خمس انتكاسات بتحصل لضحية النرجسيFive setbacks that happen to the victim of the narcissist
HTML-код
- Опубликовано: 8 сен 2024
- انتكاسات ضحية النرجسي
ايه هي الانتكاسات اللي بتحصل لضحية النرجسي وايه سببها ؟
ضحية النرجسي بتختار حاجة من اتنين اما انفصال كامل سواء بالطلاق او بدون طلاق ،او انفصال نفسي واستمرار في الزواج والتعايش وفي الحالتين دول الزوجة لازم تمر بمرحلة التعافي من ادمان النرجسي ومن الصدمة اللي بتحصل لها من العيشة معاه ، ولو مدخلتش رحلة التعافي دي لا حتقدر تنفصل لا نفسيا ولا جسديا ، المهم ان الزوجة في اثناء رحلة التعافي دي بيحصل لها انتكاسات بتخليها تخاف وتفكر انها بتتراجع وان كدة هي ماانجزتش أي حاجة وان التعافي محققتش منه أي خطوة ، طيب زي ايه الانتكاسات دي؟
١- تلاقي نفسها ضعفت لما عمل لها هوفرينج وتفكر في الرجوع فعلا والبعض بتضعف وبترجع
٢- تبلع طعم المعارك النرجسية والاستفزازات وتدخل معاه في سجالات وخناقات ومناقشات وبعدين تحس انها وقعت في الفخ وادتهووقود سلبي
٣- لما تكون قطعت التواصل ويبدأ هو في تشويه السمعة هي اما تخاف وتترعب وتجري عليه وتحايله يوقف فضايح او تحاول ترجع له من كتر ماهي خايفة من كلام الناس ، او انها تدخل معاه مسابقة تشويه السمعة وتبدأ تفضحه وتبدأ تدافع عن نفسها وتنخرط في المعارك النرجسية
٤- تبلع طعم العلاقة السرية ، يعني ايه ؟ يعني النرجسي يعمل لها هوفرينج مكثف ويوهمها انه بيموت من غيرها ودة بيكون بعد قعدة رجالة واتفاقات والتزامات عليه يعملها وهو عايز يلغي كل دة ويوقع كلام الناس في الأرض ويستهزأ بيهم ويحسس نفسه انه اذكى منهم كلهم وطبعا عشان انتي حتخافي من اهلك حيحاول يقابلك في السر ويخليكي تروحي له شقتكم او هو ييجي لك لو هو اللي خرج من وراح لأهله ، المهم تتقابلوا سرا من ورا اهلك وترجعوا في السر وهو لانه مختل بيحب العلاقات السرية فعلا وممكن يعيشك في الفترة دي مرحلة حب دهبية ويكون بكدة ادا اهلك الم ولا قفا تمام بس بإيدك انتي ، وطبعا مش بعيد يخليكي تجيبي له ورق الاتفاقات ويقطعها وحاجات كتير أسوأ من كدة
٥- الانتكاسات البسيطة زي فتح البلوكات والاجترار والرجوع المراقبة ليل نهار، او نرجع أصدقاء ونسأل عن بعض وياعيني هي بتكون على امل ييرجعها وهو بيكون أصلا بيثلث بيها لضحيته الجديدة
طيب ايه نتيجة الكلام دة ؟ اول حاجة إحساس بالعار والفشل وانك مفيش فايدة فيكي وانك ضعيفة وطبعا هو دة اللي عايزه النرجسي عشان ترجعي له تاني ، ومش كدة وبس انتي كمان بتلومي نفسك وتجلدي ذاتك وتحسي انك كأنك عاملة عملة تلاقي نفسك محرجة وخايفة تحكي لحد عشان حتصغري في نظره وتخافي تحكي لأهلك انك صغرتيهم وتلاقي نفسك عزلتي نفسك عن العالم خوفا من مواجهة الانتكاسة اللي حصلت ولو استسلمتي للوضع دة حتلاقي نفسك رجعتي لنقطة الصفر . عشان كدة انا عملت الفيديو دة عشان أقول لك لا ابدا اوعي تستسلمي واوعي تحسي بالعار ولا بالخجل ،اللي انتي فيه دا شيء طبيعي جدا ومحدش مابيتعرضش له ومفيش حد في العالم مش بيتعرض لانتكاسات في حياته ولازم تفهمي ان الانتكاسات دي جزء من الحياة ولازم بعدها تقومي وتقفي تاني وتكملي التشافي وتسامحي نفسك وتتعاطفي معاها ولاتقسي عليها وادعميها وخليها فرصة تقربي منها وتسمعي لها وتعرفي نقط ضعفها واحتياجاتها ، اسمعي نفسك وكلميها واديها مساحة كافية وحرية متعمليش مع نفسك اللي النرجسي كان بيعمله فيكي ، اتعلمي تكوني متسامحة مع نفسك زي ما انتي متسامحة مع الناس .
كملي خطوات التشافي وتجاهلي السلبيات اللي حصلت من الانتكاسة وخدي منها الإيجابيات واتعلمي الدرس عشان ماتكرريهوش بقدر المستطاع وكملي طريقك واعملي زي الحصان اللي وقع في الحفرة والناس ماعرفتش تخرجه وبدأوا يردموا عليه وهو ينفض التراب ويقف عليه وكل مايردموا هو يقف على الردم لحد ماخرج من البير ، انتي مش اقل من الحصان اللي اتصرف بالفطرة وانتي عندك الفطرة وفوقها العقل