🤖 Robot Dreams 汪汪夢裡人 - 劇透影評丨電影只講愛情？逐個角色點評｜點睇結局？廣東話影評｜戲痴HeyChill
HTML-код
- Опубликовано: 6 июл 2024
- 即使一生多出一根刺
沒有刺痛別要知
就當共你 有劇情沒有故事
00:53 電影寫愛情？
04:15角色人性化
07:35雪人和角色設定
08:42鴨仔的角色設定
09:20 家庭教育
10:16 黃色機械人的設定
11:23 結局
12:55 動畫過場
13:14彩蛋
《🤖 Robot Dreams 汪汪夢裡人》
導演: Pablo Berger
監製: Ibon Cormenzana, Ignasi Estapé, Sandra Tapia Díaz, Jérôme Vidal, Pablo Berger
編劇: Pablo Berger
🎼節錄音樂（經剪輯）：
Looping the Piano: September (Earth, Wind & Fire)
▶️Peter Bence
• Looping the Piano: Sep...
Soft Piano Music - Royalty Free - Summit
• Soft Piano Music - Roy...
♾️ Free Piano Music For RUclips - "Purpose" by Jonny Easton 🇬🇧
• ♾️ Free Piano Music Fo...
HeyChill電影金句節錄+電影資訊:
Instagram: heychillhk
Facebook: heychillhk
課金支持HeyChill💋
payme.hsbc/heychillhk
#Robot Dreams #汪汪夢裡人#廣東話影評 #電影 #影評 #電視劇 #香港電影 #香港音樂 #HKPOP #廣東歌 #戲痴heychill
我睇完之後都沒有太大的感覺，甚至認為是happy ending, 因為大家都move on,各自過新生活。 後來睇到唔少人都話睇到淚流滿面先去再反思一下套電影。係嘅，人生總有一些遺憾無辦法可以重新嚟過，但係因果關係並不是一時三刻可以定結局，相信一切是最好的安排，要繼續好好過日子。 我甚至有諗過電影係一套同志電影，因為各角色都無性別定型，愛就係愛。
這電影用嚟解讀會好痛苦，佢從來無嘗試過完完整整咁講述任何一種關係，我相信導演只想觀眾盡情投入感受，回憶同對號入座就夠了
好驚喜阿絲短時間出片講戲同埋個觀影角度咁唔同😂
個人係覺得如果用狗仔嘅行為黎judge佢愛/唔係好愛機械人係有啲sad，因為每個人嘅經歷同定義都唔同
就好似有人(eg阿絲)會覺得狗仔坐完監就會做其他野甚至睇都唔睇下機械人其實都唔係好愛
我就會覺得一個奉公守法隔離跳哂閘都要乖乖地入飛嘅狗仔，搖完一次閘俾人趕走仲要帶埋架餐去剪閘結果俾人拉左，之後一直mark低個海灘幾時開返其實係一種愛嘅行為
呢個都係導致到套戲好兩極化嘅原因，因為每個人對點樣愛本身就已經有自己嘅諗法
所以我係覺得套戲其中一個重點係點樣去愛
btw我覺得阿絲係真係dark左啲😂
好似雀仔同機械人咁，雀仔係得到左機械人嘅幫助，但我覺得機械人有雀仔成家人陪果段時間嘅開心已經係有所得著
