الخطوة التانية فلاي ليدي
HTML-код
- Опубликовано: 31 авг 2019
- المهمة ديالنا أساسية جدا غادي تبدل طريقة ديال العيش ديالكم
فالأول غادي تجيكم غريبة ولكن مرة أخرى غادي نكوليكم تيقو في وتبعوني.
جربو وشوفو الفرق.
المطلوب منكم هو تحيدو عليكم البيجامة.
نخليوها للنعاس فقط
غادي نعتبرو راسنا بحال اي وحدة غاديا للخدمة.
نلبسو لباس مريح.
حاجة عملية.
ونلبسو صباط.
اه حداء داخل المنزل
فلاي ليدي كتطلب صباط بالسيور باش نخدمو بالزربة ومانقدروش نحيدوه دغيا باش نمشيو نرجعوا نبركو.
راكم عارفين ديك السداري والمانطة لي كيبقاو فاتحين ليك الاحضان النهار كامل. ونتي كيبطى عليك غير امتى تلاحي وسطهم. حكاية عشق كبيرة مابينك وبين السداري والمانطة و سيدهم العكز.
توكضي وسالي وديك الساعة الراحة كتجي حلوة اكتر حيت مكتكونيش متبوعة
انا كنطلب منكم شي بالغين تستعملوها غير فالدار.
ماتقولوش حنا غير فالدار وحتى واحد ماكايشوفني.
اول حاجة غادي تبدلي لراسك انتي أولى تهتمي بنفسك.
وانتي قدوة لولادك.
انتي اللي كتحددي الصورة اللي كتعطيهم عليك .
السيدات لي عايشين مع العاءلة حاولو تبداو التغيير تدريجيا
باش متحلوش عليكم باب المشاكل.
لبسو بدل البيجامة شي سورفيت زوينة.
وحاجة اخرى غادي نولفو كل صباح تديرو كريم مرطب الماكياج خفيف
هادي خاصها تولي بحال ايلى دوا مخرجو ليكم الطبيب
ضرورية
وتفكري حاجة مهمة.
ايلى ماتهلتيش فراسك ماتسنايش شي حد يتهلا فيك.
وبيني وبينكم راه عيب البيجامة كتنعسي بيها حدا راجلك وتفيقي وتبقاي بيها تطيبي وتشقاي وتعاودي تنعسي حداه تاني بنفس البيجامة.
وواخة تبدلي البيجامة. كتلبس غير النعاس غير المغاربة والشينوا لي كيلبسو البيجامة فالنهار.
تهلاي فراسك
ولبسي حتى نتي وتمتعي مايبقاوش حوايجك لابسهم الماريو.
ايلى ماعندكش الإمكانيات واخا تاخدي الحوايج فالبال تلقاي حوايج ديال الهبال.
لبسي حاجة عملية ومريحة وفنفس الوقت تكوني راقية ومتولة.
لي غادي تشكا لأنها خاصها تنضف الحمام ضمن الشغال ديال الدار، الحل ساهل
غادي تفيقي توضاي وتصلي ودوزي على الحمام قبل من كلشي. بهاد الطريقة مغاديش تدخلي بالبالغينة للحمام
ومانبقاوش نشكيو . من اليوم ناخدو بزمام الامور. 
Хобби
هاد الخطوة فعلا مهمة . سبحان الله ملي كنكون لابسة باش نخرج وكنستنى شي صحبتي تفوت مورايا.. كنكون بالصباط كندير شحال من حاجة كنحس راسي فالخدمة . بالبيجامه والبنطوف كترخينا هههه شكرا جزيلااا لك اختي والى الامااام
تماما كتحسي الديناميكية مختلفة
السلام الاخت نعيمة جيت من صفحة الفيس و متحمسة للتغيير لانني محتاجة النظام فحياتي كلها.
