صب الرشراش(المبروشة)🇩🇿سنيوة تقطع كمية كبيييرة👌بمكون زادها بنننة على بنة😋توالم مع قهوة حليب في البرد🥶

[@بسمةالأمل-ن6ف]

صب الرشراش ام عبد النور:
كيلة بيض (4 حبات)
كيلة سكر
مغرف ونصف صغيرة بودرة المزهر او لفاني او مبشور ليمون.
خلطي مليح مليح +كاس زيت.
مغرف كبيرة معجون المشمش.
والحلاوة انت تتحكمي فيها اماتنقصي السكر او تستغناي على المعجون.ولا ديري كيما هي (كاس سكر .مغرف كبيرة معجون).
وخلطي مليح مليح مليح.
لمي بالفرينة (كاس)+2 كيس خمارة الحلوى
+4 كيسان فرينة تدريجيا وخلي العجينة طرية بزاف تتلاصق.
نقصي شوية من العجين ونشفيه مليح بالفرينة وحطيها في كيس بلاستيكي وحطيها في المجمد (باش تسكرفجيها على وجه القاطو).
خذي سنيوة ابعادها 35سم على 30 سم فرشي فيها ورق الطهي ادهنيه بالزيت وفرشي فيه العجين الطري وكسليه مليح على حساب السنيوة +3 ولا 4 مغارف كبار معجون المشمش دون الوصول إلى الحواف.
رشي عليها الكاكاو المر على كامل السطح.
واجبدي العجينة من المجمد وسكرفجيها في الجهة الرقيقة تاع السكرفاج.
طيبيها في الكوشة مسخنة مسبقا على نار متوسطة كي يحمارو الاطراف طفي مالتحت وشعلي عليها مالفوق تتحمر مليح وخرجيها.
تقدري تدهني وجهها بالمعجون وهي سخونة.
اقسميها باردة وبصحتكم😂😂

[@matbakhoumabdenour]

😍😍😍حبيبتي

[@بسمةالأمل-ن6ف]

جبتها ولا لا?

[@-kd3jp]

​@@بسمةالأمل-ن6فجبتها نيشان

[@Chocho-up7vr]

راكي رايحا تنحيها لام عبد النور 😂😂😂ه‍هههههههههه يعطيك الصحة ❤❤

[@nadaoran7193]

يعطيك الصحة والعافية

[@ghofran24163]

ترحموا على ميمتي نا خيتكم ني مكوية ربي يعلم بحالي💔💔💔😭

[@wassimwassim4385]

ربي يرحمها ويجعل مثواها الجنة ان شاء الله

[@amirkharkhache3532]

ربي يرحمها ويوسع غليها

[@SirineSirine-yz7jx]

ربي يرحمهاامين و يصبرك. الميمة عزيزة .دمعتك متنشفش كامل ربي يصبركم

[@Faresdjammel]

ربي يرحمها وجعل مثواها الجنة

[@ishakishak7221]

الله يرحمها ويصبرك اختي

[@SaimBenaoumer]

الله يبارك يعطيك الصحة ختي ام عبد النور ديرينا قاطو بلا بيض اقتصادي البيض راهو غالي بزاف ماشي واعرة عليك شيرات الساجيات القادات ديرو جام باش تشوفه الشاطرة تاعنا

[@matbakhoumabdenour]

باذن الله حبيبة مكاش مشكل

[@SaimBenaoumer]

شكررررررررررا تسلمي حبيبتي

[@SirineSirine-yz7jx]

مليار جام في خاطر ميمتنا المستغانمية ندير جام قبل مانشوف الفيديو

[@SamIra-v7n]

انا ضرت فيها زوج بيض او 125غرام دهان او نصف كاس زيت او نصف كاس تاع عسل او 1 او نصف تاع فرفارة ولميتها بفرينة او درت فو وسط طبقات كونفيتيغ جات تهبل قاع عجبتهم

[@touMi-n5n]

ايههه هاد القاطو تعلمتو في التسعينات كنت فرححا بيه سوغتو كي يقولولي اعطينا لاغوسات ايام الزمن الجميل ❤😅❤

[@HasniaHasnawy-uh5ss]

تعقلي 😂😂😂تحسي بالفخامة

[@HayetMellah-xz9el]

ياختي كنت مقنوطة و الله غير تحسبي طليتي على قلبي بهدرتك يطيك الصحة على كلامك مكاش اللي يرفدك من غير صحتك

[@مقصوراتفيالخيام-ب6س]

