محمد بن الذيب - ياليل خير
HTML-код
- Опубликовано: 8 фев 2025
- ياليل خير..وما ذكرتك يوم جيت إلا بخير
ما ينخدم بخيل..لكنّك بخيل وتنخدم
لا هيّن إلا الهيّنه..ولا عسير إلا العسير
ولا ذميم إلا البخل..ولا حميد إلا الكرم
واللي تعدّى مرحلة الإبداع والنجم الخطير
أصبّها صبّ الذهب وإلا رسمها لك رسم
وش فلسفة سقراط وإلا وش كتابة شكسبير
إليا تلاقت حنكة الشايب وطيش المنفطم
استوئمتها وسميت بسم الله وقلتإلا يصير
سوّت سواة المتنبي وأسمعت من به صمم
لأني على الدرب الطويل أجرّي الدرب القصير
وأمرّ شمطان اللحى لأهل الشنبات العصم
الصف الأول ما هو بصفّي ولا الصف الأخير
أنا أنا من حيث ما أجلس..هنا يبدى الرقم
شاعر إليا حرّك هجوسي رايح الغربي عصير
سمّعتك أحلى ما كتبت من القصيد المنتظم
وإنا صاحت بيوت القصيدة صيحة الحر الأسير
أجيك كنّي قايد الحملة في جيش المعتصم
وإليا بغيت أنافس الشعّار وأولهم جرير
قلت البيان يصير منّه سحر والشعرُ حكم
يا شعب كشمير أنت تبغى حق تقرير المصير
وأنا لو إن الأوضاع في يدّيني على ذيّا الخشم
لكني شاعر لا معي ذمّه ولا عندي ضمير
ما نعرف إلا جرّت المنكوس في رآس الحزم
لكنّ يا جراح والناقه ماهي مثل البعير
تعال بآعلمك والتدخين ما يبري الألم
البارحه يوم أنصحك تقولّي يا عم طير
أسلوب خايس بس من حقّك لكن وين العشم
لو إن ربي هاديٍ بك لو يهودي من نُضير
ترى النبي أكّد على أنها خير من حُمر النعم
وإن كانك مصمم على التدخين ولا لك مطير
عليك ابمالبورو الله لا يبارك فالألم
وإليا بغيت نغوص فالمرجان فالبحر الغزير
ولا تهون من القلام الزرق دوّر لي قلم
وإن ما لقيت بدفتر موضّع على ظهر السرير
إشتر لنا دفتر جديد أبو ثلاثمية رزم
وأول نصيحة من شوير يسوقها لأغلى شوير
الخال ما آوصيك فيه إليا غلط والعم عم
حسن التعامل يجمل الرجال في عين النظير
مثل الصبر لممارسين هواية صعود القمم
وأطيب كلام آحاول أختصره لك بموجز قصير
إن رحت تبغى المطعم وجيت ولقيته مزدحم
مفروض ما تضرب هرن وإن جالك الهندي يسير
حاول يكون أسلوبك مهذّب وشكلك محترم
ترى الغنيمة سندويشة جبنه وقوطي عصير
وجهة نظر وكاد تفهمها وغيرك ما فهم
ترى الحقير اللي بدون أخلاق..ماني بالحقير
والغالي اللي جنسه شوي ويكاد أن ينعدم
لكن لا تذكر مطاليق الرجال إلا بخير
الأوّله على شحم والثانيه على شحم
ترى النشاما فالزمن ذيّا مثل كيس الشعير
إن ما كلته الإبل يا ستّار تاكله الغنم
وإن همّلوني ربعي عتيبه وخلتني مطير
أشره على العجمان والمُرَّه وأنا بن الآعجم
إتصدّق إني قبل قرنين مضت كنت الأمير
ما غير أبنّي من عظام القوم صرحي وآهدم
لكن من جاء للحكم فانجلترا توني بلير
وأنا يديني تنجرح حتى من أشواك السلَم
غديت طير ناشفه رجليه في سبق الجرير
الريش حتّ ومابقى إلا الجلد وحتات العظم
