Бесік жыры

Әлібек Ізбасаровтың орындауындағы Алтыншаш Жақиянованың сөзіне жазылған Кентау Назарбектің әні "Бесік жыры".

[@user-rk9be3iu9w]

"БЕСIК ЖЫРЫ"
Сөзін жазған: Алтыншаш Жақиянова
Әнін жазған: Кентау Назарбек
Орындаған: Әлібек Ізбасаров
Ашылып өмірдің есігі,
Сәбидің қойылды есімі.
Бөбегім, мiнеки, өзіңді,
Күтіп тұр атаңның бесігі.
Қайырмасы:
Әлди де бөбегім, әлдиім,
Уілдеп бөбектің сал күйін.
Өзіңді тербетіп отырып,
Жаныңда мен біраз қалғиын.
Әлди де бөбегім, әлдиім,
Сезінші әжеңнің жан-күйін.
Жасыңнан санаңа сіңіріп,
Ұғып өс еліңнің ән-күйін.
Бұл бесік талайды тербеткен,
Бесікте әкең де ержеткен.
Ұрпағым алаңсыз өссін деп,
Хас шебер қашаған еңбекпен.
Талбесік - көненің көзі бұл,
Толғасақ тарихтың өзі - жыр.
Әлдиде әжеңнің әні мен,
Бабаңның өсиет сөзі жүр.