوس ع الاسم ديالو باش نشوفو
يعطيك الصحة هذا وين كنت نخمم باه نبارك حتى نا يدي خاطيتني قبل ما نتزوج كنت نحن على لعباد ونباااااارك نفرغ جيبي وعيات ماما تنصحني محبيتش نسمعها ايا تزوجت غير عام طاحت بي وحد الطيحة اليمة الاواءل اللي شمتو في واذاوني اللي كنت نفرغلهم جيبي🎉 عشت الفقر والالم 4 سنين ونص فرج رب سبحانو علي
الله يوفقك اختي و يرزقك و مرحبا بك
اختي تعيشي ديريلنا فيديو عن كيف نوفق بين مسؤوليات العمل والمنزل رانا تعبنا بالزاف خاصة ليكون عندها اولاد صغار ..وبارك الله فيك وجزاك عنا كل خير ..❤❤❤❤❤❤❤❤❤
شكرا اختي ان شاء الله
سلام اختي استسمحك بالجواب على هذا الموضوع الهام و الشاءك بالنسبة للنساء العاملات و خاصة لعندها اطفال ياحليلها. اول شيء تعمليه هو النهوض باكرا لان رسولنا ص علمنا ان بركة امتي في بكورها
و ثانيا جدول تنظيم اشغال البيت من تنظيف و غسيل و طبخ و رعاية الابناء و اول انسان تهتمين به هو انت نفسك لان فاقد الشيء لايعطيه اهتمي بكل ما يعنيك و في كل الجوانب و ايضا يمكن تقسيم المهام لافراد الأسرة ان كانو كبار نوعا ما لان يد وحدة ماتصفق و الدعاء و الذكر والصلوات في وقتها والله المستعان
@@djamiladjeziri8497 شكرا ليك الأخت ربي يحفظك
اختي تعيشي ربي يرحم والديك ديريلنا فيديو احنا النساء الي معندناش الذراري و الله عييت يعرضوني و نحشم و انا واحد ما يتفكرني يالكان بقرعة جو و قع عايشين لباس بيهم و طامعين فيا انا الي مادرت حتى سبة تعيشي اختي نستنا الفيديو الي كما انا دير جام خليها توريلنا كيفاه نتصرفو والله لا تعبنا بزاف دايرنا عايشين غايا و احنا الطبيب باه روحو ليه نديرولو الف حساب
الله يرزقك الذرية الصالحة اختي و يعمر حجرك ، كي تخرجي اخرجي على قدك و على حساب طاقتك أختي و اعتبريها صدقة و راكي تفرحي في هذاك الطفل و ربي يعوضك ان شاء الله
@@Elmaranajiha مانيش نهدر على الي يزيدو كاين لعراس كاين خرج من لارمي جا من الحج من العمرة حفلات زواج والله بزاف اختي نضريت و الله الطبيب راني من فيغطفري موليتش ليه ما عنديش ماشي ساهلة ا ختي والله
يعطيك الصحه الفحله كلام في الصميم باش نديرو القلب و نديرو التاويل ان شاء الله
شكرا اختي مرحبا بك و الله يوفقك
علاه مديرلناش اختي على جهاز لعرايس والبذخ لناس متكلفة بيه ، مع شهرية بطالة تعيشو لعرايس ديرو جام للكمونتار تاعي .
