Të huajt që kanë gjetur "parajsën" në Shqipëri: Na pëlqen jeta këtu, pak punë dhe shumë qejf

#rtvora #diteere
Në një kohë ku shumë të rinj braktisin Shqipërinë për një jetë më të mirë nëpër botë, rrëfimet e tre të huajve që jetojnë në vendin tonë na provojnë të kundërtën.
Ata kanë ndërtuar jetët e tyre në Shqipëri, dhe shprehen më se të kënaqur nga vendi ynë, nga mundësitë që u janë ofruar dhe nga mikpritja shqiptare.
Të tilla janë historitë e suksesit të Tugayt nga Turqia, të Allas nga Rusia dhe të Robertës nga Italia.
Në një intervistë për emisionin "Ditë e Re" në ekranin e RTV Ora, ata rrëfejnë për eksperiencat e tyre në Shqipëri, për vështirësitë me të cilat u përballën në fillim dhe për përshtypjet që i kanë lënë shqiptarët.
Alla Simacheva nga Moska e Rusisë ka 12 vite që jeton në vendin tonë. Ajo është trajnere jete (life coach) dhe thotë se arsyeja që erdhi në Shqipëri ishte dashuria, pasi ajo u martua me një shqiptar ( me të cilin tashmë janë ndarë).
Ndër të tjera ajo thotë se eksperienca e saj e parë me Shqipërinë ishte tronditëse, pasi kushtet në Shqipëri 12 vite më parë nuk ishin siç janë sot.
Biznesmeni turk, Tugai Atic jeton prej 6 vutesh në Shqipëri dhe thotë se vendi ynë ka shumë të përbashkëta me Turqinë.
Ai thotë se i pëlqen shumë muzika shqiptare.
Sigurisht biznesmeni turk thotë se vajzat shqiptare janë shumë të bukura.
E kënaqur shprehet nga jeta në Shqipëri edhe dermoestetistja italiane , Roberta Zaninoni e cila jeton në Durrës prej 9 vitesh.
Ajo çka e ka habitur për kulturën shqiptare është se shqiptarët rrinë shumë orë në kafe, dhe se i kushtojnë shumë rëndësi argëtimit.
------------------------------------------
Një emision i drejtuar nga Arjola Shehu dhe Arjon Muça. Çdo ditë nga e hëna në të premte ora 07:00 -10:00. Emisioni 180 minuta është konceptuara në tre shtylla. Temat e trajtuara në emision mbulojnë të gjithë spektrin e zhvillimeve ditore si: politikë, aktualitet, kulturë, show biz etj.
Në çdo puntatë, i ftuar është edhe një personazh, profil. Në fashën e parë të orarit, emisioni ka të gërshetuar informacionin utilitar, aktualitetin dhe muzikën në 60 minuta.
Herë pas here në këtë fashë ka ndërhyrje nga terreni me gazetarët për zhvillimet e mëngjesit apo edhe të ftuar protagonist të një ngjarjeje.
Nga e hëna në të premte ora 07:00-10:00.
Follow RTV Ora
Website: www.oranews.tv
RUclips bit.ly/2sPcqj3
Facebook: / rtvora
Instagram: / rtvora