اللهم اصنعني على عينك وثبت كتابك في قلبي وارزقني خيري الدنيا والآخرة واعف عنِي💚🌸

[@salsabilboudoukha2900]

جربتها ليوم في سنة 2024 يعطيك الصحة بنينة ماتتشبعش ربي يحفظك و يعينك ❤❤

[@oumyoucef_cuisine]

هههه😂😂😂كل ما تقولي تدابزو مع بعضياتكم في الخيمة نتخايلها صح كيما بكري في الطرولي يقولك زيد ادنى مازال كاين بلاصة روح للور روح 😂😂😂يا بنتي رانا كل ما نكبرو قلبنا يضياق لازم قناتك تزيد تكبر باش تكفينا قاع و ماتنساونيش خياتي بعدما تتمتعو عند الغالية جوزو عندي خياتي مرحبااا بيكم 🌹

[@LaPouppee]

أينما توجد أم عبد النور توجد البساطة الغفوية وال مااااااااكلة 😂😂😂الي تشهي وتسخف❤

[@cook_with_22]

ربي يحفضك ويسترك دنيا واخرة ممكن تنورين حبيبتي دون احراج والله منحبش نقول اني ارملة وعندي اطفال

[@addaadda6064]

يا ام عبد النور الله يرزقك حجة وزيارة لبيت ربي ديرلي ليدونات بدون قلي ويكونو بنان وخفاف ومقروط لسنيونة بلكوكاو في اقرب وقت الله يحفظك وياعطيك ماتتمناي ويسترك دنيا واخرة يارب العالمين ماتنساينيش

[@الأستاذة_أم_نيروز]

امهاتي لحق وقت التقويمات ❤ معكم أستاذة طور ابتدائي اقدم تمارين تقويمات واختبارات مقترحة بقوة من الاساتذة ونصائح قيمة وكل مايخص التعليم الابتدائي مرحبا بكن صديقاتي الامهات 🥰⁦❤️⁩

[@روتيناتومطبخامآدم]

شكراً على كل مجهود راهي تبدل فيه كل امراة❤❤❤

[@RAWNAK-ce7ns]

انا عندي 16 درتلهم مشحمة لي درتيها و جات تهبل ربي يحفظك ويخليك لينا نشاء لله 😍❤❤

[@HasniaHasnawy-uh5ss]

ألله يبارك

[@tarekbenmansour9271]

شكرا حبيبتي أم عبدالنور ❤راني درتها دك لقهوة العصر خرجت تهبل وبنينة بزاف سرتو مع إضافة الكاكاو فيها زادها ذوق بنين بزاااااف ❤

[@فطيمةأممحمد-ن4س]

اللهم صلي على سيدنا محمد وعلى اله و صحبه اجمعين ❤❤

[@Mosta-et4pd]

ام عبد نور يعطيك صحة عجوزتي دلي تتفرج فيك و تقولي تعجبني هدرتها متنتملش كاش نهاار ديرلنا ملما حنا مستغانميات نتلاقو نبغوك بزااف ♥️♥️

[@ikramoualid9138]

كامل نبغوها الله ينورها حلوة الله يبارك ربي يبارك فيها ويصلح ليها ويحفضها من كل بلاء وشر ياااربي ❤

[@mokhetarenawel1061]

ياختي ولله تقولي طليتي علي قلبي وحسيتي قاع واش كاين .كي تروح الصحة قبطي مايعقلكش😁وحسيتك راكي تشوفي فيا وتحكي❤❤

[@aekali4943]

جربتها اليوم جاتني بنينة بزاااف روووعة يا البنات جربوها وماتندموش يعطيك صحة يا أختي أم عبد النور 🎉🎉🎉😊😊😊❤❤❤❤

[@أفوض.أمري.الى.الله]

كي درتيلها الكاكاو ماخرجتلكش مره راني حابه نجربها وخفت تخرج مره

[@NinaWish-cp8zi]

​@@أفوض.أمري.الى.اللهمتخدميش بلكاكاو المر اخدمي بلكاكاو لي ريحتو شابة

[@handa182]

طلبت منك شحال من مرة دريلنا مربى الصفرجل الله يخليك ❤❤

[@mahmoudhbib7187]

دعولي ربي يرزقني الذرية الصالحة و لكل مشتاق يا ربي 😢

[@تبتبعثتيتثتثهثع]

ربي يعمر عليك ويرزقك بالذرية الصالحة يارب 🤲🏻🤲🏻🤲🏻🤲🏻

[@AkramLatreche-u6e]

