الغربة - كلمات والحان الشاعر علي الأخرس.

موال:
الغربة ما بعمرا كانت وفيّة
زرعت جروحا بِ أهلي وفيّي
ما عندا حجاب لشمسا وفَيّي
وما عندا قلب يطبطب للغياب
الاغنية:
بالغربة منّي مسرور
فيها عم عيش بحرقة
قلبي من جوّى مقهور
عا عمر نسرق سرقة
الفلّة ما كانت عالبال
لو ما ضاقت هالأحوال
فاقد لإمي وبيّي
و لإختي الحلوة وخيّي
كل مين خسر الحنية
ماعاد تعنيلو الأموال
يا غربة حني علييّ
مشتاق وما عاد فيّي
فاقد للعيلة كلّا
لمّا يكونو حواليّي
موجوع ومش قادر نام
هيك عم قضّي الأعوام
بضلو بالي مشغول
بهالغربة المرة عطول
وكل ما يندق المحمول
بفزع تصدمني الايام