中年好聲音2上演爭入9強賽 與聲夢唱將強強聯手戰況激烈

中年好聲音2上演爭入9強賽 與聲夢唱將強強聯手戰況激烈
《中年好聲音2》最新一集賽事將會進行10強進入9強環節，更請到《聲夢傳奇》嘅唱將強強聯手，《中聲2》嘅大魔王安雅希，就會同《聲夢2》同樣係魔王級別嘅黃洛妍首度合唱，一首《我不難過》連主持車婉婉都聽到差啲淚崩，安雅希就話多謝Janees比咗自己好多力量。
而古淖文就會同冼靖峰合唱《祝君好》，兩大靚聲，絕對會令大家聽到耳朵懷孕。不過原來Archie私底下係安雅希嘅粉絲，二人曾經參與同一個歌唱比賽，Archie話想當年安雅希已經實力超班，希望有機會可以正式合作。
兩位女將陳俞霏同陳蒨葶就同樣以快歌應戰，俞霏同青春無敵嘅XiX合唱《全身暑假》，蒨葶就同文凱婷合唱《灰色》，蒨葶雖然分數暫時有危機，但佢就話自己已經盡咗力啦！
#中年好聲音2 #聲夢傳奇 #安雅希 #黃洛妍 #古淖文 #冼靖峰 #陳俞霏 #XiX #陳蒨葶 #文凱婷 #強強聯手 #車婉婉 #肥媽 #魔王級別 #祝君好 #聲夢傳奇 #我不難過 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0