شغف الاستمرارية فى طب الاسنان . . حلقة مهمة لمن يريد الاستمرار او ترك المهنة 🦷| دكتور ساموراى.
HTML-код
- Опубликовано: 10 фев 2025
- #دساموراى #طب_اسنان #الشغف #الحرفية #كاريرشيفت #دكتوراسنان #دكتورالاسنان
الاصل من الشغف انك تحب مجالك ومتكنش حاسس بملل وده بيترتب عليه الشعور بالحماس والسعادة والاستقلالية والطموح وبناءا عليه هتعيش حياة نفسية سليمة ليك ولاسرتك.
حلو جدا ولكن مفيش حاجة فالحياة بتيجى بالساهل .. ليه ... لان فى مشكلة رئيسية بتواجهنا واحنا بنحدد شغفنا وهى اننا بنعتقد ان من الممكن تلاقيه بسهوله من غير تعب وللاسف ده غير صحيح وفى الغالب لو لقيت شغفك بالشكل ده فهيكون شغف وهمى. وعشان نبقى صرحاء من البداية لازم تعرف ان الحقيقة المطلقة فى اكتشاف شغفك هى انك لازم تقضى مده محترمة من الوقت فالمجال الشغوف بيه عشان تقدر تكتشف حقيقة المجال ده من مميزات وعيوب وتعمل توافق بينها وبين شخصيتك ونمط حياتك.
وبالمناسبة سنين الدراسة فالكلية فى اغلب الاوقات متعتبرش فترة كافية لاكتشاف شغفك فى مجال طب الاسنان بسبب طرق التعليم العقيمة واللى هنتكلم عنها باذن الله فى حلقة مفصلة وده بيجبرك انك تقضى كذا سنة بعد التخرج عشان تكتشف شغف الاستمرارية فيها ولا لا
1. عندك الابداع مثلا وهو ان يكون عندك عدة طرق لفعل نفس العلاج واحيانا من الممكن تخترع طريقة جديدة لتصل لنتيجة علاج معترف بيها اكاديميا.. والابداع فى طب الاسنان ليس مقتصر على طب الاسنان التجميلى بل بالعكس كل اقسام وفروع طب الاسنان فيها مساحة واسعة من الابداع.
*وكلما كنت اكثر تعليما وخبرة وحرفية .. كلما زادت مساحة الابداع المتاحة لك.
2.التحكم/الحرية..كل ما يكون عندك فرصة اكبر من التحكم والحرية فى وقتك ومكان عملك وطريقة التنفيذ , كل ما يكون سعادتك وشغفك اكبر وبالتالى كل ما ترتقى فى وظيفتك وشهاداتك العلمية والعملية كل ما يكون ليك فرصة واسعة من اتخاذ القرارات وبناء عليه زادت برضو مساحة الابداع.
يعنى عندك مثلا اطباء الاسنان اصحاب عيادات ومراكز عندهم مساحة واسعة من الابداع والحرية فى اتخاذ القرارات اكثر من الاطباء الموظفين فى المستشفيات والوحدات وبالتالى فرصتهم فى حب طب الاسنان والشغف بيه اكبر.
*فكلما كنت اكثر حرفية ...كلما حصلت على مرونة وتحكم اكبر فى وظيفتك سواء فالعمل الحر او عكسه.
3.التأثير....وهو اما ان مجال طب الاسنان يأثر على شخصيتك او تأثر بيه على مرضاك والمجتمع اللى حواليك .. فكل ما تحس ان ليك تأثير بعملك كل ما هيعطيك شعور بالسعادة والفخر والامتنان فهيزود حبك وشغفك لعملك وهتستمر فيها بنفس راضية حتى لو كنت فالبداية لا تكن لها اى مشاعر.
والعلماء بيقولوا عشان يبقى ليك تأثير بعملك لازم تكون حرفى فيه وعندك مهارات وخبرات قوية تميزك.
وعشان كده اكتشفوا قاعدة نفسية مهمة جدا وهى ان 90% من الناس اللى بيبدأوا بعقلية حرفية بتتحول هذه العقلية مع الوقت الى شغف استمرارية خصوصا لو قدر يحقق ال3 عناصر بتوع الشغف.
واكتشفوا كمان انه مش شرط تحقق ال 3 عناصر بنسبة 100% ولكن لازم ولابد التلاتة يكونوا موجودين ومتفقدش اى عنصر منهم.
اذن نستفاد من كده ايه ... نستفاد باننا نعرف ان الحرفية هى الطريق للوصول للشغف وليس العكس... وان الشغف لايكتشف , الشغف يبنى...وطريقة بناءه تكون بالعقلية الحرفية.