إن قلت بشت الراعي إشجابه لبشت الوزير
قلت الخِياط هو الخِياط الفرق في طول الكمم
لكن على طاري العروبة وين موسى بن نُصير
إترزّ الأعلام و عربنا ما يرزّ لها علم
لا بارك الله فالقناصل والسفارة والسفير
ونضيق وتضيق الملوك وتبتلش فيها الخدم
وش مجبرالحجاج يوم إنّه يشهّر فالزبير
إلا السنين العوج والنيات وعيال الزلم
لو أكثر الحكّام يمرض وأكثر العالم يسير
جرّاح تعبير الغلا فالقلب ليسَ في القدم
لو إنّ حنّ نواكب تطور هالدول ونستنير
ما كان سرنا ملوك الأرض والنيران في رآس العلم
إليا متى والروس تحنى غصب والواقع مرير
ونحن خير أمة قد أخرجت بين الأمم
إن كانها بالكبر والقوّه فغير الله صغير
ألم ترى فيل أبرهه ولم ترى ولم ولم
شعوب فينا الذل له ممسى ومقيال وهجير
آرائنا متشتته وأفكارنا ما تنخدم
فينا الغني من البذخ يتفل على وجه الفقير
وعلى وجيه العافيه شرهة عيون المنحرم
والأشعريين أولا كانوا وهم جمعٍ غفير
إذ جاء منهم شخص واحد حفّزوا فيه الهمم
تجمّعوا ثم أجمعوا ما يملكونه في حصير
وتقاسموه بالتساوي كل بيت له قسم
حتى ذكرهم هادم الأصنام أبو وجهٍ بشير
قال فيما معناه هم منّي وأنا منّهم
لكن نظرة من تفاؤل تفعل الشي الكثير
ومن باب شدّ وإرخ للعشّاق من عشقي سهم
لاأنني شاعر أحب وذي طبيعه في خضير
وخضير تاسع جدّ عاشر جدّ مدري المهم
اللي غلاها من ورى الشريان والضلع القصير
جروحها في القلب يا جرّاح عيّت تلتئم
ياللي على الطاري قهرك الدرب وأتعبك المسير
توّك تلهمني وأنا من يوم شفتك ملتهم
دامك خذيت القلب من بين الحنايا يا خشير
إرحمني الله يرحمك والله يرحم من رحم
أسير في رمضا وصالك والغنيمه زمهرير
فرقاك لين أصبحت أسطوره تحاك فكل فمّ
يالاقين من مقلتيّ دعمّ منقطع النظير
قد اتسم إندماج وقّعته وقد لا أتسم
تثيرني وبقدر ما انته تستطيع إنّك تثير
أتقى عروق القلب وأقساها وأكثرها سقم
يا رآس حربه يا ظهير أيمن يا تدري يا ظهير
إلا فديت عيونك الثنتين وانته تبتسم
لبيك يا ديباج يا استبرق يا سندس يا حرير
يا لؤلؤ منثور ولؤلؤ في جيد منتظم
في جيدك الإلحاد والفتنة وفي منحرك غير
اللآت والعزّى وما تدعي به قريش من صنم
.
#محمد_بن_الذيب
#محمد_ابن_الذيب
.
.
حساب الانستغرام خاص في محمد بن الذيب ⬇️
/ mohammed_bin_altheeb
.
حساب تويتر خاص في محمد بن الذيب ⬇️
m_...
.
رابط قناة محمد بن الذيب في التليغرام ⬇️
t.me/mohammed_...
.
.
فلاح بن ملبز
في التواصل الاجتماعي ⬇️
فلاح بن ملبز
في التواصل الاجتماعي ⬇️
Snapchat : / f_almlbz
.
Instagram : ...
.
Twitter : / f_almlbz
.
Telegram : t.me/F_almlbz
اشترك في القناة ♥️
علي الطلاق انك صبيتها صب الذهب
❤❤❤❤
انا انا من حيث ما اجلس هنا يبدا الرقم
هذي القصيدة اللي اقول على نفس أغراض الشعر الجاهلي ..