كلامك يجي على الجرح يداويه انا جديدة راني نستعمل تلفون نتاع وليدي معنديش تلفون بصح درتي لي طاقة إيجابية ونبهتيني على بزاف حوايج الله يرزقك الصحة والعافية يارب و في ميزان حسناتك ان شاء الله شكراً

[@sarahhamm13]

يا ختي درتها اليوم جات بنييينة تهبببببل أول مرة نجحتلي يعطيك الصحة و الله يخليلك صحتك و يشدلك في هاذوك اليدين الله يبارك 😍😍

[@soulefjouri5989]

كلامك دوى يابنتي ربي يعطيك صحتك و طلبي لي ربي يشفيني

[@mohemadabdslam2469]

يا اختي هدرتك تنحي الغمة وجربت الحلوة جاتني روعة يعطيك الصحة

[@AyaZizi]

يعطيك الصحة نموت عليك ام عبد النور تعطيني طاقة اجابية

[@SamSung-bd5xu]

Slm oum abdnour ya3tik saha 3la wasfa macha allah top de top merveilleux tohfa ghazel hayel zwine magnifique wasfa fi kima wa taalok vraiment super et formidable taslam ayadi bsahatkom bisaha walhana naharokom ass3ad b8❤❤❤❤❤❤

[@أميحبيبتي-ك4ج]

عندك الحق حبيبتي ام عبد نور كلمه تاع صح قلتيها الصحه هي كلشي والواحد يتفكر الاخره ميلتهاش غير بالدنيا

[@benarroumkh7163]

اللهم صل على سيدنا محمد وعلى اله وصحبه وسلم تسليما كثيرا

[@youmust1466]

والله يا أم عبد النور تقولي راكي عايشة معانا دايما واش تهدري تقولي طليتي على قلبنا تفرغي كلش يجيني الضحك نقول سبحان الله أم عبد النور دايما تحس بينا

[@OumWail-r6j]

يسلم يديداتك الذهبية حبيبتي أم عبد النور دخلتي قلبي شحال انحب هذي الحلوى ميم حنا انسموها صب الرشراش يعطيك الصحة ربي يخليك لينا يارب 🌹😍🤩😘🥰

[@user_tm8sdu1oc]

لي طاحت عينها على تعليقي و فرحتني بأبوني روحي ربي يرزقك المال و البنون و الصحة و الهنا ان شاء الله يفتح عليك كل ابواب الخير و العطاء و البركة و العافية يارب🤲🏻❤️ ‏‪0:45‬‏

[@Samizen-rt8vg]

يعطيك الصحة اليوم جربت البغرير التالي نتاعك وجاني ماشاء الله، أنا قبل ما نبدأ في الفيديو نعبز على الجام على خاطر الكلام العسل اللي يخرج من فمك

[@miradmohamed3684]

اللهم صلي وسلم على نبينا محمد وعلى آله وصحبه أجمعين وسلم تسليما كثيرا

[@امنانو-ج8ع]

انا قبل منشوف الفيديو نحط جام منعرف واش راكي رايحة طيبي المهم يعطيك الصحة وصفاتك كامل مضمونين وبنان ❤❤❤🎉👍👍👍👍👍

[@mamaa6373]

الله يرحمها. راني حسنا عونك راهي فاتت علينا هذي الكية ربي يصبرك ويصبرنا ياختي فراق لميما بزاف

[@RachidaBrahimi-j7l]

و ياااا حبيبتي ام عبد النور نموت عليها هذي الحلوة كانت عمتي ديرهانا ربي يطول في عمرها 😊😊

[@kaderkkaderk7516]

ياربي سهل عملية أمي وردها لنا سالمة معافية يارب ادعو لامي يا اخواني

[@amelmalek8924]

ربي يشافيها ويعافيها شفاءا لا يغادر سقما يارب العالمين

[@chouhakime9849]

جربتها وجات طرية دوب فلفم وضاعفت مقادير شكرا راكي مسلكتنا 😊😊😊

[@ayaayouta-sk3kx]

الطريف والله مننساه

[@sadiyaelchir9927]

عليه افضل الصلاة والسلام على سيدنا وحبيبنا ونبينا محمد صلى الله عليه وسلم
جمعة مباركة علينا وعليكم

[@faridadaoud8063]

أنا الملعقة تاع الكاكاو نزيدها في العجينة اللي نبشرها تجي هايلة شكراً كلامك كي العسل دائما نضحك في الفيديو😂

[@rachidguettai1353]

ياأم عبد النور روحي ربي يفرحك كيما راكي تفرحينا والله يعطيك حجة إن شاء الله🤲

[@hassinaagoun7766]

والله هدرتك عسل وتنحي على الخاطر ربي يحفضك .

