«D'fënnef Elementer» | Moderéierte Concert

Äerd, Metall, Holz, Feier a Waasser - d’Grondkräfte vun der Natur si permanent am Wandel an am Austausch mateneen. Wéi kléngen déi 5 Elementer an der Musek? Mat Wierker wéi dem Beethoven senger «Pastorale» Symphonie N° 6 oder dem Manuel de Falla sengem Feuertanz invitéiert d’Philharmonie am Kader vum Kanner- a Jugendfestival zum Thema «Natur», d’Interaktiounen tëscht dem Mënsch an der Ëmwelt z’entdecken.
An engem Workshop mat der Komponistin Rachel Leach kënne Schoulkanner hir eege Kläng passend zum Element «Holz» erfannen an zesumme mat de Museker a Musekerinnen vum Orchestre Philharmonique du Luxembourg hir Kreatioun op der Bün opféieren.