而機械人都可以揀唔幫雀仔，所以機械人幫雀仔已經係一個自主嘅行為，而唔係去到最後先係第一次可以自己做選擇同決定
冇錯呀，你講咗個重點！就係大家對愛嘅睇法實在太唔同，所以會有咁大極端化，而我都覺得呢樣嘢係呢部戲最有趣嘅地方，俾我睇到大家有唔同嘅觀點🤓我鍾意你提到機械人決定幫雀仔都係佢嘅自主 呢個位我真係諗得dark咗 其實機械人願意付出都唔係可以忽視嘅行為
咁咪代表狗狗佢唔係一個懂得愛嘅人，佢只係想被愛被支配，所以一旦面臨需要佢主導奮身嘅時候就會令結果邁向差嘅一面，當然佢係無必要犧牲咁多、做咁多，但如果佢又要唔做又要話好唔捨得嘅話就係會顯得冇做盡，而戲中狗狗自從出監後真係唔算顯得好唔捨得，最多係話機械人喺佢心中留有一席位（始終機械人係第一個令狗狗享受另一段人生）
愛情既隨機，緣分，偶然，不確定，不自主等等。未必能夠控制將最好的留在身邊。
上年同情人去了沙灘甜蜜過，分手後看完這套戲，我又再一個人去了沙灘，試下體會電影內既感覺。
我反而一開始都覺得係講愛情,
然後去到有一個shot覺得導演會刻意咁模糊化件事,
佢地去公園見到班小朋友拖手, 機械人就有樣學樣拖狗仔隻手
如果係講愛情, 我覺得模仿對像應該係couple
我自己都好不解狗狗點解唔做多D(放風箏俾個MSG機械人知)
之後諗番, 都係覺得狗狗由頭到尾都係寂莫想要一個伴,
無論係銀色機械人/金色機械人/黑超鴨, 只要係陪到佢就可以
一開頭有個shot 見到鄰居情侶，狗仔羨慕佢哋先會買機械人，我覺得呢度都足以講比你聽係愛情渴求
一向覺得阿絲分析不錯，
但今次似乎解讀得over左
唔關dark唔dark事
而係有d過火左
唔緊要呀，其實我今次出呢條片都會預咗同大家諗法好大落差，不過最緊要你搵到自己喜歡嘅角度，搵到屬於自己嘅感受就好了～
2:23我覺得除咗呢個之外另外一個用狗狗黎做主角既原因係為電影後段一個message做鋪排,多數人養寵物唔係狗就係貓,狗多數比人感覺係活潑好動啲,而貓比人既感覺係較為文靜,喺角色定型下好容易令人幫佢哋代入性別(狗就等於男,貓等於女)。去到狗狗夢見雪人帶佢去碌保齡嗰段有個細節,雪人件衫上面係寫住佢個名Snowman,但狗狗件衫上面就唔係寫Dog,而係寫左Cat,可能就係想帶出喺現今社會每個人都可能會有唔同既性取向呢個訊息
好hard咁睇嘅話，狗狗佢唔算係一個好嘅伴侶/主人，點解要去到臨尾一刻、事後先識得去學維修，就好似錯過一段感情之後先去想箍煲修補關係，但現實往往會太遲一去不返，而記掛的人亦會被命運安排遇上更對的人，浣熊佢唔止識修理機械人，為佢匹配新嘅身體，仲會照顧佢起居飲食，當然浣熊安排收音機呢part都有滿足自己一點，不過佢同機械人嘅相處可以睇得出係一個願意給予愛俾珍視嘅對象嘅人。
另一個角度無咁hard睇狗狗嘅話，佢係無必要付出犧牲咁多，始終冇擔起咩嘢承諾定責任，而站於狗狗角色嚟睇可能對佢自己而言真係做到盡，佢本身站伴侶呢方面唔係一個好叻嘅人，唔識得機械維修、唔夠力搬運（對比夢中嘅賤兔、猴子、浣熊），而佢都用過唔少諗到嘅方法阻止遺憾，都係無辦法嘅時候唯有開始另一段生活、關係。