بالفعلا الأخت نعيمة هاد الخطوة جد مهمة ، وأساسية ، فنضام الفلاي ليدي ، بديت نتبع النصائح ديالك والحمد لله كنحس بحياتي ، منضمة كتر 👍👍
تبارك الله عليك كلامك كولو على صواب الله يجازيك بخيرعلى هدا النصائح
صراحة احسن حاجة درتي فتحتي قناة دابة عاد بديت كنفهم مزيان
هاد الخطوة تحفيزية فعلا
كلام في الصميم ياريت تكملي السلسلة
كلامك معقول وصحيح.استمري بالتوفيق
السلام عليكم شكرا لك بزاف ربي هو الي يجازيك على هذا العمل الي راكي تقومي به وانا عجبتني افكارك باش ننقلها للاخوات في المسجد لانه فعلا كثير من النساء محتاجين هذه المعلومات شكرا
تبارك الله عليك وعلى النصائح ديالك
تبارك الله عليك اختي بالتوفيق ان شاء الله
اوك حبيبتي تبارك الله عليك
شكرا حبيبتي
بوسة كبيرة ومزيد من التألق
بارك الله فيك
ماشاء الله عليك
خطوة راااااائعة و انت ارووووع ❤️❤️❤️🌷🌷🌷
🥰🥰🥰🥰
J adore ❤️ bonne continuation
جربتها كاين الفرق الله يعطيك الصحة
شكرا اختي استافدت منك بزاف
عندك الحق فهادشي لي قلتي الله يوفقك ويوفقنا معاك
كلامك على حق هاد خطوه مبقيتش نستغني عليها وليت ندور نشوف راسي في مرايا و نضحك تحيه ليك طاطاتي (Sara larouchi) ✌️✌️
شكرا 😙
ان شاء الله ❤❤❤❤❤
تبارك الله عليك حنا معاك الله يوفقنا ويوفقك
عجباتني الفكرة ديما منورة ومشكورة على الحماس بصاح انا معاك والله دخلت للكروب في الفيس نتمنى نواصل معك اختي نعيمة ونعم الاخت موفقة ان شاء الله تحياتي .
أول كومونطير لطاطا نعيمة ههه لهلا يخطيك علينا
Tbarkllah 3lik hbiba ❤❤
تبارك الله عليك
الله على كلام شحال زوين
سيدة متألقة خدومة تستحق كل التقدير والاحترام
ربي يخليك اختي
الله يعطيك الصحة ويبارك فيك وفوليداتك كلامك كلو فيد ربي المستعان العزيزة الشكر الجزيل ليك ولكل متتبعاتك انا اول مرة عرفت القناة ديالك ربي يعاونا بنتي
ان شاء الله للأحسن
خطوة مهمة لي خاصها تكون مطبقة فحياتنا
هههه المساند الرسمي لسيدات البيييجامة
Tbarkellah alik
Chokran
شكرا بزاف
شكرا طاطا نعيمة 😍😍😘😘♥️♥️
راني غير نعاود فليفيديو ديالك ما شبعتش منهم راكي توب توب افضل استاذة😗😗😗😗😗😗😗😗😗
ربي يحفضك
تبارك الله عليك عافاك أختي هدري لينا على المرأة العاملة كيفاش تنظم وقتها أو تهتم براسها
Merci beaucoup ma sœur 💖
شكرا ليك بزاف
ان شاء الله تثبت هذه الهطوة عندي لاني فعلا كانفوتها هههه ديما
تبارك الله عليك ختي نعيمة ربي يحفظك
ما شاء الله عليك اختي نعيمة عندك الحق انا إلا لبست بيجماة منعرفشي نعمل شغول. بتوفيق إنشاء الله 😘
شكرا
تبارك الله عليك لالة نعيمة
Ana Nadia chokran bzaaaaaaaf stafat manak lah ijazik bilkhir
بالتوفيق....ماعنديش بيجااااااامة من غير للنعاااس
نعومة حبوبة افضل شي درتيه بالاضافة لكروب فلاي ليدي هو انك فتحتي قناة فليوتوب نتمنى لك كل التوفيق ويجعلها فميزان حسناتك يارب
بالنسبة لي انا دائما عزيز عليا نبدل كل صباح وقبل مانعس دروري
بغيت ليك الستر والفرح في حياتك الآلة فلأي ليدي نعيمة منورة الله أحفضك أنا كنت متاكدة انك إلى درتي القناة غادي توصلي الهدف ديالك اكتر واكتر ولي هو الأجر هو لي بغيتي دابا الفكرة غادي توضح اوتوصل اكتر فاكتر للعالم العربي ان شاء الله 😘😘😘😘
الله يحفظك
بالتوفيق
تبارك الله ماشاء الله عليك اختي انا متبعاك في الفيسبوك
merciiiii bqqqq vrm exacta llah yhfdak j'ai vrm besoin de ça svp mat3tlinch 3lina f les vedios dylk vrm mohimin o kigolik li fatak b lila fatak b hila bravooo
ان شاء الله.
الله يقدرني ونكون عند حسن ضنكم
تحياتي طاطا نعيمة 😊
البنات الا جات على خاطركوم الا مشجعوني ودخلو تشتاركو عندي فالقناة
هادشي لي قلتي كلو صحيح
Habouba naima rak mnawra allahoma barek ❤🌹🌹🌹🌹😘😘😘😘
ختي ممكن تنوريني فالقناة ولك جزيل الشكر
Merciii tata naima bon courage ✌🥰😘
سلام ختي ممكن تنوريني فالقناة ولك جزيل الشكر
الخطوة الأولى ما لقيتهاش. أنا مشتركة جديدة
هادي هيا الخطوة لمقدرتش نواضب عليها ولكين غدي نحاول
مساؤك عسل يا احلى عسل 😘😘😘 شكرا على الخطوات ..... مازالي شوية ديال الفرز بصح راح نبداء الخطوات معاكم😊 لحن الحياة 😍
بداي الخطوات من اليوم
شوفي الخطوة الأولى
وفالمجموعة راه غادي نستمرو التحديات الفرز.