[@mohammedgaamoussi3397]

السلام اختي راني سييت باتيسري نتاع الكرامال اليوم جا بنيييييين بنييييييين الله يعطيك الصحة

[@محتوىمتعوبعليه]

يعطيك الصحة على الوصفات وعلى روحك الخفيفة

[@macuisine6748]

جربتو اليوم في المول الاسطوري و درت نصف المقادير جا تحفة يعطيك الصحة

[@aicha6254]

الله يبارك على هدرتك عسل وماتتملش ربي يحفضك على وصفاتك البسيطة الراءعة وفي ميزان حسناتك انشاءلله

[@bozboujazineb3393]

الله يرحم امك وامي وامهات المومنين امين واالله يصبرن علايهم

[@issamzairi9894]

البساطة والبنة سيرتو كي تبات ديك البنة😊❤️👍

[@امصادق-ل3ج]

هادا خيتي فكرتيني في ما كل مانجي مستغانم توجدهالنا الريحة وصلتني

[@billalbel8053]

فكرة مليحة تاع الكاكاو يعطيك الصحة حبيبتي تستاهلي العالمية

[@YuyHuu-d5t]

Je suis une femme kabyle de tizi ouzou je suis fier de toi oum abd nour tes recettes et sent magnifique merci milles fois ❤❤❤❤

[@AhceneAhcene-p6m]

3:39 3:39

[@AhceneAhcene-p6m]

Sont machi sent

[@SahaMouloud]

Mon gâteau préferé yatek saha oum abdenour

[@OoPpo-e8x]

إيه. صحيتي يا لعزيزة. منين داك فكرينا بريحة وحوايج زمان.. الله يسلم هدوك اليدين الزينين.. يعطيك الصحة و العافية.. يارب..

[@mosta2468]

يعطيك الصحة بارك الله فيك هدرتك تعجني انسانة متواضعة مشاء الله عليك

[@ninanina-k8t]

شكرا على وصفاتك راىعة كلما نجرب تخرجلي فور ور اجلي قالي يرحم ليد لي طيبتهم قتله يرحم لي علمتني يجعلها في ميزان حسناتك

[@MalakBeauty-k6e]

شكون راهي هنا في 2025

[@حليمرابح-ذ4ب]

درت وصفة تاعك واش نقلك روعة مع اني نحب نزيد من عند زدت 2م ك زبدة ذايبة ماحبيتهاش غير بزيت وزدت م ك عسيلة جات ولا اروع شكراا

[@oumzakariawaimrane]

الله يعطيك الصحة 🇩🇿🇩🇿🇵🇸🇵🇸روعة ماشاءالله

[@aicha6254]

ماشاءلله عليك هدرتك عسل ماتتملش ربي يحفضك ويعطيك الف صحة على الوصفات

[@zohrazozo2369]

يعطيك الصحة عجبني ڨاطوك و كلامك اكثر و الله ضحكت . تنحي على الخاطر . بارك الله فيك ربي يحفظك عبد النور

[@LeaaAssinatte]

سمانة فاتت زوج مرات ندير فيه او درك زدتي شهيتني نوض نديرو شكرا

[@فضاءامراة]

السلام عليكم دائما تبهرنا بالوصفات واصلي إلى الأمام

[@widadtoumi-z8q]

يعطيك الصحة والعافية حبيبتي ربي يحلي كلامك ويزين يامك ويعلي مقامك ❤️😍

[@omamir2770]

الله يبارك عليك وعلى وصفاتك ويشدلك ربي في عبد النور وربي يحفظك

[@امفاطمةعلي-ن6ض]

يعطيك الصحة والعافية والعمر المديد يارب

[@yassineden4461]

ربي يرحمها ويجعلها من اهل الجنة هي وموتانا جميعا وربي يصبرك ادعيلها برحمة

[@MimunMimuna]

لا إله إلاّ أنت سبحانك إني كنت من الظالمين ❤

[@عبدالقادربستارسة]

عجبتني تاه مصفارة مقتلة يعطيك الصحة جربت قاطو تاع المحلات جا روعة

[@kllgooouphh1700]

