Rreze Dielli - Pispili me spinaq dhe kos nga zonja Albana
HTML-код
- Опубликовано: 18 окт 2024
- #rrezedielli #reporttv
Pispili me spinaq
500 gr spinaq.
4 qepë të njoma
500 gr miell misri
350 ml ujë i ngrohtë
1 Iç sodë
2 fç kos
3 kokrra vezë
1 tufë majdanoz
Vaj ulliri
Kripë, piper
Pasi grijmë imët qepët e njoma i kaurdisim me vaj ulliri. Sapo të ulin vëllimin shtojmë spinaqin, më pas rregullojmë shijen me kripë dhe erëza. Ndërkohë tek mielli i misrit shtojmë sodën e bukës, vaj ulliri dhe ujë të ngrohtë. E punojmë mirë derisa të krijohet një brumë i lidhur, të cilin e shtrojmë në një tavë të lyer me pak vaj. Mbi të vendosim spinaqin e kaurdisur me qepët e njoma spërkatur me majdanoz të grirë. Rrahim vezët së bashku me kosin dhe e shtojmë në tavë mbi spinaqin. Bëjmë një spërkatje të lehtë të sipërfaqes me miell misri dhe e vendosim pispilinë të piqet në furrë të nxehtë në temperaturën 180 gradë Celsius derisa të marrë një ngjyrë të bukur.
“Rreze Dielli”, miqësisht ngrohtë e plot dritë vjen çdo ditë, nga e hëna në të premte, ora 9:00.
Për rreth dy orë, ju shoqërojmë me receta të shijshme, si dhe me miqtë e ditës që kanë histori për të treguar a këshilla për të ndarë. Kthim pas në kohë dhe zhytje mes kujtimesh në rubrikën nostalgji. Një ftesë e përditshme nga “Rreze Dielli”, që nuk duhet humbur, për një nisje të ditës plot emocione dhe buzëqeshje!
😂😂😂 buk misri