منير البقمي - الهوى ذعذع نسيمه
HTML-код
- Опубликовано: 7 апр 2024
- كلمات : ناصر الجنيبي
اداء : منير البقمي
الهوى ذعذع نسيمه
معايدة الاد جانب
الكلمات :
صب لي من دلتك ياراعي اليمنى الكريمه
طاريٍ لي طاريٍ ماهو مثل كل الطواري
واثن لي فنجالها عقب الهوى ذعذع نسيمه
واركها من فوق جمرٍ يصطلي والليل ساري
واسحب المشهاب والميسم على فخذ الوسميه
مغزلٍ بشهودها ف عضودها جاله مواري ..
والغفال الها خوات ولاهي ب عندي يتيمه
لا عقلها الله نذرّيها عن انسام الذواري ..
انزلت في مرتعٍ قافيه عقب السيل ديمه
مع جنبها فارسٍ صد الهجوم الانتحاري
والضوامي يوم تارد بعضها ترجع محيمه
كود زرقات الرماح وكود طعنات الشباري
وانا اوردها على هدّاج والدنيا مقيمه ،،
ما ادّعي بالعلم لكن واعي وكاتب وقاري
المناصب واللقب سوات نارٍ في هشيمه
والمراجل تستر الرجال لو الجسم عاري
والشجاع اللي يقابلني ليا مس الشكيمه
والجبان اللي ليا من غبت مايحفظ وقاري
انقدوني يوم قالوا دقّتك دقّه قديمه ..
مادروا بالوادي اللي جوفه سباعٍ ضواري
والنوايا تنجي المسلم ليا صارت سليمه
سيفها مسلول ويجيها من المولى مذاري
مير انا ذخر الرجال اللي مواقفهم عظيمه
وان حصل في مدحهم تقصير قدّمت اعتذاري
ياسلام الله على ربعٍ لهم قدر وحشيمه
حبّهم فطره من الرحمن ماهو باختياري
ياسلامي والفخر عنوانها والمجد غيمه ..
غيمةٍ تبرق وترعد بالهنادي والسواري
والله اني سيفهم والسيف له معنى وقيمه
واعتزي وانا ابن جانب وافتخر فيهم واماري
الزمن لاكشّر بنابه ووراني جحيمه ..
هم ذراي ودرعي الضافي وعزّي وانتصاري
وان حصل والا حصل والكل عوّد في بريمه
من زمانٍ فات والمهجاد في وقت الغداري
ربعي اهل الحق منصورين ماجاهم هضيمه
ردّوا الابل والعدو من فعلهم ذاق العزاري
والكرم عاداتهم يوم ان ما فالجوع شيمه
مير دون وجيههم صلفين لو الحال باري
من كرمهم كل واحد معتلي ف شداد ريمه
سوقهم سوق الوفاء مايدهله بايع وشاري
الجناب الدمث وصحونٍ تزاحم فالوليمه
والمجالس كنّها الديوان والقصر الوزاري ..
من زحازيح البقوم اللي مواقفهم عديمه
منهو اللي عن سنام امجادهم ماهوب داري!
انتصر جيش البقوم وذاقوا الترك الهزيمه
مثل نصر المسلمين بمعركه ذات الصواري
مايخونون العهود ولا تواصوا في جريمه
والولاء عهدٍ لهم من يومها خبت وخباري
يوم ابوتركي حكم بالسيف واجتث الظليمه
والجهل روّح مراويح السراب امع الصحاري
عيدكم يالاد جانب ياعسى ربي يديمه ..
لو لقاكم عيد قبل يبين ليله من عصاري
ان حضرت العيد معكم مكسب وعز وغنيمه
وان تغيّبت اعذروني ف الغياب الاضطراري.. 
Видеоклипы
الله الله كفو يالاد جانب وصح لسااان ابوحسين مليون وصح صوتك يامنشدنا المميز👏🏻👏🏻👏🏻👏🏻👏🏻👏🏻👏🏻
اول شخص🥹❤️
ونعم والله يابوحسين صح لسانك قصيده جزله ومنشد اكثر من رائع🔥❤️
ياسلام ياسلام
ياسلام ياسلام وكفو يردف كفو
ياسلام
ياسلام👏🏻👏🏻
مرحبا بولد ديرتي❤حياك
طرب
الله
عشقي ابو عبدالله دايم يلامس جروحي
لكن منير شيلاته ف الغزل والوجد افضل بكثير من شيلاته ف المدح والاوبيرتات