ربي يحفظك وينورك راكي بكلامك الحلو ياأحلى ام عبد النور تنحيلي على خاطري يعطيك متتمني صح لوحدة لزم تتهلا في صحتها كلامك صحيح

[@LITIRABA]

آلهم صل وسلم على حبيبنا محمد عليه افضل الصلاة والسلام عدد ماذكر الذاكرون وغفل عنه وعدد تعاقب اليل والنهار

[@jinennadjini6476]

ربي يحفظك ويعطيك صحتك راكي كعيبة م الكبار❤❤❤❤❤❤

[@karisoumi]

ندير جام قبل ما نشوف الفيديو و الله لا ديما تعطينا الطاقة الإيجابية ربي يحفضك ❤❤

[@AblaAbloucha-m3f]

صبحت عليها اليوم راني ندير فيها نشالله تنجح

[@karimakajjou3123]

عجباتني بزززززززاف هاد الحلوة ان شاء الله بغيتك نجربها ان شاءالله تبارك الله عليك كتعجبني هضرتك بزززززززاف أنا متابعة من المغرب

[@فهيمةسماعيلي]

حلوة رائعة وساهلة وتشهي ماشاء الله ويعطيك الصحة حبيبتي أم عبد النور ❤

[@karimachali8135]

والله هدرتك قمة صدقيني نموت على هدرتك قبل ليغوسات تاعك

[@salihaben861]

صباح النور كيراكي يالميمة الله يعطيك الصحة

[@HassaniBzyn]

ام عبدو انا غير نتخل ندير الجام بلا منشوف الوصف تستاهلي الف جام ❤

[@aminaamari3062]

اممممممممممم راهي تشهي مشاء الله تبارك الرحمن

[@modo8588]

ربي زهي يامك مع هذا الغلا هذي توالمنا 🌹❤❤❤❤

[@رفيقخلفالله-ت9ت]

الله يبارك فيك يا أختي راني مدمنا على وصفاتك❤❤❤

[@khadijaaryem158]

انا متتبعة وفية ليك من وهران والله اذا انت حلوة وتدخلي ففي الخاطر انا قاع مكنتش ندير الحلويات بسبتك انت تعلمتهم ربي ينورك ويحفظك وكملك ما راكي متمنية في حياتك يا رب ويسترك من عين حاسدة يا رب امين👍👍👍👒👒😘😘

[@manisaker9810]

سييتها جات ما شاء الله يعطيك الخير

[@hadjerbendjama8052]

شحال وانا حابة نديرها.حسيتي بيا شكرا ام عبد النور.

[@ZahrAlyassmin]

عطيك الصحة ام عبد النور كلامك دواء

[@ArabicCuisine916]

تسلم ايدك حبيبتي تستحق التشجيع 👍🏻👍🏻👍🏻🙏🥰

[@RachidOran-l1o]

ديرلنا شوربة المقطفة الله يرضى عليك ام عبد النور

[@الصابرةالمحتسبة-ط7ز]

شيرات دعولي هاد شهر نحمل بوليد صالح يارب ربي يفرحكم ❤

[@israehako5976]

ربي يحفظك ويحققلك امانيك ويفرح قلبك 💚

[@فاطيمةباش-ف5س]

الله يبارك فيك ❤❤❤❤❤

[@salimasalima6073]

Rabi yahafdek inch'Allah Madame j'adore tes recettes et ta façon de parler vous êtes adorable TOP

[@aichasadok2609]

صحيتي يا الزينة والله غير جات في خاطري هذه الحلوة درك نجربها باذن الله

[@NadiaBelhadef-g4z]

ليوم درتها جات روعة الله يعطيك صحة

[@okaoka2161]

عادي انجربها انشاء الله ، راني ساكن عندك ، وصافتك كلهم ناجحين و ساهلين الله يسهل عليك الصعبة و يشدلك في ولداتك ، ....

[@karimahadjer-oo1pu]

الله يرحمهم ويرحم كل موتى المسلمين ويثبتهم يوم السؤال أنا عزوجتي السبعة تع الصباح تقولي راه اامقيل ااقيلولة

[@SaidJfyy]

روعة روعة روعة مشاءالله عليك

[@sidousidou7721]

نتي ختي ام عبد النور الله يعطيك الصحة ديرينا القاطو نتاع اللحظة في اليوتيوب آلله يخليلك عبدو ❤❤❤❤

[@FaissalWahab]

الله يعطيك الصحة أختي أم عبد النور

[@assiaKwinta-ni7sl]

ربي يوفقك اختي