Brandhärd feat. onYva - Mini Cliq

Zusammen mit ihrer Clique, der Fasnachtsgesellschaft onYva 2010, haben Fierce und Fetch den Track «Mini Cliq» realisiert. Der Song ist im Rahmen der onYva-Vorfasnachtsveranstaltung «Menü SürprYYs» entstanden und auf der Tabourettli-Bühne aufgeführt worden.
Herzlichen Dank an Telebasel, Benno Hunziker und Alexander Ball für das zusätzliche Bildmaterial!
www.onyvabasel.ch
Mini Cliq - Songtext
Was mach-y nur? Y ha mi bitz verstriggt!
Sie ahnt’s jo scho, doch checkt’s halt no nid.
Wie sag-ys nur? Y glaub jetzt bin-y gfiggt.
Es isch wies isch halt scho bitz verzwiggt.
Jä wie wird sie reagiere? Und wird sie mi denn no liebe?
Oder gheyt sie mi vom Käppelijoch?
Y muess es halt probiere als hätt y nütt z verliere
Will ihri Konkurräntin fäggt ebe scho…
Oh Myggeli - y muess dr öbbis beichte.
Y bi bitz verliebt und gang drum uf Reise.
Nid lang und nid wytt, aber glyych muesch mi teile.
Wenn aim s Fieber paggt, kasch das nid heile.
Klar bisch au wytterhin mi Myggeli.
Aber wenns Vieri schloot, han-y nur no Zyt für sie.
Ab denn schloot mi Härz numme für d Frau Fasnacht.
Numme für die Stadt, mi Himmel, mini Aastalt.
Ab denn bin y ihre, ihre ganz elei.
Y mach ere dr Hof und sie macht mr Bei.
Vom Schnabel bis zur Hase nimmt sie mi an dr Hand.
Y folg ihre im Glyychschritt, sie raubt mr dr Verstand.
Larve und Farbe und Räppli wie Sandkörner.
Bääbendi Fassade mache d Stadt zum Resonanzkörper.
Drey Daag uff dr Gass, dr Räscht kratzt mi nid.
Dasch mini Wält, dasch mini Clique…
Das isch mini Cliq, Cliq, Cliq.
Check mini Cliq, Cliq, Cliq.
Alles für mi Cliq, Cliq, Cliq.
Y han e Pfyffe im Ohr - es isch nid s Myggeli.
Die Melodie sinn vo miner Clique, Bitch!
Bittersiessi Kläng - wills unsri Pfyffer sinn.
Vom Rhysprung bis zum Heubärg, lueg e mol wie fit mir sinn.
Jedi Melodie vo sanfter Poesie.
Fyyn und flüchtig wie dr Näbel uff em Rhy.
Pfyffer sinn wie Ängel - halt no mit Piccolo.
Y würd ’se glatt e Match pfyffe loh.
Das isch mini Cliq, Cliq, Cliq.
Check mini Cliq, Cliq, Cliq.
Alles für mi Cliq, Cliq, Cliq.
Was wär die Fasnacht numme ooni Basler Drummle.
E Wand wie in dr Kurve loht alli grad verstumme.
Sie brätsche brachial, rötze lutt und schnäll,
stryychle filigran über s Drummelfäll.
Reihewyys Tamboure donnere durch d Gass.
Nach jedem Rieme, köpfe mr e Fass.
Rundi für Rundi, gässle bis ind Nacht.
Magischi Momänt, mir sinn ains mit dr Stadt.
Vom Ohremyggeli bis zum Wettstaimarsch
spiele mr bis z letscht und gniesse jede Taggt.
Die drey scheenschte Dääg kömme zum Schluss.
Und mi Myggeli - bald wieder zum Kuss.
Das isch mini Cliq, Cliq, Cliq.
Check mini Cliq, Cliq, Cliq.
Alles für mi Cliq, Cliq, Cliq.

[@marcpeter7136]

Uf dä Track hani johrelang gwartet den är redet mir usen Härz ❤️❤️Dangge drfür. Krieg jedesmol Träne in de Auge wells mir eso noch goht 😍😍😍

[@PK-pz3fq]

Super Sache. Einmalige Entwicklung in den letzten 20 Jahren des Brandhärdes. Hoffe insgeheim auf ein neues Album.

[@brandhard4502]

Das ist - wie allewyyl - nur eine Frage der Zeit;) Cheers

[@FetchOnFire]

Nun…bald kommt das neue Album - November 2022;)

[@PK-pz3fq]

@@FetchOnFire Top - Album wird gekauft🚀🦖 und in den Gassen von Bern gehört.

[@YvesDOfficialViedeo]

Geil, es gfühl vo Freiheit wenn ich das loos❤

[@abdelaziz73]

hüehnerhut pur... hammer

[@Baselfreak]

Hanz diggi Boscht! Merci! ❤️

[@TheDjMu]

Basel!! Gänsehuut

[@remobader5691]

Dini stimm esch eifach de hammer 😍

[@pserratore]

❤❤❤

[@rafaelschwimbersky2280]

Geiles Lied, witer so ihr sind de hammer!!! Die geilschti schwizer band

[@philippgaegauf8167]

brandhärd eine vo de beste musiggruppe idr schwiiz - "solongs nüt besser git gits stress und bligg" :))

[@rainbow6ratte989]

I ha s lied für am Moge Streich. Dr hammer mit de biegolos u de drumle. Mached wider e so

[@miniBaumBlau]

Cliqe sölle ab jetzte so spiele. 1000x mol bessor

[@Sica1000]

nice one.

[@marcmeyer1084]

Haaaaaiweh

[@flyandmore4552]

❤💙