Kitob tumanida zararli chigirtkalarga qarshi kurashish tadbirlari amalga oshirilmoqda

O‘zbekiston Respublikasi O‘simliklar karantini va himoyasi agentligi tarkibidagi Chigirtkalarga qarshi kurash xizmatlari tomonidan mamlakatimiz hududida zararli chigirtkalar xavfini bartaraf etish yuzasidan kuzatuv nazorat ishlari olib borilib, kimyoviy kurash tadbirlari amalga oshirib kelinmoqda.
📍Xususan, ayni vaqtda Kitob tumanining tog`li hududlaridan biri hisoblangan "Qashqadaryo" mahallasi Minjir kengliklarida xuddi shunday kimyoviy kurash tadbirlari o`tkazilmoqda. Bunda O‘simliklar karantini va himoyasi viloyat boshqarmasi hamda uning Chigirtkalarga qarshi kurash xizmatlariga qarashli zarur kuch va vositalari jalb etilib, zararkunandalar maxsus texnikalar orqali kimyoviy preparatlar yordamida zararsizlantirilmoqda.