只係我哋局外人去睇嘅話，會覺得仲有好多方式做到，至少都可以傳達到俾機械人知自己心意同冇放棄忘記，狗狗到後段都仲有mark實重開日子去搵佢，咁其實又會好矛盾，內心未放下但又冇去捉實……
Anyway我會覺得最好嘅結果當然係唔俾遺憾發生，而面對遺憾只要問心無愧，懂得放下都不嘗叫係一個好結果。每個人都有唔完美同缺憾，需要撞板學習，狗狗同金色機械人應該都會比起最初嘅自己更有進步同有能力！
應該說一直孤獨一人嘅狗狗第一次投入一段關係，有很多事情未必知道如何應對，當他知道的時候這段關係已經去到一去不返的局面。
但這樣也造就了之後的他，在投入下一段關係的時候懂得如何珍惜和維護這段關係，那次刻骨難忘的分離使他得到了成長。
我開頭睇既時候都覺得唔係太投入！一路有d不解，就正如你所講機械人一開頭太似寵物既角色，太白紙，不過之後想法就有d唔同。感覺到係講愛情既時候覺得可能係想表達係初戀個種純樸，單純既對方，狗狗係主動個個，而好似初戀既時候因為無經驗而唔識好好照顧對方（帶左機械人落水）。到中間遇到其他愛情上既過客，好似雪人（主動型既對方）同鴨仔（花枝招展但係唔可以stable既），經歷過各種伴侶之後，最後發覺始終最愛既都係機械人，想搵返個同佢差唔多既人所以搵左黃金機械人而今次就識得點愛護佢。相反浣熊係一個識點樣愛機械人既人，例如為左令佢行動方便d幫佢換左隻有關節既新腳。最後機械人重遇狗狗，播起首歌，我覺得好似象徵同一個係wrong timing一齊過既人懷緬既開心時光，但往事只能回味，大家都知道依家身邊愛自己既係邊個，舊有既就唔應該再觸碰，好好過各自既生活。
我認為世上是有像機械人這樣純真的人，但現實就是如你所講，所有人包括愛侶都自私地攞著數，直至再沒有利用價值，就用各種堂而瑝之借口將之拋棄。如果幸運遇上睆熊，還可能有個好結果，但如果不斷再遇上狗仔這類人，最後機械人只能接受現實，將自己的純真封印。
每次見到結尾 狗仔好失落咁望上去機械人嗰幕
都會覺得好sad 鼻酸
繼續勤力出片❤
最愛阿絲嘅分析！！！
Thank you C❤❤
睇緊果陣 個腦自動loop緊kolor首過客
短時間有兩條片，感動，支持👍🏻
每個人可以用唔同嘅感情投射，係我覺得電影嘅犀利之處
可以看看原著繪本，作者的確是由她和寵物的經靂開始創作的
唔係咁中意人去講“佢唔係咁愛／佢唔夠愛”，好似講到狗仔好無情咁。由頭到尾佢嘅需求都係解決寂寞，而唔係做你心目中嘅情聖。而且佢一直都想再見到機械人。。。
再者，機械人其實好代表到某種情感被動嘅人。有d人係需要其他人活化，教導，刺激，先識得去過一個開心嘅生活，所以唔需要成日當佢係受害者。佢從其他人身上得到好多野。
？？？狗仔同雪人鴨仔嘅橋段咪就係為咗突顯機械人先係最適合佢 ，如果唔係佢最後都唔使搵返個一樣（外形、性格被動）嘅機械人啦
@@Aniybblu 係呀，所以我意思係話狗仔潛意識想搵一個可以支配佢嘅人 但實際上同佢最夾係機械人 因為事實狗仔同雪人&鴨仔都有相處出入 所以最後都揀返機械人呀 我哋兩個觀點冇抵觸㗎 分別只係我提到潛意識狗仔有期望被支配嘅意思 但事實佢係handle唔到
除咗竉物嗰個之外，其他都講中哂我嘅感受。
個人最大感受係首歌太啱呢部戲。❤
詩、思、絲👍👍👍
感動係你復出啦！
我睇既時候從來唔覺得係愛情😂導演本身都講呢套動畫既感情可以係任何嘢
