ماجد خضير - صوت المطر (حصرياً) | 2021

تابع الفنان ماجد خضير على جميع المنصات الاجتماعية و الموسيقية
alfan.link/maj...
ماجد خضير - صوت المطر (حصرياً) | 2021
Majed Khudair - (Exclusive) | 2021
كلمات : سداح العتيبي
مونتاج : ‪@Nasser_AlBaq‬
-
الكلمات :
يا الله بنوٍّ تسرّ الخاطر بروقه
‎اللي تكاشف من العارض ليا الحرّه
نوّ ٍ ترادم ورحمة ربي تسوقه
‎منه السماء في عيون الناس مسمرّه
من يوم دنّت رعوده بانت فتوقه
‎ودّه يعلم جفاف الارض عن سرّه
اليا ارتخى صبّ ماه وحقّت حقوقه
‎يطرب له الخاطر المهموم ويسرّه
ثمان ساعات والهمّال برفوقه
‎لو ينقطع ربع ساعه عاود الكرّه
يسقي ثرا نجد كلّه لا انهمر فوقه
‎من صيب ٍ نافع وخيره كفى شرّه
ربانة ٍ من يد الخلاق مخلوقه
‎ماهي نتايج دراسة عالم الذرّه
العشب من موت بذره تحيي عروقه
‎تقول ربي موصّيها على بِرّه
والسيل لا شق وادي سالت شقوقه
‎يكفكف القاع في مجراه ويجرّه
اسبوع ويقوم نويّره وزملوقه
‎والدهر ياخذ ثلاث سنين ما مرّه
مافيه طير ٍ ما قام يجرّ طاروقه
‎مْن التغاريد سوّا حفل مغترّه
تشوف راع الحلال مربّعه نوقه
‎عن خارج مراحها ماجالها جرّه
طابت كبودٍ من اللاهوب محروقه
‎الجوّ ذعذع براده وانفهق حَرّه
يا حابس الطير هدّه وأطلق سبوقه
‎خلّه يلد النظر بالنظرة الحرّه
الفرصه السانحة جاته على ذوقه
‎وقت القنص حان والايام مفترّه
قام المزاج المعكّر ينكسر طوقه
‎تأثير فصل الربيع يحلّي المرّه
صوت المطر ذكّر العاشق بمعشوقه
‎اللي وعد بالرجوع وغاب بالمرّه
لاحت بروق السحاب وحركت شوقه
‎ماغير يفتح زرار الثوب ويزرّه
-
لحفظ وحماية حقوقك انضم الى عائلة الفان
dashboard.alfa...