@@user-xt8xi7dr6j ان شاء الله حبيبتي نعيمة راني موجدة الماتريال باش ندير الحوض العشية قبل ما ننعس 😊 ربي يحفظك ان شاء الله 😘
عافاك طاتي نعيمة تبلوكيت من الكومونتير في الصفحة اوسوكوغ ههه
السلام عليكم ورحمة الله وبركاته عجبني الموضوع لي كتناقشو بغيت ندخل معاكم في المجموعة
😍😍
شكرا ما شيغي
حابة نشارك معاكم ولكن بعد الشهر الفضيل.ان شاء الله .
♥️♥️♥️
سلام اختي ان عاد عرفت القناة
سلام للا.شكرا بزاف على الشرح و الايجابية.أنا جديدة معاكم و ماقيتش فيديو الخطوة الأولى، ممكن توضعي الرابط ؟
انا كنشقا بالدجين كنحس براسي خفيفةةبزززاف
عندك صح بيجامة كتساوي تبهديل لعݣز والله قالتها ليا واحد صحبتي و اكدتي لي ظابا من اليوم غا حوايجي
أنا من متتبعاتك فالمجموعة خير مادرتي ملي حليتي قناة باش تقربيلنا الخطوات أكتر جزاك الله خيرا ومرحبا بيك عندي فقناتي ديري طليلة الا عجباتك نظمي إلا جات على خاطرك
🌸🌹🌷
💞💕💞💕💞💕💞
الماكياج لي مكنديروش حيت مع الوضوء للصلاة خاص تغسلي وجهك كنعجز على الماكساج على ود هاد النقطة كيفاش يمكنلي ندخل معاكم جروب من فضلك
بيجما الحب والله ماكدبتي مفهمتش مالنا معها
شكرا اختي حتى انا بغيت ندخل الكروب ديالك
💙💙💙💙💙
أنا مكتعجنيش البيجامة فالشغل ديال الدار
ديما تشرت وسروال يكون مجموع البيجامات غي النعاس
Lala naima nti a7san 7aja Wa93at lina fi youtubeallah yjazik bikhayr
❤️❤️❤️❤️i you
سلام عليكم بغيت فيظيوا خطوة الاولى
السلام انا عاد دخلت عندك دابا قلبت على الخطوة الاولى ملقيتهاش
فين غبرتي علينا
هاد كلمة صحيحة انا اكره نبقا بيجامة خاصني نوض نلبس قبل ننزل تحت بيجامة غير نعااس
Tu es ravissante Naïma mashaAllah 😍 Je suis heureuse que tu es faite une chaîne youtube car je comprenais rien au groupe Facebook. Et là c'est topissime pour moi merci encore ! C'est Fouzia tachleite de marrakech
Coucou ma chérie, je suis ravie de te retrouver ici.
🥰
السلام عليكم ورحمة
Salam la Nat finahwa groupe wch Facebook
😂😂😍😍😍
Li maaandhach dir rir ma ourd
حاولي تختاصري أختي الهضرة وتورينا نماذج عملية وشكرا
دخلي الغروب فالفيس..راه يلاها بدأت..شوية بشوية 🙄
سلام ختي مطلعتش ليا خطوة أوالة
😘😘😘😘😘😘👍👍👍👍
Tata naima kont fe Group m3akom lyoma l9it rasi mkaynch 3lach chno sabab
معرفتش؟
ايلى مكتشاركيش الفايس كيحدف الأعضاء لي مكيشاركوش
اولا ايلى كنتي كتحطي منشورات خارج موضوع الكروب انا لي كنحدف فهاد الحالة
@@user-xt8xi7dr6j bel3aks dima kanchark fih 3amrni 7atit chi 7aja kharj group rah 3awdt seft likom invetation 9abloni
ختي بدلت فايس بوك ديالي و بغيت ندخل للكروب ومبقاش تيبان لي ف recherche😭😭😭
Momkin tjawbini plz
اشنو حب الخاطر؟
🤣 🤣 🤣 🤣 ابدا البجامه ماشي حبي.. 😍😍😍
فلاي لايدي علماتني اللي تعلمتوش في الجامعة
لالة نعيمة كنرتاح فالبيجامة والى لبست الرومي ماكانرتاحش
غير الولف احبيبة
المهم تكون نقية