من تعزوى في بني بجاد لا يمكن يضام || علي الواهبي وخالد حزمي 🔥🔥.
HTML-код
- Опубликовано: 13 окт 2024
- .
.
بمناسبة زواج : علي سعيد العميري العواشز
كلمات الشاعر : حمد عبدالله العواشز
اداء : خالد حزمي وعلي الواهبي
تصميم : سمو شهران
.
الكلمات :
بسم ربي عالم الشان خلاّق الانام
قاضي الحاجات سبحانه الحي الجليل
فالق الاصباح ،، جلاّي عتمات الظلام
نطلبه في رحمته كل صبح وكل ليل
بعدها يا مرحبا عد ما هل الغمام
عد لمع البرق لا لاح في عرض المخيل
عد ما طافو الملبّين بالبيت الحرام
عد ما حثّو الركايب على الخط الطويل
شوفة الغالين توّي جلت عنّي الغمام
كني املك سهم سابك و شركات الجبيل
بادروني بالجمايل بود ٍ و احترام
والله يقدّر يديني على رد الجميل
من تعنّى في مجيّه و بادر باهتمام
مثلها له عندنا وقفةٍ تشفي الغليل
ابشروبي فالفرح وابشروبي فالزحام
ابشرو بوقفة ٍ شجاعٍ يوقّف ما يميل
بسمي وباسم العواشز دروعي و الحزام
ارحبو ترحيبة ٍ تنسمع عن بُعد ميل
وبسم شيخ ٍ عند ربعه مقدّر ،، له مقام
العميري بو محمد عسى عمره طويل
شايب ٍ لما ارتكى للمهمات الجسام
ياصل الحروه ،، يخلّص قبيل ٍ من قبيل
ارّث اللي ما يلام و تعداه الملام
كنّه الا الجدي والا ولد عمه سهيل
ان نصيته في لزوم ٍ هبد صدره وقام
قومة ٍ يشفى بها كل ممروض ٍ عليل
يا علي في مدح مثلك نفد كل الكلام
اشهد ان المدح في طيب وقفاتك قليل
ربعك اللي تكسب الطايله في كل عام
العواشز والعواشز لهم فعل ٍ مهيل
مجدهم مذكور منشور في شرق ٍ وشام
والتواريخ القديمه هي اثبات الدليل
لابة ٍ لا ثار جو المعارك بالعسام
افنو العدوان بالرمح والسيف الصقيل
لا اعتزا ابن محيرتس بعزوته فض العجام
يقمع الطامع و يلعن بطن ام الذليل
ان زِهم ما دس راسه مثل راس النعام
يطمر الصعبات طمر الحصان و له صهيل
ولا غرابة جدنا اللي حما ورد الحيام
رسّم حدودٍ من البطنه الى اقصى السليل
ولا غرابه ورّث اللي بلج سجن النظام
والرزام البيض شاهد على الفعل النبيل
ولا غرابه جود مستقبلين ابن الامام
اكرموه شحوم ضان ٍ تلت بن ٍ و هيل
ثم سمي الواد ِ بسم الكريم ابن الكرام
ابن هشبل صادق الوقفه و زبن الدخيل
شيخ قوم معرب ٍ من خوال ومن عمام
شيخ حلف ٍ نفتخر به وله وزن ٍ ثقيل
ربعه ابني بجاد قوم ٍ على العادي كعام
يلطمون المعتدي والرهاف الها صليل
من تعزوى في بني بجاد لا يمكن يضام
والله ان يلقى السعد والكرامه والجميل
من نصاهم عيّن الفزعه العجله شمام
طبع وجبلّه تزول الرواسي ما تزيل
و اشهران ٍ لابتي ما تعرف الانهزام
من يوقف في نحرها يسقّى حنظليل
ابك ذولا حقّهم ماخذينه بالحسام
الهمل ترعى المفالي ،، ونبتة كل سيل
من صدقهم صادقوه ولقى فرخ السنام
و من يعاديهم يعادونه ويردى قتيل
هذي نبذه عن بني عمي الربع الحشام
سعد رجل ٍ لابته مثلهم ترقى الطويل
قالها اللي ما يخذرق ويحذب بالكلام
شاعر ٍ شاجع و صامل ومنطوقه جزيل
.
.
تويتر : smo_507
سناب : smo_5077
انستقرام : smo_5o7
لاتنسى اللايك والاشتراك فالقناة
ونعم ي العواشز وبني بجاد عاامه
ماعليكم زود ياصبيان واحدد .
اولللل🤞🏻
وأنعم ياأهل الوادي
ونعم في بني بجاد من كودي
ماعليك زود ونعم مليون ياخوالي صبيان الخفاجي 🌪🔥.
صلوا على النبي محمد عليه صلى وسلم 🕋💕🇸🇦🇸🇦
ولله كفو كود ربعي
اول 👏🏻 .
ونعم يابوسعيد وسبعة أنععام