ابن الذيب صح السااااانك
ياليل خير..وما ذكرتك يوم جيت إلا بخير
ما ينخدم بخيل..لكنّك بخيل وتنخدم
لا هيّن إلا الهيّنه..ولا عسير إلا العسير
ولا ذميم إلا البخل..ولا حميد إلا الكرم
واللي تعدّى مرحلة الإبداع والنجم الخطير
أصبّها صبّ الذهب وإلا رسمها لك رسم
وش فلسفة (سقراط) وإلا وش كتابة (شكسبير)
إليا تلاقت حنكة الشايب وطيش المنفطم
استوئمتها وسميت بسم الله وقلت إلا يصير
سوّت سواة المتنبي وأسمعت من به صمم
لأني على الدرب الطويل أجرّي الدرب القصير
وأمرّ شمطان اللحى لأهل الشنبات العُصم
الصف الأول ما هو بصفّي ولا الصف الأخير
أنا أنا من حيث ما أجلس..هُنا يبدى الرقم
شاعر إليا حرّك هجوسي رايح الغربي عصير
سمّعتك أحلى ما كتبت من القصيد المنتظم
وإنا صاحت بيوت القصيدة صيحة الحُر الأسير
أجيك كنّي قايد الحملة في جيش(المعتصم)
وإليا بغيت أنافس الشعّار وأولهم (جرير)
قلت البيان يصير منّه سحر والشعرُ حِكم
يا شعب كشمير أنت تبغى حق تقرير المصير
وأنا لو إن الأوضاع في يدّيني على ذيّا الخشم
لكني شاعر لا معي ذمّه ولا عندي ضمير
ما نعرف إلا جرّت المنكوس في رآس الحزم
لكنّ يا (جراح) والناقه ما هي مثل البعير
تعال بآعلمك والتدخين ما يبري فالعِلم
البارحه يوم أنصحك تقولّي يا عم طير
أسلوب خايس بس من حقّك لكن وين العشم
لو إن ربي هاديٍ بك لو يهودي من نُضير
ترى (النبي) أكّد على أنها خير من حُمر النعم
وإن كانك مصمم على التدخين ولا لك مطير
عليك ابمالبورو الله لا يبارك فالألم
وإليا بغيت نغوص فالمرجان فالبحر الغزير
ولا تهون من القلام الزرق دوّر لي قلم
وإن ما لقيت الدفتر موضّع على ظهر السرير
إشتر لنا دفتر جديد أبو ثلاثمية رزم
وأول نصيحة من شوير يسوقها لأغلى شوير
الخال ما آوصيك فيه إليا غلط والعم عم
حسن التعامل يجمل الرجال في عين النظير
مثل الصبر لمّارسين هواية صعود القمم
وأطيب كلام آحاول أختصره لك بموجز قصير
إن رحت تبغى المطعم وجيت ولقيته مزدحم
مفروض ما تضرب هرن وإن جالك الهندي يسير
حاول يكون أسلوبك مهذّب وشكلك محترم
ترى الغنيمة سندويشة جبنه وقوطي عصير
وجهة نظر وكاد تفهمها وغيرك ما فهم
ترى الحقير اللي بدون أخلاق..ماني بالحقير
والغالي اللي جنسه شوي ويكاد أن ينعدم
لكن لا تذكر مطاليق الرجال إلا بخير
الأوّله على شحم والثانيه على شحم
ترى النشاما فالزمن ذيّا مثل كيس الشعير
إن ما كلته الإبل يا ستّار تاكله الغنم
وإن همّلوني ربعي عتيبه وخلتني مطير
أشره على العجمان والمُرَّه وأنا بن الآعجم
إتصدّق إني قبل قرنين مضت كنت الأمير
ما غير أبنّي من عظام القوم صرحي وآهدم
لكن من جاء للحكم فانجلترا (توني بلير )
وأنا يديني تنجرح حتى من أشواك السلَم
غديت طير ناشبه رجليه في سِبق الجرير
الريش حتّ ومابقى إلا الجلد وحتات العظم
إن قلت بشت الراعي إشجابه لبشت الوزير
قلت الخِياط هو الخِياط الفرق في طول الكمم
لكن على طاري العروبة وين (موسى بن نُصير)
إترزّ الأعلام و عربنا ما يرزّ لها علم
لا بارك الله فالقناصل والسفارة والسفير
ونضيق وتضيق الملوك وتبتلش فيها الخدم
وش مجبر (الحجاج) يوم إنّه يشهّر (فالزبير)
إلا السنين العوج والنيات وعيال الزلم
لو أكثر الحكّام يمرض وأكثر العالم يسير
جرّاح تعبير الغلا فالقلب ليسَ في القدم
لو إنّ حنّ نواكب تطور هالدول ونستنير
ما كان سرنا ملوك الأرض والنيران في رآس العلم
إليا متى والروس تحنى غصب والواقع مرير
ونحن خير أمة قد أخرجت بين الأمم
إن كانها بالكبر والقوّه فغير الله صغير
ألم ترى (فيل أبرهه) ولم ترى ولم ولم
