Г.Ариунбилэг - Ламаахайн маани | G.Ariunbileg - Lamaahain mani

Далай Чойнхор вангийн хошууны Хамба номун хан Жамбалдоржийн бүтээлгэсэн Ламаахайн маани хэмээх гүн утга агуулга бүхий уран бүтээлийг та бүхэнд хүргэж байна. Зундуй Чойр лам болон Цэвээнлхасүрэн хэмээх хоёр хувраг хуурын аянд оруулан, Хамба номун хааны дуртгаснаар ХХ зууны эхээр зохиожээ.
@Gandan Television
#Юнивишн 58
#Скай_медиа 58
#Ддэш 58
#Сансар_кабель 24
#Сансар_дижитал 25
#Монголсат 48
#MNBC 50
Ламаахайн маани
Нигүүлсэнгүй ихтэй Жанрайсиг
Хувилгаан биеэр бүжиглэсэн
Очирдара ламдаа
Залбирал талбин мөргөмүй
Ум мани бадмэ хун (4 удаа)
Хүмүүний биеийг оловч
Цахилгаан мэтээр өнгөрдөг
Орчлонгийн буданд тэнэхүйд
Очирдара минь татаарай
Ум мани бадмэ хун (4 удаа)
Тэвхэрлэн хайрласан эдийг
Бүгдийн өмнө орхиод
Эрлэгийн газарт одоход
Эрдэмт лам минь угтаарай
Ум мани бадмэ хун (4 удаа)
Үнэн хайртай биеийг
Үхээрийн дотор орхиод
Зуурдын хавцгайд тэнэхэд
Чадраабал минь тэтгээрэй
Ум мани бадмэ хун (4 удаа)
Очир тамд унаад
Онцгой зовлон эдлээд
Орилон бархиран дуудахад
Очирдар минь татаарай
Ум мани бадмэ хун (4 удаа)
Нөхцөл ягуун боловчиг
Тангаран санваараан сахиарай
Үйлдэр ягууныг үйлдэвч
Үйлийн үрээр гэрчлээрэй
Ум мани бадмэ хун (4 удаа)
Үйлийн үрийг магадлан
Олз, буянаа үйлдээрэй
Нүгэл буяныг ялгаж
Дамдин чойжоо тэтгээрэй
Ум мани бадмэ хун (4 удаа)
Номхроогүй уналгыг унаваас
Амь биеийг зовоодог
Номхроогүй сэтгэлийг буйлуулваас
Энэ хойтыг зовоодог
Ум мани бадмэ хун (4 удаа)
Өөрийн сэтгэлийг номхруулахад
Ламын увдис ноён бий
Бие хэлийг номхруулахад
Бурхны зарлиг ноён бий
Ум мани бадмэ хун (4 удаа)
Ноён ноён гэдэг чинь
Нэгэн насны ноён буй заа
Номын ноён гэдэг чинь
Олон төрлийн ноён буй заа
Ум мани бадмэ хун (4 удаа)
Баян баян гэдэг чинь
Нэгэн насаа гүйцээнэ
Байран тачаангуйг тэвчвээс
Баяны дээд л тэр шүү
Ум мани бадмэ хун (4 удаа)
Айраг гэвч согтоодог
Амраг гэвч зовоодог
Мэргэн гэвч гэнэддэг
Мэдсэн чинээгээ хянаарай
Ум мани бадмэ хун (4 удаа)
Олз гэвч осолтой
Хүнд гэвч хуурмагтай
Онол гэвч эндүүрэлтэй
Оносон чинээгээ хянаарай
Ум мани бадмэ хун (4 удаа)
Зуны цагийн цэцэг
Ягуун сайхнаар ганхавч
Намрын хонгор салхинд
Шарлан гандаж тархдаг
Ум мани бадмэ хун (4 удаа)
Идэр залуу насандаа
Ямар сайхан нэр эдлэвч
Эрлэгийн газар ирэхэд
Энэ гэгч танигдахгүй
Ум мани бадмэ хун (4 удаа)
Торго гэвч урагддаг
Мөнгө гэвч элэгддэг
Амраг гэвч хагацдаг
Алс хэтээ бодоорой
Ум мани бадмэ хун (4 удаа)
Сэдэн дуршил гэдэг
Шулмын хавхаас мөн шүү
Эцэг эхийн орон чинь
Гандангийн хүрээ мөн шүү дээ
Ум мани бадмэ хун (4 удаа)
Тонилоход бэрх гяндангаас
Үтэр түргэн зулдаарай
Энэ бүгдийг анхаарваас
Номын хувиар жаргана шүү
Ум мани бадмэ хун (4 удаа)
Магад гарахын санаагаар
Шагшабадыг сахиж
Бурхны цаазаар явбаас
Жалчин Намсрай тэтгээрэй
Ум мани бадмэ хун (4 удаа)
Амьд бүгдийн зовлонг
Хоцроол үгүй арилгаж
Өөрийн дээд ахуйд
Махгал минь татаарай
Ум мани бадмэ хун (4 удаа)
Үхэх, төрөх, зуурдын
Гурван биедээ урвааж
Очирдара минь болгоож
Ямандаг минь айлдаарай
Ум мани бадмэ хун (4 удаа)
Энэ мэтийн буяныг
Арван газар зорчиж
Алгасал үгүй болгоож
Вандан лхам минь нөхөрлөөрөй
Ум мани бадмэ хун (4 удаа)
Ачтай зургаан үсгийг
Хөгжөөл болгон залбирч
Ачтай ламын зарлигаар
Амьтан бүгдийг туслах болтугай
Ум мани бадмэ хун (4 удаа)
Гарьдын зулзага өндгөндөө
Идэр хүчин төгсдөг
Өндгөө дэлбэрэхийн цагт
Огторгуй дээгүүр нисдэг
Ум мани бадмэ хун (4 удаа)
Гурван биеийн эрдэм
Сэтгэл дээр төгсдөг
Илбийн биеийг орхивоос
Бусдын тусаар төгсдөг
Ум мани бадмэ хун (4 удаа)
Амьтан бүхний тусад
Хөгжөөл болгон залбирч
Газар мөрийн зорчиж
Бурхан болох болтугай
Ум мани бадмэ хун (4 удаа)