اختي ديري على حسابك الضروري و الازم و متكتريش و المهم الهنا
جزاك الله خيرا اختي ويرحم والديك القطيعة ماش مليحة بصح الانسان يدير لعقل كي تكون عندو طريق يلبس الشي اللي عندو ويدي قدر ما يملك وترجع الناس شوية لزمان عايشين بالبساطة
كلامك عسل و جواهر ، الله يرحمك أختي ، و مرحبا بك
Y’a khti bahdeltiha meskina 😂😂😂😂 lela bessah hada wech yelzem yaatik essaha klamek swab … ou el okht hadi n’goullek wallah mayenf3ek hetta wahed ma tkhassri drahmek 3la hetta 3arbi ! Courage courage bark ou Rabi y3inek
Merci ma sœur
والله غير عجبتني الله يرحم هذاك الفم كل حاجة قلتيها صح ورانا عايشين فيها
شكرا اختي مرحبا بك و الله يوفقك
سلام عليكم ربي يحفظك على النصايح برك حبيت نصيحتك في مشروع الخياطة انا شريت متريال بعت ذهبي و صبرت و كلش بصح كيفاش ندير نشروع للعلم المتريال راهو في دارنا و مانقدرش نجيبو لداري و نطلع لدارنا مرة فالشهر خفت نخسر نخدم و مانصيبش ليمن نبيع و الفيسبوك مزال ماحوست
ههههه حسيتك تربي فينا والله انا درتيلي القلب راجلي ميعطنيش والله نخبي بالآ الف راني امين 200الف ديرلنا فيديو واش نديرو الدراهم كي نلمو البنات ادعولي ربي يرزقني أنا وكل محروم 6سنين زواج من دون اولاد والله 😢😢😢
ربي يحل حزامك ويرزقك الذرية الصالحة ❤
@@azzaskik7916 امين يارب العالمين ربي يحفضك
الله يرزقك الذرية الصالحة اختي ، و مرحبا بك ، و نصتعرف بيك ، هذيك 2000 دج انسيها و حلي عينك تصرفيها و نديرلكم فيديو في المستقبل حبيبتي
كلامك فالصميم. موجه لينا كامل. مام لي تخدم وتسلك مليح. انا شخصيا صراتلي هاد الصيف. خلصت سبع ملاين تع الشهريه وزدت بعت من اللويز تاعي غير على التباريكات وكيما قلتي التباهي و الفوخ ڨدام بعضانا وزيد الڨنادر كل ساعه واحدة بيها بتاويلها لوخر. رايحه نفلس. واااه هاد الفيديو حسيتو صفعه ليا باه نفيق. وكي يعود الفرح في داري يظهرو كامل معندهمش حبه حلوة ميجيبوهاليش.
شفتي كيفاش !!!! زيري روحك اختي
والله يا ختي تدخلي للقلب بلا استئذان
حبيتك و حبيت النصائح تاعك واول وحدة نتبعها وتقنعني في كلش وانا راني من فيديو لخوه علابالك تع فيديو بيت الخزين عاودتو 4 مرات
احبك في الله واصلي اختي و كون تصيبي كل يوم حطيلنا فيديو منشبعوش منك
شكرا حبيبتي مرحبا بك و الله يوفقك و يسعدك
بنت لوستي ربحت الباك ودارت يماها قهوة غدوى إن شاء الله نروح واش رايكم درتلها نوعين تاع حلوى وراح نزيد نعطيها ميتين ألف أعطوني رايكم جارتي قالتلي ديتي الحلوة أعطيها خمسين ألف وأنا جاتني حشومة
اعطيها على حساب طاقتك متكلفيش روحك
وهاد نوعين تاغ الحلوى حا تساربيهم ؟وشحال من حبة درتيلها؟ ؟يا أختي شوفيها ادا كانت تستاهل وتلقايها ف فرحك ومرضك
والله حفزتيني رب يحفظك ...بعثت الفيديو لنساء خاوتي راهم في العشوائية كي حالتي ...مع العلم انا مازال ماش عرسي و خدامة و راني نحسب باه نكمل شورتي...و ماش حبا نسلف باه نشري و ندي معايا و يقولوا اي دات ندي على قدي... و الله والله حفزتيني ...هذه الافكار اللي راح نبدا بيها حياتي الزوجية ان شاء الله..ادعيلي ربي يهنيني و شكرا❤
ربي يهنيك وان شاء الله طبقي هذي النصائح والله من ذهب واش تبدأي حياة منظمة وسعيدة لا ديون ولا هموم بإذن الله
شكرا اختي و مرحبا بك و الله يسعدكم و يوفقكم في حياتكم الزوجية ، نظمي روحك و نظمي وقتك و نظمي مصروفك و ديري الاضرفة تاع التقسيمات و الله يوفقك اختي
@@Elmaranajiha ان شاء الله وجزاك الله خير
@@louiza2026 شكرا الله يحفظك