المشكلة الرئيسية بقى عندنا كاطباء اسنان وخصوصا الطلبة وحديثى التخرج ..هى ان اغلبنا لما بييجى يدور على شغفه فى طب الاسنان بيدور على ايه اللى ممكن طب الاسنان يقدمه ليه ومش بيفكر فى ايه اللى مفروض يقدمه الاول لطب الاسنان عشان ياخد مقابل ليه وده فالاخر هيعود عليك بالاحباط والتعب وبالتالى هتفشل فى تحديد شغفك فى طب الاسنان. طب والحل فين؟؟
الحل فى انك تمتلك عقلية الحرفى وتكون شخص صبور ومتعلم ومجتهد باستمرار فتبدأ تكون مهارات وخبرات قيمة بعدها تاخد شهادات علمية مميزة بحيث مع الوقت هتلاقى ليك مكانتك فى سوق العمل بتزيد يوم عن يوم ولما تقدم لوظيفة او تفتح مشروعك الخاص يبقى عندك القدرة انك تاخد مقابل ومميزات خبرتك ومهارتك.
فباختصار...عشان تاخد مميزات من مهنتك ..لازم تقدم لمهنتك حاجه مميزة..والحجات المميزة دى للاسف بتاخد وقت ومجهود ومحتاجه صبر وعزيمة.
وافتكر دايما ..... انما العلم بالتعلم والحلم بالتحلم.
ياريت يا دكتور لو تعلم فديو علي الطرق و الخطوات اللي هيعملها الخريج علشان يتخصص في مجال و معين و اي المجالات اللي بتحتاج متطلبات خاصه لأنها كتير و مفيش حد بتكلم عليها و بالنسبه لطلبه كتيره دوامه ظلام كبيره ميعرفوش عنها حاجه
انا اكتشفت بعد عملي لمدة ١٧ سنة طبيب أسنان اني ماعنديش شغف و كاره المهنة
بس هحاول اطبق الكلام اللي في الفيديو عشان استمر في المهنة
ممكن اسال سوال يا دكتور بما انك خبرة طويله انا تخرجت وعملت في عيادة ولكن كنت اخلع لمريض وفجاه تالم الم شديد وتم فصلي من العيادة رغم اني اختبرت التخدير قبل البدا وكان شغال هل هذا قلة خبرة ام طبيعي ان يحدث هذا معا بعض المرضى
جميل جدا ماشاء الله
ربنا يهدينا كلنا يا رب
كلام حضرتك جميل جدا ممكن اعرف مصادره عشان حابه اعرف اكتر
ربنا يباركلك تستحق كُل خير والله ربنا يزيدك
بارك الله فيك حلقة جات في وقت سؤالي لربنا عن شغفي في الاسنان وتيسير الطريق وعدم التردد كل شي جوابه كان قدامي بسبب الفيديو ده الحمدلله... ربنا يسهل امرك زي ما سهلتها علينا💐😭💖
اللهم آمين 💙
بالتوفيق دوما ان شاء الله🙏
الله يوفقك يا دكتور
ماشاء الله ربنا يحفظك ويبارك فيك ..كلام يوزن بالذهب
💙💙💙💙💙💙💙💙
تستحق الدعم 👍🏻
وفقك الله
وإياكم يا صديق بارك الله فيك 💙
بارك الله فيك حلقة عظيمة
وفيك يا غالى
جميل جدا..ربنا يبارك في حضرتك
حبيبى واياك
انا احب الطب العام او البشري وهو رغبتي من الصغر بس معدلي ما أهلني لذلك بالتالي قدمتُ طب اسنان بس اشوف انو شغلو مو حلو ومحدد باسنان العالم يجيني احساس بالاحباط اني ممكن مستقبلا ماانجح بعملي لان مااحبو...وانا اكثر شي احبو بطب الاسنان هو النجاح بي!!! لان دراستو اسهل وعندنا بالعراق قليل الي يتخصصون بعد التخرج ف من افكر اني اتخصص وانجح بعملي هذا يحفزني بس شعور انو العمل بالاساس ما احبو كان مخوفني..وهيه بعد كلامك ان شاءالله عقليتي الحرفية تجيبلي شغفي بطب الاسنان وتنسيني حبي للطب العام
طيب بعد التخرج من طب الاسنان ليش ما تتخصصي جراحه وجه وفكين ، مرتبط جداً بالطب البشري وبهذا لا تتخلي عن حبك للطب العام
واختصاص جراحه وجه وفكين مدخل لمجال اوسع عكس باقي التخصصات بالاسنان اللي تكون اضيق
@@pxs1 المشكلة ماأحب جراحة الوجه🙃
اتكلمنا عن المقارنة بين طب الأسنان و الطب البشري
اني طالب ثانوية عامة و ابي طبيب اسنان و حسب نظرتي الموضوعية للموضوع بعيدا عن الرغبة حاسس انو طب الاسنان انسبلي بس بنفس الوقت ابي عم يقلي ادخل بشري
ايه نظرتك في الموضوع؟!
