ФАҚАТ АЗ ОНИ МАН ШАВӢ, ЧӢ МЕШАВАД?!

Суруд дар иҷрои Баҳодур Ғаниев
бар матни шоира Сурайё Ҳакимова.
Фақат аз они ман шавӣ, чӣ мешавад?
Ту ҷони ҷони ман шавӣ, чӣ мешавад?
Ҳазору як шабест рози ишқро,
Ту достони ман шавӣ, чӣ мешавад?
Дар ин ҷаҳон, ки нест меҳру оқибат,
Ту меҳрубони ман шавӣ, чӣ мешавад?
Вафо надорад ин замон, ба сидқи худ,
Ҳамошёни ман шавӣ, чӣ мешавад?
Ҳамеша гуфтаам, ки офтоб ман,
Ту осмони ман шавӣ, чӣ мешавад?
Ҷавоби ин саволро намедиҳӣ?
Фақат аз они ман шавӣ, чӣ мешавад?
✍️ Сурайё Хакимова