شعوب فينا الذل له ممسى ومقيال وهجير
آرائنا متشتته وأفكارنا ما تنخدم
فينا الغني من البذخ يتفل على وجه الفقير
وعلى وجيه العافيه شرهة عيون المنحرم
والأشعريين أولا كانوا وهم جمعٍ غفير
إذ جاء منهم شخص واحد حفّزوا فيه الهمم
تجمّعوا ثم أجمعوا ما يملكونه في حصير
وتقاسموه بالتساوي كل بيت له قسم
حتى ذكرهم هادم الأصنام أبو وجهٍ بشير
قال فيما معناه هم منّي وأنا منّهم
لكن نظرة من تفاؤل تفعل الشي الكثير
ومن باب شدّ وإرخ للعشّاق من عشقي سهم
لاأنني شاعر أحب وذي طبيعه في خضير
وخضير تاسع جدّ عاشر جدّ مدري المهم
اللي غلاها من ورى الشريان والضلع القصير
جروحها في القلب يا جرّاح عيّت تلتئم
ياللي على الطاري قهرك الدرب وأتعبك المسير
توّك تلهمني وأنا من يوم شفتك ملتهم
دامك خذيت القلب من بين الحنايا يا خشير
إرحمني الله يرحمك والله يرحم من رحم
أسير في رمضا وصالك والغنيمه زمهرير
فرقاك لين أصبحت أسطوره تحاك فكل فمّ
يا لاقيٍ من مقلتيّ دعمّ منقطع النظير
قد اتسم إندماج وقّعته وقد لا أتسم
تثيرني وبقدر ما انته تستطيع إنّك تثير
أتقى عروق القلب وأقساها وأكثرها سقم
يا رآس حربه يا ظهير أيمن يا تدري يا ظهير
إلا فديت عيونك الثنتين وانته تبتسم
لبيك يا ديباج يا استبرق يا سندس يا حرير
يا لؤلؤ منثور ولؤلؤ في جيد منتظم
في جيدك الإلحاد والفتنة وفي منحرك غير
اللآت والعزّى وما تدعي به قريش من صنم
٥٤ بيت
محمد ابن الذيب
بيض الله وجهك بيضا من فوق سنجار لي قمة رعوم ❤
جمّل الله حالك وسلمت يمينك👍🏻👍🏻
جزل جزل جزل جزل جزل شاعر ملغم وشاعر منفرد مااحد يقدر ينافسه
كلمتان خفيفتان على اللسان ثقيلتان في الميزان حبيبتان إلى الرحمٰن (سبحان الله وبحمده سبحان الله العظيم).
الله يجزاك خير يا ابو عبدالله
تم تثبيت الرد 👍🏻
شاعر كبير يامحمد ابن الذيب ونعم بك
شاعر كفو والله يا ابن الذيب محد يقدر عليك
ماشالله يا بوحمدان ما حد يجاريك بكل شعراء عصرك
من الاخر
معلّقه...... من المعلقات الذيبيّه
ابداع منقطع النظير
🇰🇼❤️🇶🇦🇰🇼❤️🇶🇦🇰🇼❤️يا حي هالراس يااا حلو قافك يا ابوحمدان الله يحفظك اامين 🙏🙏🙏🙏
صلوا على النبي يا اخوان 🤍🌹
انا اشهد تستاهل الاشتراك
تستاهل الطيب
هاذا وعادها ضاعت جابت روسنا وقندتها من جزالتها وين احصل التكمله
حي ذالعين
ابن الذيب شاعر كبير 💛💛♥️
عاش والله بوحك يا ابن الذيب
مو طبيعي أبداً 😮
يأ مطول الليل في عيون النهار
ويا مقصر الشمس لحظات الغروب
وما بين سود ااايالي وبين انوار
يسج فكري في متاهات الدروب
متنبي العصر
ذا موزون ؟
لو حنا نوكب تطور هالامم ونستنير
صرنا ملوك الا رض والنيران في راس العلم
الى متى ؟والغرب يصنع والواقع مرير
ونحن خير امة قد اخرجت بين الا مم
ان كانها بالكبر والقوه فغير الله صغير
الم تر فيل ابرهه ولم ترى ولم ولم
شعوب فينا الذل له ممسى ومقيال وهجير
ارأنا متشتته وافكارنا بصراحه ماتنخدم
فينا الغني من البذخ يتفل على وجه الفقير
وعلى وجيه العافيه شرهة عيون المنحرم
اااوووووف!!!!!
الصف الاول ماهو بصفي ولا صفي الاخير
ادب اجلد ابو جدهم عيال ابليس ...
صح لسانك وصح بدن صاحب القناة وكثر الله من امثالكم ...
وصح بدنك يالشيخ
كفوو
هذا ولا كملها..
يا عرب سمعتوا إلى سمعته.؟؟
أقوى قصيده سمعتها بحياتي تقريبا. واقوى قصيده له تتفق معي ؟
ما افهمت كلماته ممكن اقراها كلمات فصحى
والله انه شاعر ملغم ومصيبه عيآ
وين التكمله؟؟
💛💙
شاعر كبير و مبدع جداً ، لكن القصيده هذي خثاريق كانت في بداياته
والله انه شاعر ملغم ومصيبه عيآ