هعمل مقارنة حاضر
ولكن صلى صلاة استخارة اهم حاجه وتوكل على الله
دكتور حضرتك انا تعبت قوي في ثانوية وصرفت كتير وذاكرات وربنا مش كاتبلي واتظلمت في التصحيح والله حاسب الدرجات بس مجبتش مجموع اسنان حكومي ودخلت اسنان خاص والحالة علي قدها هل ده اختيار كويس وصح وهل هقدر اعوض اللي اندفع
اولا صل صلاة استخارة استشير ربنا فيها بالاستمرار ولا لا فى طب الاسنان
ثانيا لو انت مطالب منك من والديك بعد التخرج مباشرة انك تشيل المسؤلية معاهم فالبيت ماديا ومفكرين انك بعد التخرج مباشرة هتجيب فلوس بسرعة فده غلط لان الاعداد كترت ومبقاش ايام زمان وهتاخد وقت بعد التخرج تكون فيه نفسك قد يتراوح من تلات سنين حتى سبع سنين حسب بيئة ونظام عملك بعد التخرج
طب اسنان بقت شبيهة بطب بشرى وسكتها يوم عن يوم بتطول ومحتاجه صبر
لو صبرت فيها هى أو اى مهنة وبقيت شاطر ومميز هتجيب فيها فلوس كويسة باذن الله تبسطك
بارك الله فيك
فيديو جميل
من قصة الشعر و الذقن انت اكيد مقدم على قرعة الهجرة الامريكية 😅 وفقك الله لما فيه خير
اضحكتنى اضحك الله سنك😂💙
كلامك راقي و دقيق ، ربنا يوفقك✨⭐️
دكتور لو سمحت عندي استفسار
قبل دخولي طب الاسنان كان عندي حب له واعتقد انه انسب مجال لي ويتوافق مع طبيعتي ولحد الان اعتقد نفس الشيء وانا سنه ثالثه طب اسنان
لكن خطرت لي فكرة التخصص في جراحة وجه وفكين
ولا اعرف اذا كنت فعلاً اريده ام اريد ان اكون طبيبة تقويم كيف اتاكد من رغبتي ؟
وهل استطيع ان ازاول الجراحه والتقويم بنفس الوقت ؟
عموما التركيز فالدراسة اولا ثم الاهتمام بتخصص محدد عندما تاخذيه فالكلية وتطبيقه عمليا هو اللى يحدد بتحبى التخصص ام لا..
وبالنسبة للعمل بتخصصين ينفع كعمل خاص بك إذا اهتميتى باللاتنين وحضرتى فيهم بالتدريج
@@dr.samurai
ان شاء الله خير ، مشكور دكتور 🤍
طيب ايه رايك فشخص شغوف بطب الاسنان وشغله كويس فيه وبيراعى ربنا فيه لكن عنده الديسك فالفقرات القطنيه وعمل عمليه تثبيت فقرات بالاضافه انه كمان عنده مشاكل فالرقبه اتمنى رد او اتواصل مع حضرتك شخصيا واكون شاكر لحضرتك
حاول تنوع مصادر دخلك بجانب الاسنان زائد انك واجب عليك انك تقلل من ساعات عملك وتجيب ناس معاك يشتغلوا تحت اشرافك بالطريقة اللى انت بتحبها أو تشاركهم وهكذا وتكون انت مع الوقت ماسك الإدارة ومتعلقاتها وتشتغل فنيا اوقات بسيطة جدا عشان تحافظ على ظهرك ورقبتك
والف سلامة عليك وبالتوفيق
كلش شكرا
يا دكتور كنت عايز اتواصل معاك في اسرع وقت بس انا مش لاقي ايميل لحضرتك
سايب لينك الانستجرام فى لمحة القناة تانى
يعني أنا دلوقتي داخل طب اسنان اخش ولا لا😂😂 ،انا كده خفت قبل ما ادخل
لا تخف ولكن كن حذرا ونفسك طويل لو حابب تدخل ومن دلوقتى حاول يكون معاك مهارات بجانب الكلية
@@dr.samurai طب يا دكتور ايه افضل مهارات ابداء اتعلمها من دلوقتي
اتفرج على حلقة فالقناة تسمى انواع الربح فى مجال طب الاسنان
فى نهايتها اربع مهارات مهمين
زائد هنعمل حلقة باذن الله عن ستة مهارات كمان فالمستقبل
@@dr.samurai تمام، شكرا يا دكتور ❤️🥰
اهرب اهرب هذا تخصص فيه بطاله في الشرق الاوسط كامل ريح دماغك
ارجوكو ساعدوني أنا مش عارفة ادخل كلية ايه، بفكر في طب اسنان عشان بريستيچ و فلوس و ٥ سنين بس و أنا مستعدة أعدي فيها حتي لو صعبة شوية بس أنا مش عارفة أنا بحب ايه ولا بحبها ولا لا و مش لاقية نفسي في حاجة معينة لكن مستخسرة تعب السنين اللي فاتت دي كلها تروح في كلية مش قيمة و أنا قدامي أدخل في مجال الطب
أي حد ممكن يساعدني بليززز ♥️♥️
بصي ادخلي الاسنان وانشاء الله ربنا يوفقق
صلى صلاة الاستخارة