友情、愛情、親情⋯⋯
妳活躍返啦！🎉
😂😂😂😂似是友情
復出啦 感動
我睇到喊曬…
睇嚟你搵到呢套戲同你聯繫到嘅經歷🫂
聽聞浣熊特性適應力極強，會搵嘢整竇同埋搵嘢食，連腐肉或任何食得嘅嘢都食，故經常執垃圾，可能因為咁用浣熊做角色
講得好好，希望你未來有多啲片出❤
浣熊有個花名叫trash panda～
🤭🤭cutecute 成件事通哂👍🏻
我自己睇 反而係情侶feel多
完全係我睇套戲個feel!兔仔可以水路接觸到機械人，馬騮可以執到機械人，狗仔做咗啲咩？🙈其實狗仔都唔識咩係愛，佢同鴨都係新鮮感，最後狗仔同新機械人都唔係愛，變咗係珍藏物品錫住用咁🙈
我甚至都吾覺得係寵物， 我覺得係一個programme 咗會俾feedback 嘅 device， 一個人可以對好多個device
有趣 其實都真係講得通
@@heychillhk 我直頭直接諗起日本同初音未來結婚嗰個人。
養過寵物嘅人不可能咁樣詮釋。
寵物伴侶見番失散嘅主人會唔撲向主人？主人見自己嘅寵物被另一個人拖住，會唔搶番寵物？
分析有個人见解好好，但都要有個譜。
@@kimfan8843 其實如我片中所說 我覺得係寵物嘅感覺係到雪人開始時已經轉移左係愛情，你提及到嗰兩個情節都係我唔再覺得係寵物嘅部份。另外，我都係有養寵物， 寵物都有分好多種，不能一概而論
@@heychillhk妳講得啱
其實依套係hehe片?D主動全部男人又關於愛情·
睇唔夠5分鐘，唔好意思 頂唔順睇唔到落去 完全唔係套戲想講嘅嘢 po主唔該睇多次
會係浣熊係咪因為浣熊中意執垃圾😂
🤣🤣🤣笑死 諗起之前有單外媒話有隻浣熊為咗食垃圾跌咗困住咗垃圾桶到🤣🤣
絲把聲好好聽❤
我覺得你要分析嘅話可能係要根據電影背景，外國人想像嘅現代愛情未必等同同我哋「覺得」佢哋愛唔愛，文化背景有啲唔同，我覺得唔可以話我咁就覺得佢唔愛佢。
同意，我認為套片已經表達出DOG已經用盡方法想幫ROBOT解困，已經去到非法進入喇喎，依個係一個巧妙同時不應過份解讀既位，好似現代人鬧翻想修補關係，無度門隔住，可以隨時通訊探訪，都做唔到，又點解呢
單身狗🐶
你經歷過啲咩。。
Touch wood冇特別, 不過啲角色真係好衰衰,你唔覺咩😮💨
@@heychillhk 我反而覺得係兩個未識得愛嘅人一齊，互相學習？不過我都覺得狗仔做得唔夠多，坐一坐監就放棄
點會係寵物，錯9晒，唔係理解得同人唔同，就叫先進吖大佬
冇話岩定錯，個個睇法唔同
你可以覺得係朋友、係戀人
咁點解佢唔可以覺得係寵物？
@@yimmanfai 我覺得講唔通，佢後面仲要質疑狗仔有幾愛機械人，我覺得佢理解得錯晒。普通人嘅愛情就係咁脆弱，狗仔後來都喺夏天一到嘅時候去返沙灘搵機械人，挖到周地都係窿，我覺得算係愛啦（普通人），唔通要殉情先叫愛？大家理解唔同係可以，一千個人可以有一千個哈姆雷特，但理解錯導演想表達嘅嘢就叫哈姆太郎。仲有，佢話浣熊改造機械人表現嘅係機械人完全無自主意識，我覺得可以用另一個角度睇，係每一段戀愛都會喺你身上留下痕跡。
寵物對主人那種純真，義無反顧的愛，同機械人的確有很多共通之處。大家人生閱歴唔同，睇到嘅嘢亦都有偏差。留言無需咁重語氣吧。相信原作者亦故意沒將這段關係定性，給觀眾自行補完碱。